ഗ്രാമീണ റോഡുകൾ തകർച്ചയിൽ; ദുരിതമായി യാത്ര

ആ​റ്റി​ങ്ങ​ൽ: ഗ്രാ​മീ​ണ റോ​ഡു​ക​ൾ ഭൂ​രി​ഭാ​ഗ​വും ത​ക​ർ​ന്ന​തോ​ടെ ജ​നം ദു​രി​ത​ത്തി​ലാ​യി. ച​ളി വെ​ള്ള​ത്തി​ൽ ച​വി​ട്ടാ​തെ പോ​കാ​ൻ ക​ഴി​യാ​ത്ത അ​വ​സ്ഥ​യാ​ണ്. ജ​ല ജീ​വ​ൻ മി​ഷ​ൻ പ​ദ്ധ​തി പ്ര​കാ​രം പൈ​പ്പ് ലൈ​ൻ ഇ​ടു​ന്ന​തി​നു വേ​ണ്ടി എ​ല്ലാ ഗ്രാ​മീ​ണ റോ​ഡു​ക​ളും വെ​ട്ടി​പ്പൊ​ളി​ച്ചി​രു​ന്നു.

പ​ഞ്ചാ​യ​ത്ത് റോ​ഡു​ക​ളു​ടെ വ്യാ​പ​ക ത​ക​ർ​ച്ച​ക്ക് പ്ര​ധാ​ന കാ​ര​ണ​വു​മി​താ​ണ്. ഫ​ണ്ടി​ന്‍റെ അ​പ​ര്യാ​പ്ത​ത പ​റ​ഞ്ഞാ​ണ് പ്രാ​ദേ​ശി​ക ഭ​ര​ണ​കൂ​ട​ങ്ങ​ൾ റോ​ഡ് നി​ർ​മാ​ണം ഏ​റ്റെ​ടു​ക്കാ​ൻ മ​ടി​ക്കു​ന്ന​ത്. ഫ​ണ്ട് ചി​ല​വ​ഴി​ക്കു​ന്ന​ത് അ​ല്ലാ​തെ വ​രു​മാ​ന വ​ർ​ധ​ന​വി​ന് പ്രാ​ദേ​ശി​ക ഭ​ര​ണ കൂ​ട​ങ്ങ​ൾ ന​ട​പ​ടി സ്വീ​ക​രി​ക്കു​ന്നി​ല്ല. ഇ​ത് റോ​ഡ് വി​ക​സ​നം ഉ​ൾ​പെ​ടെ അ​ടി​സ്ഥാ​ന പ്ര​ശ്ന​ങ്ങ​ളെ കാ​ര്യ​മാ​യി ബാ​ധി​ക്കു​ന്നു.

വ​ക്കം മാ​ട​ൻ​ന​ട-​മ​രു​ത​ൻ വി​ളാ​കം റോ​ഡ്

ആ​റ്റി​ങ്ങ​ൽ: പൊ​ട്ടി​പൊ​ളി​ഞ്ഞ് അ​പ​ക​ട​ക​ര​മാ​യ കു​ഴി​ക​ളും വെ​ള്ള​ക്കെ​ട്ടു​മാ​യി മാ​ട​ൻ​ന​ട-​മ​രു​ത​ൻ വി​ളാ​കം റോ​ഡ് മാ​റി​യി​ട്ട് വ​ർ​ഷ​ങ്ങ​ൾ ക​ഴി​യു​ന്നു. റോ​ഡി​ന്റെ ഭൂ​രി​ഭാ​ഗ​വും വ​ക്കം പ​ഞ്ചാ​യ​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. വ​ക്ക​ത്ത് നി​ന്ന് റ​യി​ൽ​വേ ഗേ​റ്റി​ൽ കി​ട​ക്കാ​തെ ക​ട​യ്ക്കാ​വൂ​ർ അ​ഞ്ചു​തെ​ങ്ങ് വ​ഴി തീ​ര​ദേ​ശ​പാ​ത​യി​ൽ എ​ത്താ​മെ​ന്ന​താ​ണ് മ​രു​ത​ൻ​വി​ളാ​കം റോ​ഡി​ന്റെ സ​വി​ശേ​ഷ​ത.

വ​ക്ക​ത്തെ ഭൂ​രി​ഭാ​ഗം റോ​ഡു​ക​ളും പൊ​ട്ടി​പൊ​ളി​ഞ്ഞ് സ​ഞ്ചാ​ര യോ​ഗ്യ​മ​ല്ലാ​താ​യി​ട്ട് കാ​ല​ങ്ങ​ളാ​യി. നി​ര​വ​ധി കു​ടും​ബ​ങ്ങ​ൾ റോ​ഡി​നി​രു​വ​ശ​വും താ​മ​സി​ക്കു​ന്നു​ണ്ട്. നി​ര​വ​ധി ത​വ​ണ പ​ഞ്ചാ​യ​ത്ത്‌ അ​ധി​കാ​രി​ക​ളെ ഇ​ക്കാ​ര്യ​ങ്ങ​ൾ അ​റി​യി​ച്ചെ​ങ്കി​ലും യാ​തൊ​രു പ്ര​യോ​ജ​ന​വും ഉ​ണ്ടാ​യി​ല്ല​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

ചി​റ​യി​ൻ​കീ​ഴ് ശാ​ര്‍ക്ക​ര- പ​ണ്ട​ക​ശാ​ല റോ​ഡ്

ചി​റ​യി​ൻ​കീ​ഴ്: ശാ​ര്‍ക്ക​ര-​പ​ണ്ട​ക​ശാ​ല റോ​ഡ് ന​വീ​ക​ര​ണം ആ​രം​ഭി​ച്ചി​ട്ട് വ​ർ​ഷം ക​ഴി​ഞ്ഞു. പ​ണി ഇ​പ്പോ​ഴും പാ​തി വ​ഴി​യി​ലാ​ണ്. ജി​ല്ല പ​ഞ്ചാ​യ​ത്തി​ന്റെ മേ​ല്‍നോ​ട്ട​ത്തി​ല്‍ റോ​ഡ് ആ​ധു​നി​ക രീ​തി​യി​ല്‍ ന​വീ​ക​രി​ക്കു​ന്ന​തി​നാ​ണ് ക​രാ​ര്‍ ന​ല്‍കി​യി​രു​ന്ന​ത്. 45 ല​ക്ഷ​ത്തോ​ളം മു​ത​ല്‍ മു​ട​ക്കി​ല്‍ ആ​ധു​നി​ക രീ​തി​യി​ല്‍ ന​വീ​ക​രി​ക്കു​ന്ന റോ​ഡി​ന്റെ നി​ർ​മാ​ണ പ്ര​വൃ​ത്തി​ക​ള്‍ വി​വി​ധ കാ​ര​ണ​ങ്ങ​ളാ​ല്‍ നീ​ണ്ടു​പോ​യ​ത് ഗ​താ​ഗ​ത​കു​രു​ക്കും ദു​രി​ത​വും രൂ​ക്ഷ​മാ​ക്കി.

ഓ​ട നി​ർ​മാ​ണ​ത്തി​നു​ള്ള ഫ​ണ്ട് താ​മ​സി​ച്ച​തും ഏ​കോ​പ​ന​മി​ല്ലാ​യ്മ​യും റോ​ഡി​ന്റെ ന​വീ​ക​ര​ണം മൂ​ന്ന് മാ​സ​ത്തോ​ളം വൈ​കി​ച്ചു. ശു​ചീ​ക​ര​ണ​ത്തി​ന്റെ ഭാ​ഗ​മാ​യി പൊ​ളി​ച്ചി​ട്ട ഓ​ട കോ​ണ്‍ക്രീ​റ്റ് ചെ​യ്ത് ഉ​യ​രം കൂ​ട്ടു​ന്ന പ്ര​വൃ​ത്തി പൂ​ര്‍ത്തി​യാ​യ​പ്പോ​ൾ, മേ​ൽ​പാ​ല നി​ർ​മാ​ണ​ത്തി​നാ​യി ഗ​താ​ഗ​തം ശാ​ർ​ക്ക​ര പ​ണ്ട​ക​ശാ​ല റോ​ഡി​ലേ​ക്ക് വ​ഴി തി​രി​ച്ചു വി​ട്ടു.

ക​ട​യ്ക്കാ​വൂ​ര്‍, അ​ഞ്ചു​തെ​ങ്ങ് ഭാ​ഗ​ത്തേ​യ്ക്കും തി​രി​കെ​യും സ​ഞ്ച​രി​ക്കേ​ണ്ട​വ​ര്‍ക്കു​ള്ള ബ​ദ​ല്‍ റോ​ഡാ​യി മാ​റി. ന​വീ​ക​ര​ണം പൂ​ര്‍ ത്തി​യാ​കാ​ത്ത​ത് ഗ​താ​ഗ​ത​കു​രു​ക്ക് കൂ​ടു​ത​ല്‍ രൂ​ക്ഷ​മാ​ക്കി. ത​ക​ർ​ന്ന റോ​ഡി​ൽ കൂ​ടി സ്വ​കാ​ര്യ ബ​സു​ക​ൾ ഉ​ൾ​പെ​ടെ വ​ലി​യ വാ​ഹ​ന​ങ്ങ​ൾ കൂ​ടി ക​ട​ന്നു വ​ന്ന​തോ​ടെ അ​വ​സ്ഥ കൂ​ടു​ത​ൽ മോ​ശം ആ​യി. കു​റ​ച്ച് ഭാ​ഗം ഇ​ന്‍റ​ർ​ലോ​ക്ക് ചെ​യ്ത​ത് ഒ​ഴി​ച്ചാ​ൽ ബാ​ക്കി പ​ണി​ക​ൾ അ​നി​ശ്ചി​ത​മാ​യി നീ​ളു​ക​യാ​ണ്.

നാ​വാ​യി​ക്കു​ളം ന​ക്രാം​കോ​ണം-​കു​ട​വൂ​ർ റോ​ഡ്‌

ക​ല്ല​മ്പ​ലം: നാ​വാ​യി​ക്കു​ളം ഗ്രാ​മ പ​ഞ്ചാ​യ​ത്തി​ലെ ന​ക്രാം​കോ​ണം-​കു​ട​വൂ​ർ റോ​ഡ്‌ ത​ക​ർ​ന്നു യാ​ത്ര​യോ​ഗ്യ​മ​ല്ലാ​താ​യി. റോ​ഡി​ലെ കു​ഴി​ക​ൾ നി​റ​ഞ്ഞ് വെ​ള്ള​ക്കെ​ട്ട് രൂ​പ​പ്പെ​ടു​ക​യും ഇ​രു​വ​ശ​വും കാ​ടു​മൂ​ടു​ക​യും ചെ​യ്ത​തോ​ടെ ഗ​ത്യ​ന്ത​ര​മി​ല്ലാ​തെ നാ​ട്ടു​കാ​ർ ത​ന്നെ പ​ല ഭാ​ഗ​ത്തും റോ​ഡ്‌ വൃ​ത്തി​യാ​ക്കാ​ൻ ഇ​റ​ങ്ങി.

കാ​ടു​ക​ൾ വെ​ട്ടി​ത്തെ​ളി​ച്ചെ​ങ്കി​ലും കു​ഴി​ക​ൾ മൂ​ടാ​ൻ ക​ഴി​യാ​ത്ത അ​വ​സ്ഥ​യാ​ണ്. ജ​ല ജീ​വ​ൻ പ​ദ്ധ​തി​യു​ടെ ഭാ​ഗ​മാ​യി പൈ​പ്പ്‌​ലൈ​ന്‍ കു​ഴി​ക​ളെ​ടു​ത്ത​താ​ണ് റോ​ഡി​ലെ വെ​ള്ള​ക്കെ​ട്ടി​ന് കാ​ര​ണം. നി​ര​വ​ധി ത​വ​ണ പ​ഞ്ചാ​യ​ത്ത​ധി​കൃ​ത​രു​ടെ​യും എം.​എ​ൽ.​എ​യു​ടെ​യും ശ്ര​ദ്ധ​യി​ൽ​പ്പെ​ടു​ത്തി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. നൂ​റോ​ളം കു​ടും​ബ​ങ്ങ​ൾ ആ​ശ്ര​യി​ക്കു​ന്ന റോ​ഡാ​ണി​ത്. പ്ര​ദേ​ശ​വാ​സി​ക​ൾ കൂ​ട്ടാ​യി സ​മ​ര​ത്തി​ന് ഒ​രു​ങ്ങു​ക​യാ​ണ്.

ക​ട​യ്ക്കാ​വൂ​ർ പെ​രും​ കു​ളം കാ​വി​ൽ റോ​ഡ്

ആ​റ്റി​ങ്ങ​ൽ: ക​ട​യ്ക്കാ​വൂ​ർ ഗ്രാ​മ​പ​ഞ്ചാ​യ​ത്തി​ലെ പെ​രും​കു​ളം കാ​വി​ൽ റോ​ഡ് ത​ക​ർ​ന്ന യാ​ത്ര​യോ​ഗ്യ​മ​ല്ലാ​താ​യി. ക​ട​യ്ക്കാ​വൂ​ർ പ​ഞ്ചാ​യ​ത്തി​ലെ 14, 15 വാ​ർ​ഡു​ക​ളു​ടെ അ​തി​ർ​ത്തി​യി​ലൂ​ടെ ക​ട​ന്നു പോ​കു​ന്ന​താ​ണ് പാ​ത. ഇ​രു വാ​ർ​ഡു​ക​ളെ​യും ത​മ്മി​ൽ യോ​ചി​പ്പി​ക്കു​ന്ന​തും ജ​ന​ങ്ങ​ൾ ആ​ശ്ര​യി​ക്കു​ന്ന​തു​മാ​യ പാ​ത​യാ​ണി​ത്. കോ​ൺ​ക്രീ​റ്റും ടാ​റി​ങ്ങും ഉ​ൾ​പ്പെ​ടു​ന്ന റോ​ഡി​ൽ ഭൂ​രി​ഭാ​ഗ​വും ത​ക​ർ​ന്നു.

ജ​ല​ജീ​വ​ന്‍ മി​ഷ​ൻ പ​ദ്ധ​തി പ്ര​കാ​രം പൈ​പ്പ് ലൈ​ൻ സ്ഥാ​പി​ക്കു​ന്ന​തി​നാ​യി വെ​ട്ടി​പ്പൊ​ളി​ച്ച​തോ​ടെ​യാ​ണ് റോ​ഡി​ന് ദു​ര​വ​സ്ഥ വ​ന്ന​ത്. റോ​ഡി​ന്‍റെ പ​കു​തി​യോ​ളം ഭാ​ഗം പൈ​പ്പ് ലെ​ൻ സ്ഥാ​പി​ക്കു​ന്ന​തി​ന് വെ​ട്ടി പൊ​ളി​ച്ചു. ബാ​ക്കി ഭാ​ഗം അ​ട​ർ​ന്നി​റ​ങ്ങി ന​ശി​ച്ചു. മേ​ഖ​ല​യി​ലേ​ക്ക് ഓ​ട്ടോ​റി​ക്ഷ ഉ​ൾ​പ്പെ​ടെ​യു​ള്ള സ​ർ​വീ​സ് വാ​ഹ​ന​ങ്ങ​ൾ വ​രാ​തെ​യാ​യി. ബൈ​ക്ക് ഉ​ൾ​പ്പെ​ടെ​യു​ള്ള ഇ​രു​ച​ക്ര വാ​ഹ​ന​ങ്ങ​ളു​ടെ യാ​ത്ര നി​ര​ന്ത​ര അ​പ​ക​ട​ങ്ങ​ൾ​ക്കും കാ​ര​ണ​മാ​കു​ന്നു​ണ്ട്.

ക​ര​വാ​രം വാ​ഴോ​ട്ടു​കോ​ണം അം​ഗ​ൻ​വാ​ടി റോ​ഡ്

ആ​റ്റി​ങ്ങ​ൽ: ക​ര​വാ​രം പ​ഞ്ചാ​യ​ത്തി​ലെ വാ​ഴോ​ട്ടു​കോ​ണം അം​ഗ​ൻ​വാ​ടി റോ​ഡും യാ​ത്ര യോ​ഗ്യ​മ​ല്ലാ​ത്ത അ​വ​സ്ഥ​യി​ലാ​ണ്. നി​ർ​മി​ച്ചി​ട്ട് വ​ർ​ഷ​ങ്ങ​ളാ​യെ​ങ്കി​ലും ടാ​റി​ങ് ന​ട​ത്തു​ന്ന​തി​ന് പ​ഞ്ചാ​യ​ത്ത് അ​ധി​കൃ​ത​ർ യാ​തൊ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല. പ​ല​ത​വ​ണ ജ​ന​ങ്ങ​ൾ പ​ഞ്ചാ​യ​ത്തി​നെ​യും ഇ​ത​ര ഭ​ര​ണ അ​ധി​കൃ​ത​രെ​യും സ​മീ​പി​ച്ചെ​ങ്കി​ലും വാ​ഗ്ദാ​നം ന​ൽ​കു​ന്ന​ത് അ​ല്ലാ​തെ മ​റ്റൊ​ന്നി​നും ത​യാ​റാ​യി​ട്ടി​ല്ല.

വാ​ർ​ഡി​ലെ പ്ര​ധാ​ന അം​ഗ​ൻ​വാ​ടി ഈ ​റോ​ഡി​ലാ​ണ് സ്ഥി​തി ചെ​യ്യു​ന്ന​ത്. അം​ഗ​ൻ​വാ​ടി കു​ട്ടി​ക​ൾ ന​ട​ന്നു വ​ര​വേ റോ​ഡി​ലെ കു​ഴി​ക​ളി​ൽ വീ​ണ് പ​രി​ക്കേ​ൽ​ക്കു​ന്ന​ത് പ​തി​വാ​ണ​ന്ന് നാ​ട്ടു​കാ​ർ പ​റ​ഞ്ഞു. ഗ്രാ​മ​പ​ഞ്ചാ​യ​ത്തി​ലെ പ​തി​നാ​ലാം വാ​ർ​ഡി​ൽ വ​രു​ന്ന​താ​ണ് പാ​ത. ടാ​റി​ങ് ന​ട​ത്താ​ത്ത​തി​നാ​ൽ റോ​ഡി​ലെ മ​ണ്ണ് ഒ​ലി​ച്ചു പോ​കു​ന്നു. മ​ഴ​ക്കാ​ല​ത്ത് വ​ലി​യ വ​ലി​യ കു​ഴി​ക​ൾ പ​ല​ഭാ​ഗ​ത്താ​യി രൂ​പ​പ്പെ​ടു​ക​യും കൂ​ടു​ത​ൽ അ​പ​ക​ടാ​വ​സ്ഥ ഉ​ണ്ടാ​വു​ക​യും ചെ​യ്യു​ന്നു.

മ​ണ​മ്പൂ​ർ പ​റ​ങ്കി​മാം​വി​ള പു​ത്ത​ൻ​കോ​ട് റോ​ഡ്

മ​ണ​മ്പൂ​ർ ഗ്രാ​മ​പ​ഞ്ചാ​യ​ത്തി​ലെ പ​റ​ങ്കി​മാം​വി​ള പു​ത്ത​ൻ​കോ​ട് റോ​ഡ് പ​ല​ഭാ​ഗ​ത്താ​യി മ​ഴ​വെ​ള്ളം കെ​ട്ടി നി​ന്ന് ത​ക​ർ​ന്നു. മ​ഴ​വെ​ള്ളം ഒ​ഴു​കി​പ്പോ​കു​ന്ന​തി​ന് ഓ​ട നി​ർ​മി​ച്ചി​ട്ടി​ല്ല. റോ​ഡി​ന്‍റെ ഇ​രു​ഭാ​ഗ​ത്തു​മു​ള്ള വ​സ്തു ഉ​ട​മ​ക​ൾ മ​തി​ൽ​കെ​ട്ടി ഉ​യ​ർ​ത്തി​യ​തോ​ടെ മ​ഴ​വെ​ള്ളം ഒ​ഴു​കി പോ​കാ​ൻ വ​ഴി​യി​ല്ലാ​താ​യ​ത്.

മാ​സ​ങ്ങ​ളോ​ളം മ​ഴ​വെ​ള്ളം കെ​ട്ടി​നി​ന്ന് റോ​ഡി​ൽ വ​ലി​യ കു​ഴി​ക​ൾ രൂ​പ​പ്പെ​ട്ടു. റോ​ഡി​ൽ നേ​ര​ത്തെ സ്ഥി​രം വെ​ള്ള​കെ​ട്ട് ഉ​ണ്ടാ​യി​രു​ന്ന കു​റ​ച്ച് ഭാ​ഗം ഇ​ന്‍റ​ർ​ലോ​ക്ക് പാ​കി​യി​രു​ന്നു. ഇ​ത് ടാ​റി​ങ്ങി​ൽ നി​ന്ന് ഉ​യ​ർ​ന്ന നി​ല​യി​ലാ​യ​തി​നാ​ൽ ഇ​രു​വ​ശ​വും വെ​ള്ള​കെ​ട്ടാ​യി മാ​റി. റോ​ഡി​ൽ സ്ഥി​രം വെ​ള്ള​കെ​ട്ട് ഉ​ണ്ടാ​കു​ന്ന എ​ല്ലാ സ്ഥ​ല​ത്തും ഇ​ന്‍റ​ർ​ലോ​ക്ക് പാ​കി റോ​ഡ് പു​നു​ദ്ധാ​ര​ണം ന​ട​ത്ത​ണ​മെ​ന്നാ​ണ് ആ​വ​ശ്യം.