പാലക്കാട്: സി.പി.എം ബ്രാഞ്ച് സെക്രട്ടറിയെ തൂങ്ങിമരിച്ച നിലയില് കണ്ടെത്തി. എലപ്പുള്ളി തറക്കളം ബ്രാഞ്ച് സെക്രട്ടറി ശിവകുമാറാണ് (29) മരിച്ചത്. തദ്ദേശ തെരഞ്ഞെടുപ്പില് മത്സരിക്കുന്ന സ്ഥാനാര്ഥിയുടെ പത്രികാസമര്പ്പണത്തിനുശേഷം വീട്ടില് തിരിച്ചെത്തിയശേഷമാണ് ശിവകുമാറിനെ തൂങ്ങിമരിച്ച നിലയില് കണ്ടെത്തിയത്. ഡി.വൈ.എഫ്.ഐ എലപ്പുള്ളി വെസ്റ്റ് മേഖല കമ്മിറ്റി അംഗവും പി.കെ.എസ് വില്ലേജ് കമ്മിറ്റി അംഗവുമാണ് ഇദ്ദേഹം. തിങ്കളാഴ്ച ഉച്ചകഴിഞ്ഞ് സമീപവാസിയാണ് വീടിനു സമീപത്തെ പറമ്പിലെ മരക്കൊമ്പില് ശിവകുമാറിനെ തൂങ്ങിമരിച്ച നിലയില് കണ്ടെത്തിയത്. തിങ്കളാഴ്ച 12ഓടെ എലപ്പുള്ളി ഗ്രാമപഞ്ചായത്തിലെ സ്വന്തം വാര്ഡായ 19ല് പാര്ട്ടി നിശ്ചയിച്ച സ്ഥാനാര്ഥിയുടെ നാമനിര്ദേശ പത്രികാസമര്പ്പണത്തില് പ്രവര്ത്തകര്ക്കൊപ്പം ശിവകുമാര് പങ്കെടുത്തിരുന്നു. പിന്നീട് വീട്ടിലേക്ക് മടങ്ങിയ ശിവകുമാറിനെ ഫോണില് ബന്ധപ്പെട്ടെങ്കിലും എടുത്തിരുന്നില്ല. തുടർന്നായിരുന്നു മരിച്ചനിലയിൽ കണ്ടെത്തിയത്.
