പുൽപള്ളി: മുതിർന്ന സി.പി.എം നേതാവും പുൽപള്ളി ഗ്രാമപഞ്ചായത്ത് മുൻ പ്രസിഡന്റുമായ താന്നിത്തെരുവ് പൂക്കളത്ത് പി.കെ. മാധവൻ (82) നിര്യാതനായി. വാർധക്യസഹജമായ അവശതയെത്തുടർന്ന് രണ്ടു വർഷമായി വിശ്രമത്തിലായിരുന്നു. ഞായറാഴ്ച രാവിലെ അവശത വർധിച്ചതിനെത്തുടർന്ന് കോഴിക്കോട്ടെ സ്വകാര്യ ആശുപത്രിയിൽ എത്തിച്ചെങ്കിലും വൈകീട്ടോടെ മരിച്ചു. സി.പി.എം പുൽപള്ളി ലോക്കൽ കമ്മിറ്റി ആദ്യകാല സെക്രട്ടറിയും പുൽപള്ളി ഏരിയ കമ്മിറ്റി രൂപവത്കൃതമായപ്പോൾ ആദ്യ ഏരിയ സെക്രട്ടറിയുമായിരുന്നു. 30 വർഷത്തോളം ജില്ല കമ്മിറ്റി അംഗമായിരുന്നു. ഭാര്യ: സതി (മുൻ ജീവനക്കാരി, പഴശ്ശിരാജ കോളജ് പുൽപള്ളി). മക്കൾ: പി.എം. ദിവ്യ (എസ്.എൻ കോളജ് കണ്ണൂർ), അമൽജിത്ത് (പഞ്ചാബ് നാഷനൽ ബാങ്ക്, കൽപറ്റ). മരുമക്കൾ: അഭിലാഷ്, അശ്വതി.
