പരപ്പനങ്ങാടി: ട്രെയിനിൽനിന്ന് വീണ് യുവാവ് മരിച്ചു. പുത്തൻകടപ്പുറത്തെ പോക്കുവിന്റെ പുരക്കൽ ആലിമുഹമ്മദിന്റെ മകൻ ഇർഷാദ് (37) ആണ് ട്രെയിൻ യാത്രക്കിടെ കാൽവഴുതി പാളത്തിലേക്ക് വീണ് തൽക്ഷണം മരിച്ചത്. മത്സ്യതൊഴിലാളിയായ ഇർഷാദ് കാസർകോട് ജില്ലയിലെ നീലേശ്വരത്ത് നിന്നാണ് വള്ളത്തിൽ കയറുന്നത്. പണിക്ക് പോകുന്നതിനായി പരപ്പനങ്ങാടി റെയിൽവേ സ്റ്റേഷനിൽനിന്ന് ട്രെയിൻ കയറി അൽപം മുന്നോട്ട് പോയ ഉടനെയാണ് അപകടം സംഭവിച്ചത്. മാതാവ്: ആയിശ. സഹോദരങ്ങൾ: തെസ്ലി, മുഹമ്മദ് ഹസൻ, മുഹമ്മദ് ഹുസൈൻ, തബ്ഷീറ, തെക്മില, തർളിയ.
