വിവാഹവിരുന്നിലെ തന്തൂരി റൊട്ടിയിൽ തുപ്പി പാചകം​ ചെയ്​തയാളെ അറസ്റ്റ്​ ചെയ്​തത്​ ദേശീയ സുരക്ഷ നിയമപ്രകാരം

ലഖ്​നോ: വിവാഹചടങ്ങി​ൽ ഭക്ഷണം തയറാക്കുന്നതിനിടെ റൊട്ടിയിൽ തുപ്പിയ യുവാവിനെ അറസ്റ്റ്​ ചെയ്​തത്​ ദേശീയ സുരക്ഷ നിയമപ്രകാരം. വിവാഹ വിരുന്നിൽ ഭക്ഷണം തയറാക്കുന്നതിനിടെ തന്തൂ​രി റൊട്ടിയിൽ തുപ്പുന്ന വിഡിയോ ​ൈവറലായിരുന്നു. തുടർന്നാണ്​ പാചകക്കാ​രൻ സുഹൈലിനെ പൊലീസ്​ അറസ്റ്റ്​ ചെയ്യുന്നത്​. ​ഉത്തർപ്ര​േദശിലെ മീററ്റിലാണ്​ സംഭവം.

ജില്ല മജിസ്​ട്രേറ്റിന്‍റെ നിർദേശ പ്രകാരമാണ്​ സുഹൈലിനെതിരെ എൻ.എസ്​.എ ചുമത്തിയത്​. ദേശീയ സുരക്ഷ നിയമം ചുമത്തിയതിനാൽ ഇയാൾക്ക്​ ജാമ്യവും ലഭിക്കില്ല. സുഹൈലിന്‍റെ കുടുംബം ജാമ്യത്തിനായി സി.ജെ.എം കോടതി​െയ സമീപിക്കുകയായിരുന്നു.

സുഹൈലിന്​ നേരെ ആക്രമണണമുണ്ടാകുമെന്ന ഭയ​ത്തെ തുടർന്നാണ്​ ജാമ്യം അനുവദിക്കാ​ത്തതെന്നും ഭരണകൂടം അറിയിച്ചു. അറസ്റ്റിന്​ ശേഷം സുഹൈലിനെ ചിലർ ആക്രമിച്ചിരുന്നു. ജാമ്യം നൽകിയാൽ സുഹൈലിന്​ നേരെ വീണ്ടും ആക്രമണമുണ്ടാകാൻ സാധ്യതയുണ്ടാകുമെന്നാണം വാദം. ഈ വാദം ഉയർത്തിയാണ്​ എൻ.എസ്​.എ ചുമത്തിയതും.

പാചകത്തിനിടെ സുഹൈൽ റൊട്ടിയിൽ തുപ്പുന്നത്​ ​ശ്രദ്ധയിൽപ്പെട്ടതോടെ വിവാഹചടങ്ങിൽ പ​ങ്കെടുക്കാനെത്തിയ ഒരാൾ വിഡിയോ പകർത്തി സമൂഹ മാധ്യമങ്ങളിൽ പങ്കുവെക്കുകയായിരുന്നു. പകർച്ചവ്യാധികൾ ഉൾപ്പെടെ വ്യാപിക്കുന്ന ഈ സമയത്ത്​ ഇത്തരം പ്രവൃത്തികൾ ആവർത്തിക്കാതിരിക്കാൻ പൊലീസ്​ നടപടി സ്വീകരിക്കണമെന്ന്​ സമൂഹ മാധ്യമങ്ങളിൽ ആവശ്യമുയർന്നിരുന്നു.