പാലക്കാട്: കഞ്ചിക്കോട് ദേശീയപാതയിൽ ബൈക്കിടിച്ച് വയോധികക്ക് ദാരുണാന്ത്യം. ആലാമരത്ത് വാടകക്ക് താമസിക്കുന്ന ദേവകി (62) ആണ് മരിച്ചത്. കഞ്ചിക്കോട് റെയിൽവേ സ്റ്റേഷനു സമീപം ചൊവ്വാഴ്ച രാവിലെ 11ഓടെയായിരുന്നു സംഭവം. റോഡ് മുറിച്ചുകടക്കുന്നതിനിടെ ബൈക്ക് ഇടിക്കുകയായിരുന്നു. ദേവകി സംഭവസ്ഥലത്തുതന്നെ മരിച്ചു. ബൈക്കോടിച്ച പ്രസീദിനെ (25) ഗുരുതര പരിക്കുകളോടെ പാലക്കാട് ജില്ല ആശുപത്രിയിൽ പ്രവേശിപ്പിച്ചു. വയോധികയുടെ മൃതദേഹം പാലക്കാട് ജില്ല ആശുപത്രി മോർച്ചറിയിലേക്ക് മാറ്റി.
