ഇരിങ്ങാലക്കുട: അവിട്ടത്തൂരിൽ കാറും സ്കൂട്ടറും കൂട്ടിയിടിച്ച് യുവതി മരിച്ചു. കൊറ്റനെല്ലൂർ പട്ടേപ്പാടം സ്വദേശി മംഗലത്തറ വീട്ടിൽ ആസിഫ (38) ആണ് മരിച്ചത്. ബുധനാഴ്ച്ച രാവിലെ 7.45ന് അവിട്ടത്തൂർ സ്കൂളിന് സമീപമാണ് അപകടം.
പട്ടേപ്പാടം ഭാഗത്ത്നിന്നും വന്നിരുന്ന ആസിഫ അവിട്ടത്തൂർ സ്കൂൾ കഴിഞ്ഞ ഇറക്കം ഇറങ്ങി വരുകയായിരുന്നു. എതിരെ വന്നിരുന്ന തൃശൂർ സ്വദേശികളായ യുവാക്കൾ സഞ്ചരിച്ചിരുന്ന കാറുമായി കൂട്ടിയിടിക്കുകയായിരുന്നു. ഉടൻ തന്നെ പുല്ലൂർ മിഷൻ ആശുപത്രിയിൽ എത്തിച്ചെങ്കില്ലും രക്ഷിക്കാനായില്ല.
ഇസാഫ് ബാങ്കിന്റെ ചേർപ്പ് ബ്രാഞ്ചിലെ അസി. മാനേജർ ആണ് ആസിഫ. ആളൂർ പൊലിസ് എത്തി നടപടി സ്വീകരിച്ചു. സിദ്ധിഖാണ് ആസിഫയുടെ ഭർത്താവ്. പോസ്റ്റ്മാർട്ടം നടപടികൾക്കായി മൃതദ്ദേഹം തൃശൂർ മെഡിക്കൽ കോളജിലേക്ക് മാറ്റി.
