ഇനി അനാഥത്വമില്ല; മാതുവിന് കൂട്ടായി അരുൺ

കി​ളി​മാ​നൂ​ർ: ചെ​റി​യ പ്രാ​യ​ത്തി​ൽ പി​താ​വ് ഉ​പേ​ക്ഷി​ക്കു​ക​യും മാ​താ​വ് മ​രി​ക്കു​ക​യും ചെ​യ്‌​ത മാ​തു​വി​ന് മാം​ഗ​ല്യ സാ​ഫ​ല്യം. കി​ളി​മാ​നൂ​ർ മു​ള​ക്ക​ല​ത്തു​കാ​വ് തോ​പ്പി​ൽ, അ​മ്പി​ളി വി​ലാ​സ​ത്തി​ൽ പ​രേ​ത​യാ​യ അ​മ്പി​ളി​യു​ടെ മ​ക​ൾ കെ. ​മാ​തു​വി​നെ ക​ല്ല​റ കെ.​ടി കു​ന്ന് നെ​ടും​തേ​രി കു​ന്നി​ൽ വീ​ട്ടി​ൽ ബി. ​സു​കു​മാ​ര​ൻ ഡി. ​സു​ലോ​ച​ന ദ​മ്പ​തി​ക​ളു​ടെ മ​ക​ൻ എ​സ്. അ​രു​ണാ​ണ് മി​ന്ന് ചാ​ർ​ത്തി​യ​ത്. മു​ത്ത​ച്ഛ​നാ​യ ഗോ​പി​യു​ടെ​യും മു​ത്ത​ശ്ശി​യാ​യ രാ​ജ​മ്മ​യു​ടെ​യും സം​ര​ക്ഷ​ണ​യി​ലാ​ണ് മാ​തു വ​ള​ർ​ന്ന​ത്. ഒ​രു​സ​ഹോ​ദ​രി​യു​ണ്ട്.

അ​ടു​ത്ത ബ​ന്ധു​ക്ക​ളു​ടെ​യും സ​മൂ​ഹ​ത്തി​ലെ വി​വി​ധ തു​റ​ക​ളി​ലെ വ്യ​ക്തി​ക​ളു​ടെ​യും സാ​ന്നി​ധ്യ​ത്തി​ൽ കി​ളി​മാ​നൂ​ർ പു​തു​മം​ഗ​ലം പി.​വി യു.​പി സ്‌​കൂ​ൾ അ​ങ്ക​ണ​ത്തി​ൽ ഒ​രു​ക്കി​യ ക​തി​ർ​മ​ണ്ഡ​പ​ത്തി​ലാ​യി​രു​ന്നു വി​വാ​ഹം. കി​ളി​മാ​നൂ​ർ റോ​ട്ട​റി​യാ​ണ് മാ​തു​വി​ന്‍റെ വി​വാ​ഹത്തിന് നേതൃത്വം നൽകിയത്. കി​ളി​മാ​നൂ​രി​ലെ വൈ​റ്റ് പേ​ൾ എ​ന്ന സ്ഥാ​പ​ന​ത്തി​ന്‍റെ സ​ഹ​ക​ര​ണ​ത്തോ​ടെ റോ​ട്ട​റി പ്ര​സി​ഡ​ൻ​റ് എ​സ്. ച​ന്ദ്ര​നും കു​ടും​ബ​വും ക്ല​ബ് അം​ഗ​ങ്ങ​ളും സാ​മൂ​ഹി​ക പ്ര​തി​ബ​ദ്ധ​ത​യു​ള്ള നി​ര​വ​ധി​യാ​ളു​ക​ളും കൈ​കോ​ർ​ത്തു. എം.​എ​ൽ.​എ​മാ​രാ​യ ഒ.​എ​സ്. അം​ബി​ക, ഡി.​കെ. മു​ര​ളി, റോ​ട്ട​റി ഡി. ​ഗ​വ​ർ​ണ​ർ ഡോ. ​സു​മി​ത്ര​ൻ, ഭാ​ര​വാ​ഹി​ക​ളാ​യ ജോ​ൺ ഡാ​നി​യ​ൽ, ഡോ. ​മീ​രാ​ജോ​ൺ, ശ്രീ​നി​വാ​സ​ൻ, കെ.​ജി. പ്രി​ൻ​സ്, എ​ൻ.​ആ​ർ. ജോ​ഷി, വി.​ജി. വി​നു തു​ട​ങ്ങി അ​ഞ്ഞൂ​റി​ല​ധി​കം പേ​ർ വി​വാ​ഹ​ത്തി​ൽ പ​ങ്കെ​ടു​ത്തു. വി​ഭ​വ​സ​മൃ​ദ്ധ​മാ​യ സ​ദ്യ​യും ഒ​രു​ക്കി​യി​രു​ന്നു.