മതം മാറാൻ നിർബന്ധിച്ച് ക്രൂരമർദനം: ഡോക്ടർ റിമാൻഡിൽ

ആറ്റിങ്ങൽ: സഹോദരീ ഭർത്താവിനെ ആക്രമിച്ച സംഭവത്തിൽ പ്രതിയായ ഡോക്ടർ റിമാൻഡിൽ. ചിറയിൻകീഴ് ആനത്തലവട്ടം ബീച്ച് റോഡ് ദീപ്തി കോട്ടേജിൽ ഡോ. ഡാനിഷ് ജോർജ് (28) ആണ് റിമാൻഡിലായത്.

Also Read:ദുരഭിമാന മർദനം; നവവരനെ ആക്രമിച്ച കേസിലെ പ്രതി ഡോ. ഡാനിഷ് കുറ്റം സമ്മതിച്ചു: പൊലീസ്​ തെളിവെടുപ്പു നടത്തി

വെള്ളിയാഴ്ച ഊട്ടിയിൽനിന്ന്​ കസ്​റ്റഡിയിലെടുത്ത ഡാനിഷിനെ ശനിയാഴ്ച ആറ്റിങ്ങലിൽ എത്തിച്ച്​ അറസ്​റ്റ്​ രേഖപ്പെടുത്തി. പ്രതിയെ സംഭവസ്ഥല​െത്തത്തിച്ച്​ തെളിവെടുപ്പ് നടത്തി. തെളിവെടുപ്പിന് ശേഷം ആറ്റിങ്ങൽ ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു. പട്ടികജാതി പീഡനം, കൊലപാതകശ്രമം ഉൾപ്പെടെ ആണ് പ്രതിക്കെതിരെ ചുമത്തിയിട്ടുള്ളത്.

Also Read:'മതം മാറാൻ നിർബന്ധിച്ചു'; ദുരഭിമാന മർദനത്തിൽ ഡോക്ടര്‍ക്കും പള്ളി വികാരിക്കുമെതിരെ മിഥുന്‍റെ മൊഴി

ഒക്ടോബർ 31ന് നടന്ന സംഭവത്തിന് പിന്നാലെ പ്രതി തമിഴ്നാട്ടിലേക്ക് കടക്കുകയായിരുന്നു. ഡാനിഷി​െൻറ സഹോദരി ദീപ്തി പട്ടികജാതിക്കാരനായ മിഥുൻ കൃഷ്ണനെ പ്രണയിച്ച്​ വിവാഹം കഴിച്ചു. മിഥുനോട് ക്രിസ്തു മതത്തിലേക്ക് മാറുകയോ ദീപ്തിയെ ഉപേക്ഷിക്കുകയോ വേണമെന്ന് ഡാനിഷ് ആവശ്യപ്പെട്ടു. വിസ്സമ്മതിച്ചതോടെ മർദിക്കുകയായിരുന്നു.

Also Read:പ്രണയവിവാഹം: മ​തം മാ​റാ​ൻ ത​യാ​റാ​കാ​ത്ത യുവാവിന്​​ ഭാര്യാ ബന്ധുക്കളുടെ ക്രൂര മർദനം

മിഥുൻ തിരുവനന്തപുരം മെഡിക്കൽ കോളജിൽ ചികിത്സയിലാണ്. ആറ്റിങ്ങൽ ഡിവൈ.എസ്.പി സുനീഷ്ബാബുവി​െൻറ നേതൃത്വത്തിലുള്ള സംഘമാണ് അറസ്​റ്റ്​ ചെയ്തത്.