മലാപ്പറമ്പ്: എൽ.ഐ.സി. പെൻഷനേഴ്സ് അസോസിയേഷൻ കോഴിക്കോട് ഡിവിഷൻ പ്രസിഡന്റ് മലാപ്പറമ്പ് കല്ലാരംകെട്ട് റോഡ് ‘കൽഹാര’യിലെ സുകുമാരൻ പുന്നശ്ശേരി (80) നിര്യാതനായി. പരേതരായ പുന്നശ്ശേരി കുട്ടിപ്പാച്ചുവിന്റെയും (അപ്പു) മാധവിയുടെയും മകനാണ്. സൗത്ത് സോൺ ഇൻഷുറൻസ് എംപ്ലോയീസ് ഫെഡറേഷൻ വൈസ് പ്രസിഡന്റ്, എൽ.ഐ.സി. എംപ്ലോയീസ് യൂനിയൻ കോഴിക്കോട് ഡിവിഷൻ പ്രസിഡന്റ്, ഓൾ ഇന്ത്യ ഇൻഷുറൻസ് എംപ്ലോയീസ് അസോസിയേഷൻ വർക്കിങ് കമ്മിറ്റി മെംബർ, സീനിയർ സിറ്റിസൺ ഫ്രണ്ട്സ് വെൽഫയർ അസോസിയേഷൻ സിവിൽ സ്റ്റേഷൻ യൂനിറ്റ് ഭാരവാഹി എന്നീ നിലകളിൽ പ്രവർത്തിച്ചിട്ടുണ്ട്. ഗ്രന്ഥകാരൻകൂടിയായ പുന്നശ്ശേരി ‘ഡൽഹിയിൽനിന്ന് ഹിമവൽ സാനുക്കളിലേക്ക്’ ‘തീർഥാടനം’ ‘രാമേശ്വരം മുതൽ ധനുഷ് കോടിവരെ’ ‘വളയനാട് ക്ഷേത്രം: ചരിത്രവും ഐതിഹ്യവും’ എന്നീ പുസ്തകങ്ങളുടെ രചയിതാവാണ്. ഭാര്യ: പരേതയായ എടപ്പയിൽ നിർമല. മക്കൾ: നിത്യാനന്ദ് (സിഗ്മ ഇലക്ട്രിക്കൽസ്, നടക്കാവ്), മനോജ് (സിഗ്മ ഇലക്ട്രിക്കൽസ്, നടക്കാവ്). മരുമക്കൾ: ബബിത, സിഗി. സഹോദരങ്ങൾ: പ്രഭാകരൻ പുന്നശ്ശേരി (റിട്ട. കെ.എസ്.എച്.ബി), രാധ കല്ലിൽ, പരേതരായ ജാനു, കമലാക്ഷി, വത്സല.
