എരുമപ്പെട്ടി: ചർച്ച് നിർമാണത്തിനിടെ തലയിൽ ഇരുമ്പ് തട്ട് പൊട്ടിവീണ് ഗുരുതര പരിക്കേറ്റ് മുളങ്കുന്നത്തുകാവ് മെഡിക്കൽ കോളജ് ആശുപത്രിയിൽ ചികിത്സയിൽ കഴിഞ്ഞിരുന്ന നിർമാണ തൊഴിലാളി മരിച്ചു. വാഴാനി കല്ലംപാറ ആര്യംപറമ്പിൽ വീട്ടിൽ രാജനാണ് (50) മരിച്ചത്. പുതുക്കി നിർമിക്കുന്ന മങ്ങാട് സെൻറ് ജോർജ് പള്ളിയുടെ നിർമാണത്തിനിടെ കഴിഞ്ഞ ആറിന് രാവിലെ ഒമ്പതരയോടെയാണ് അപകടമുണ്ടായത്. പള്ളിയുടെ തേപ്പ് ജോലി കരാറെടുത്ത് ചെയ്യുകയായിരുന്നു രാജൻ. നിർമാണ സാമഗ്രികൾ മുകളിലേക്ക് കൊണ്ടുപോകാൻ ഉപയോഗിയുന്ന മങ്കി ലിഫ്റ്റിെൻറ ഇരുമ്പു കൊണ്ടുള്ള അടിതട്ട് പൊട്ടി, താഴെ ജോലി ചെയ്തു കൊണ്ടിരുന്ന രാജെൻറ തലയിൽ വീഴുകയായിരുന്നു. ഗുരുതര പരിക്കേറ്റ രാജനെ എരുമപ്പെട്ടി ആക്ട്സ് പ്രവർത്തകരാണ് ആശുപത്രിയിലെത്തിച്ചത്. എരുമപ്പെട്ടി പൊലീസ് മേൽനടപടികൾ സ്വീകരിച്ചു. ഭാര്യ: ഷൈല. മക്കൾ: നീതു, നിത്യ, നിധീഷ്. മരുമകൻ: സനീഷ്.
