Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'മതം മാറാൻ...

'മതം മാറാൻ നിർബന്ധിച്ചു'; ദുരഭിമാന മർദനത്തിൽ ഡോക്ടര്‍ക്കും പള്ളി വികാരിക്കുമെതിരെ മിഥുന്‍റെ മൊഴി

text_fields
bookmark_border
മതം മാറാൻ നിർബന്ധിച്ചു; ദുരഭിമാന മർദനത്തിൽ ഡോക്ടര്‍ക്കും പള്ളി വികാരിക്കുമെതിരെ മിഥുന്‍റെ മൊഴി
cancel

ചിറയിൻകീഴ്​: തിരുവനന്തപുരം ചിറയിന്‍കീഴിൽ ദുരഭിമാന മര്‍ദനത്തിനിരയായ മിഥുൻ കൃഷ്​ണന്‍റെ മൊഴി പുറത്ത്​. ക്രൂരമായി മർദിച്ച പ്രതിയായ ഭാര്യ സഹോദരനായ ഡോക്ടര്‍ക്കും പള്ളി വികാരിക്കുമെതിരെയാണ്​ മിഥുന്‍ കൃഷ്ണൻ മൊഴി നൽകിയിരിക്കുന്നത്​.

പ്രതിയായ ഡോ.ഡാനിഷ് ജോര്‍ജിനും അരയതുരുത്തി ഓള്‍ സെയ്​ൻസ്​ പള്ളി വികാരി ജോസഫ് പ്രസാദിനും എതിരെയാണ് മൊഴി നൽകിയിരിക്കുന്നത്​.

പ്രശ്​നങ്ങൾ രമ്യമായി പരിഹരിക്കാമെന്ന് പറഞ്ഞാണ് ഭാര്യാസഹോദരനായ ഡോ.ഡാനിഷും ബന്ധുക്കളും വീട്ടിലെത്തിയത്​. തുടർന്ന്​ എന്നെയും ഭാര്യയെയും ദീപ്തിയെയും അരയതുരുത്ത് പള്ളിയിലേക്ക് കൂട്ടിക്കൊണ്ടുപോവുകയായിരുന്നുവെന്ന്​ മിഥുൻ പറയുന്നു. പള്ളി വികാരി പറഞ്ഞതനുസരിച്ചാണ് അവിടേക്ക്​ ഞങ്ങളെ കൂട്ടിക്കൊണ്ടുപോയതെന്നാണ്​ അവർ പറഞ്ഞത്​. വിവാഹം നടത്താമെന്നും മതം മാറേണ്ടെന്നും കാറിൽ വെച്ചു പറഞ്ഞു. എന്നാൽ പള്ളിയിലെത്തിയതോടെ പട്ടികജാതി വിഭാഗത്തിലുള്ള മിഥുന്‍ മതംമാറണമെന്ന്​ വികാരിയുൾപ്പടെയുള്ളവർ ആവശ്യപ്പെടുകയും​​ ഭീഷണിപ്പെടുത്തുകയും ചെയ്​തു. എന്നാൽ അത്​ നിരസിച്ചതോടെ പണം വാഗ്​ദാനം ചെയ്​തു. തുടർന്ന്​ ജനിക്കുന്ന കുഞ്ഞിനെ ക്രിസ്തു മതത്തില്‍ ചേര്‍ക്കണമെന്നും ഡാനിഷിന് പുറമേ പള്ളി വികാരിയും ആവശ്യപ്പെട്ടു.

തുടർന്ന്​ ഭാര്യയുടെ മനസ്​ മാറ്റാൻ ശ്രമിച്ചെങ്കിലും പരാജയപ്പെട്ടു. പിന്നീട്​​ മകളെ അമ്മയ്​ക്ക്​ കാണണമെന്ന്​ പറഞ്ഞ്​ കാറിൽ കയറ്റിക്കൊണ്ടുപോയി. പാതി വഴിയിൽ കാർ നിർത്തി പുറത്തിറക്കി മർദ്ദിക്കുകയായിരുന്നു. തെരുവിൽവെച്ച്​ ഏൽക്കേണ്ടി വന്നത്​ കൊടിയ മർദ്ദനമാണ്​. ബോധം നഷ്​ടപ്പെട്ട ശേഷവും റോഡിലിട്ട് തലങ്ങും വിലങ്ങും മർദ്ദിച്ചു. ആശുപത്രിയിൽ ചികിത്സയിൽ കഴിയുന്ന മിഥുന്‍റെ തലച്ചോറിൽ രക്തസ്രാവവും നട്ടെല്ലിന് പരിക്കുമുണ്ട്.

ഒപ്പമുണ്ടായിരുന്ന സുഹൃത്ത്​ തടയാൻ ശ്രമിച്ചെങ്കിലും കഴിഞ്ഞില്ല. അവിടെയുണ്ടായിരുന്ന ആരും പിടിച്ചു മാറ്റാൻ ​ശ്രമിച്ചില്ല. മരക്കഷ്​ണങ്ങൾ കൊണ്ടുള്ള അടിയിൽ ബോധം നശിച്ചിട്ടും മർദ്ദനം തുടർന്നുവെന്നാണ്​ മിഥുൻ ഡി.വൈ.എസ്.പി സുനീഷ് ബാബുവിന്​ നൽകിയ​ മൊഴിയിൽ പറയുന്നത്​.

എന്നാൽ പൊലീസ് എടുത്ത കേസില്‍ നിർബന്ധിത മതപരിവര്‍ത്തന ശ്രമത്തിനോ ദുരഭിമാന മര്‍ദത്തിനോ ഉള്ള വകുപ്പുകള്‍ ചുമത്തിയിട്ടില്ലെന്നാണ്​ വിവരം.

Show Full Article
TAGS:crime news 
News Summary - Forced to change religion’; Mithun's statement against the doctor and the vicar of the church
Next Story