തൃശൂർ: ഗ്രീൻ ബുക്സ് മാനേജിങ് ഡയറക്ടർ കൃഷ്ണദാസ് (ആർ. വൽസൻ- -70) അയ്യന്തോളിലെ വസതിയിൽ നിര്യാതനായി. പത്രപ്രവർത്തകൻ, എഴുത്തുകാരൻ, പ്രസാധകൻ എന്നീ നിലകളിൽ പ്രശസ്തനായിരുന്നു. 1951ൽ തൃശൂർ ജില്ലയിലെ ഏങ്ങണ്ടിയൂരിലാണ് ജനനം. പഠനത്തിനു ശേഷം എഴുപതുകളുടെ തുടക്കത്തിൽ ഗൾഫ്നാടുകളിലേക്ക് ചേക്കേറി. ഗൾഫിൽ കുടിയേറിയ ആദ്യകാല പ്രവാസികളിൽ കൃഷ്ണദാസും ഉണ്ടായിരുന്നു. യു.എ.ഇയിലെ ആദ്യകാല ദിനപത്രമായ റോയിറ്റേഴ്സ് ബുള്ളറ്റിനിൽ പ്രവർത്തിച്ചു. തുടർന്ന് അബൂദബിയിലെ ഹോങ്കോങ് ബാങ്കിൽ ദീർഘകാലം ഉദ്യോഗസ്ഥനായിരുന്നു. അക്കാലത്ത് ദേശാഭിമാനി പത്രത്തിെൻറ മിഡിൽ ഈസ്റ്റ് കോളമെഴുത്തുകാരനായി ഗൾഫിലെ ജീവിതത്തെക്കുറിച്ച് ധാരാളം എഴുതി. അബൂദബിയിൽ ജോലി ചെയ്യുന്ന മലയാളികളുടെ സംഘടനയായ അബൂദബി ശക്തി തിയറ്റേഴ്സിെൻറ മുഖ്യ സംഘാടകനായിരുന്നു. ഗൾഫ് യുദ്ധകാലത്ത് യുദ്ധലേഖകനായും പ്രവർത്തിച്ചു. ഇതിനിടയിൽ ‘ദുബായ് പുഴ’ അടക്കമുള്ള കൃഷ്ണദാസിെൻറ നിരവധി പുസ്തകങ്ങൾ പ്രസിദ്ധീകൃതമായിരുന്നു. 1998ൽ ഹോങ്കോങ് ബാങ്കിൽനിന്ന് വിരമിച്ച് നാട്ടിലേക്ക് മടങ്ങി. പത്തേമാരിയിൽ കയറി നാടുവിട്ട മലയാളികളുടെ കഥപറയുന്ന ‘ദുബായ് പുഴ’, പ്രശസ്തി നേടിക്കൊടുത്ത നോവലായ ‘ഇരുട്ടിൽ ഉറങ്ങാതിരിക്കുന്നു’, ‘കടലിരമ്പങ്ങൾ’, ‘മരുഭൂമിയുടെ ജാലകങ്ങൾ’ എന്നിവയാണ് കൃഷ്ണദാസിെൻറ കൃതികൾ. തുടർന്ന് തൃശൂർ കേന്ദ്രമാക്കി ഗ്രീൻ ബുക്സ് തുടങ്ങി. തൃശൂരിനു പുറമെ പാലക്കാട്, എറണാകുളം, തിരുവനന്തപുരം, കോഴിക്കോട് നഗരങ്ങളിലും ഗ്രീൻബുക്സിന് ശാഖകളുണ്ട്. ഭാര്യ: ഗിരിജ. മക്കൾ: ഡോ. നീതി, വിശ്വാസ്. മരുമകൻ: ഡോ. മിഥുൻ. സംസ്കാരം തിങ്കളാഴ്ച രാവിലെ ഒമ്പതിന് പാറമേക്കാവ് ശാന്തിഘട്ടിൽ.
