സവർക്കർ കരുത്തുറ്റ സ്വാതന്ത്ര്യ പോരാളിയെന്ന്​ ഗവർണർ

കൊച്ചി: രാജ്യംകണ്ട കരുത്തുറ്റ സ്വാതന്ത്ര്യസമര പോരാളിയായിരുന്നു സവർക്കറെന്ന്​ ഗവർണർ ആരിഫ്​ മുഹമ്മദ്​ ഖാൻ. കേന്ദ്ര വിവരാവകാശ കമീഷണർ ഉദയ്​ മാഹുർക്കർ രചിച്ച 'വീർസവർക്കർ -ദ മാൻ ഹു കുഡ്​ ഹാവ്​ പ്രിവൻറഡ്​ പാർട്ടീഷൻ' പുസ്​തകത്തെ സംബന്ധിച്ച ചർച്ചയിൽ പ​ങ്കെടുക്കുകയായിരുന്നു അദ്ദേഹം.

Also Read:സവർക്കർജി അവരെ കണ്ണിൽ നോക്കി നേരിട്ടു, അവർ എത്രമാത്രം ഭയപ്പെട്ടിട്ടുണ്ടാകും -കങ്കണ

ജാതിക്കും മതത്തിനും അപ്പുറം എല്ലാവിഭാഗം ജനങ്ങൾക്കുംവേണ്ടി​ സവർക്കർ പോരാടി​. ഹിന്ദുവും മുസൽമാനും ചേർന്നുനിന്ന്​ പ്രവർത്തിക്കണമെന്ന കാഴ്​ചപ്പാടാണ്​ അദ്ദേഹം മുന്നോട്ടുവെച്ചത്​. ബ്രിട്ടീഷ്​ ആധിപത്യത്തിനെതിരെ പോരാടിയ സവർക്കർക്ക്​ നേരിടേണ്ടിവന്നത്​ വലിയ പീഡനങ്ങളാണെന്നും ഗവർണർ പറഞ്ഞു.

Also Read:ഫാക്​ട്​ ചെക്ക്​: സവർക്കറുടെ മാപ്പും ഗാന്ധിജിയും, രാജ്​നാഥ്​ സിങ്​ പറഞ്ഞ കള്ളങ്ങളും

കുരുക്ഷേത്ര പ്രകാശൻ ചെയർമാൻ സി.കെ. രാധാകൃഷ്​ണൻ അധ്യക്ഷത വഹിച്ചു. കൊച്ചി കപ്പൽശാല ചെയർമാൻ മധു എസ്​. നായർ, രാഷ്​ട്രഗാഥ ചെയർമാൻ ഭരത്​ ഭൂഷൻ, വിവേകാനന്ദ പൈ എന്നിവർ പ​െങ്കടുത്തു.