പ​ട്ടി​ണി​യ​റി​ഞ്ഞ നോ​മ്പു​കാ​ലം!

പ​ത്തു​വ​ർ​ഷം മു​മ്പ് ഗ​ൾ​ഫ് ജീ​വി​ത​ത്തി​ലെ ഉ​ഷ്ണ​ച്ചൂ​ടി​ൽ ഒ​രു നോ​മ്പു​കാ​ലം വ​ന്ന​ണ​ഞ്ഞു. ജീ​വി​ത​ത്തി​ലെ പ്ര​തി​സ​ന്ധി​ഘ​ട്ട​ത്തി​ൽ ഒ​ന്നു​പോ​ലും ത​ര​ണം ചെ​യ്യാ​നാ​വാ​തെ കു​ഴ​ങ്ങി​ക്കി​ട​ക്കു​ന്ന അ​വ​സ​ര​ത്തി​ലാ​യി​രു​ന്നു നോ​മ്പി​നെ വ​ര​വേ​റ്റ​ത്.

പ്ര​ഭാ​തം മു​ത​ൽ പ്ര​ദോ​ഷം വ​രെ പ​ട്ടി​ണി കി​ട​ന്ന് ഉ​പ​വാ​സ​മ​നു​ഷ്ഠി​ക്കു​ന്ന വേ​ള​യി​ൽ പ​ട്ടി​ണി​യു​ടെ പ്രാ​ധാ​ന്യ​വും കൂ​ടി അ​റി​യാ​നാ​ണ് സൂ​ക്ഷ്മ​ത​യി​ല​ധി​ഷ്ഠി​ത​മാ​യ നോ​മ്പ്​ മു​സ്​​ലിം ലോ​കം നി​ർ​വ​ഹി​ക്കു​ന്ന​ത്. എ​ന്നാ​ൽ, ശ​രി​ക്കും പ​ട്ടി​ണി അ​റി​ഞ്ഞ രാ​വും പ​ക​ലു​മാ​യി​രു​ന്നു എ​ന്റേ​ത്.

സു​ൽ​ത്താ​ൻ ഖാ​ബൂ​സ് മ​സ്ജി​ദി​ൽ​നി​ന്ന് ഇ​ഫ്താ​റി​ന് ബി​രി​യാ​ണി കി​ട്ടി​യി​രു​ന്നി​ല്ലെ​ങ്കി​ൽ എ​ന്റെ ഇ​ഫ്താ​ർ​പോ​ലും പ​ച്ച​വെ​ള്ള​ത്തി​ൽ മാ​ത്രം ഒ​തു​ങ്ങു​മാ​യി​രു​ന്നു. ഇ​ഫ്താ​ർ തു​റ​ക്കാ​ൻ വേ​ണ്ടി പ​ള്ളി​യി​ലേ​ക്ക് നേ​ര​ത്തെ പു​റ​പ്പെ​ടും. പാ​കി​സ്താ​നി​ക​ളും ബം​ഗാ​ളി​ക​ളും ഇ​ന്ത്യ​ക്കാ​രും വി​ശി​ഷ്യാ മ​ല​യാ​ളി​ക​ളു​മ​ട​ങ്ങു​ന്ന നോ​മ്പു​കാ​രു​ടെ ഒ​രു തി​ര​ക്ക് ത​ന്നെ​യാ​ണ് പ​ള്ളി​യി​ൽ. ഭ​ക്ഷ​ണ​ത്ത​ളി​ക​ക്ക് ചു​റ്റു​മി​രി​ക്കാ​നു​ള്ള തി​ക്കും​തി​ര​ക്കും. ആ ​തി​ര​ക്കി​നി​ട​യി​ൽ സ്ഥ​ലം പി​ടി​ക്കാ​ൻ വേ​ണ്ടി​യാ​ണ് നേ​ര​ത്തെ പ​ള്ളി​മു​റ്റ​ത്തെ​ത്തു​ന്ന​ത്. മേ​ലെ​യും ചൂ​ട് അ​ടി​യി​ലും ചൂ​ട് എ​ന്ന അ​വ​സ്ഥ​യി​ലാ​ണ് ഇ​രി​പ്പ്.

മ​ഗ്​​രി​ബ് ബാ​ങ്ക് കേ​ട്ട​തോ​ടെ നോ​മ്പ് മു​റി​ക്കാ​നും ബി​രി​യാ​ണി അ​ക​ത്താ​ക്കാ​നു​മു​ള്ള തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. ക​ഷ്ടി​ച്ച് കി​ട്ടി​യ ഭ​ക്ഷ​ണം അ​ക​ത്താ​ക്കു​മ്പോ​ൾ തെ​ല്ലു​വേ​ദ​ന​യോ​ടെ ക​ഴി​ഞ്ഞ​കാ​ല ജീ​വി​ത​ത്തി​ലേ​ക്ക് തി​രി​കെ ന​ട​ക്കും. എ​ന്താ​യി​രു​ന്നു ആ ​കാ​ല​ഘ​ട്ടം? കു​ടും​ബ​വു​മാ​യി സ​മൃ​ദ്ധി​യോ​ടെ ക​ഴി​ഞ്ഞ കാ​ല​ഘ​ട്ടം. ഒ​രു സം​ഘ​ത്തി​ന്‍റെ പ്ര​വ​ർ​ത്ത​ക​നാ​യ​തി​നാ​ൽ അ​ന്ന് ചു​റ്റി​ലും വേ​ണ്ട​പ്പെ​ട്ട​വ​രാ​യി അ​വ​രാ​ണ് ഉ​ണ്ടാ​യി​രു​ന്ന​ത്. അ​ന്ന് ഒ​ന്നി​ച്ച് നോ​മ്പ് തു​റ​ക്കാ​നും നോ​മ്പു​തു​റ​പ്പി​ക്കാ​നു​മു​ള്ള ആ​ത്മ​ബ​ന്ധം നി​ല​നി​ന്നി​രു​ന്നു. ഇ​ന്ന് കൂ​ടെ കു​ടും​ബ​മി​ല്ല. നാ​ട്ടി​ലാ​ണ്. പ്ര​സ്ഥാ​ന​ക്കാ​രി​ല്ല. ചി​ല വീ​ഴ്ച​ക​ളാ​ൽ അ​വ​രെ​ല്ലാം അ​ക​ന്നു​പോ​യി. മ​ര്യാ​ദ​ക്ക് ഒ​രു ജോ​ലി​യി​ല്ല. ഭ​ക്ഷ​ണ​ത്തി​ന് പോ​ലും ന​ന്നേ ബു​ദ്ധി​മു​ട്ട്. പ​ണ്ട് കൂ​ടെ കൂ​ടി​യ​വ​ർ ഇ​ന്നും കു​ടും​ബ​വു​മാ​യി ക​ഴി​യു​ന്നു. അ​വ​രി​ൽ ഏ​തെ​ങ്കി​ലും ഒ​രു കു​ടും​ബം എ​ന്നെ ഓ​ർ​ത്തി​രു​ന്നെ​ങ്കി​ൽ? എ​ന്നാ​ശി​ച്ചു​പോ​യി. എ​ങ്കി​ൽ അ​വ​രൊ​ക്കെ ക്ഷ​ണി​ക്കു​ന്ന​തി​ന​നു​സ​രി​ച്ച് നോ​മ്പു​തു​റ​യി​ൽ പ​ങ്കെ​ടു​ത്ത് നാ​ട്ടി​ന്റെ നോ​മ്പ് വി​ഭ​വ​ങ്ങ​ൾ ക​ഴി​ക്കാ​മാ​യി​രു​ന്നു. ആ​ശ നി​രാ​ശ​യാ​യി. ഒ​ന്നും ഇ​ല്ലാ​ത്ത അ​വ​സ്ഥ​യി​ൽ സ​ങ്ക​ടം ഉ​ള്ളി​ൽ ഒ​തു​ക്കി നാ​ഥ​നി​ലേ​ക്ക് മ​ട​ങ്ങി പ്രാ​ർ​ഥ​നാ​നി​ര​ത​നാ​കും. പി​ന്നീ​ട് ത​റാ​വീ​ഹ് ന​മ​സ്കാ​രം ക​ഴി​ഞ്ഞ് പ​ള്ളി​യി​ൽ​നി​ന്ന് റൂ​മി​ലേ​ക്ക് പോ​കും രാ​ത്രി വെ​ള്ളം കു​ടി​ച്ചു​റ​ങ്ങും. ഒ​രു​നേ​ര​ത്തെ ആ​ഹാ​രം കൊ​ണ്ട് ജീ​വി​ച്ച ആ ​റ​മ​ദാ​ൻ മാ​സ​ത്തി​ലെ ദി​ന​രാ​ത്ര​ങ്ങ​ളാ​ണ് ഇ​ന്നേ​വ​രെ ഞാ​നെ​ടു​ത്ത നോ​മ്പു​ക​ളി​ൽ ഏ​റ്റ​വും വ​ലി​യ നോ​മ്പ​നു​ഭ​വം.

വാ​ൽ​ക്ക​ഷ​ണം

പ്രി​യ വാ​യ​ന​ക്കാ​രെ, ന​ന്നാ​യി വേ​ഷ​വി​ധാ​ന​ത്തി​ൽ ക​ഴി​യു​ന്ന (ഞാ​ൻ അ​ങ്ങ​നെ​യാ​യി​രു​ന്നു) ചു​രു​ക്കം ചി​ല​രെ​ങ്കി​ലും ചി​ല​പ്പോ​ൾ പ​ട്ടി​ണി​യി​ലാ​യി​രി​ക്കും. അ​വ​രെ ക​ണ്ടെ​ത്തി ചേ​ർ​ത്തു പി​ടി​ക്കു​മ്പോ​ഴാ​ണ് നാം ​നോ​മ്പി​ന്റെ പു​ണ്യം നേ​ടു​ന്ന​ത്.