You are here
പുതിയ അംബാസഡർമാർ സത്യപ്രതിജ്ഞ ചെയ്തു
കുവൈത്ത് സിറ്റി: കുവൈത്തിെൻറ പുതിയ അംബാസഡർമാരായി വിവിധ രാജ്യങ്ങളിലേക്ക് നിയമിക്കപ്പെട്ടവർ അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹിന് മുന്നിൽ സത്യപ്രതിജ്ഞ ചെയ്തു.
ഹസൻ മുഹമ്മദ് സമാൻ (ജപ്പാൻ), ഇബ്ദാഹ് മഖ്അദ് അൽ ദൂസരി (ബസറ കോൺസുലർ ജനറൽ), സലാഹ് ഹംദാൻ അൽ സെയ്ഫ് (ഹോേങ്കാങ് കോൺസുലർ ജനറൽ), മുഹമ്മദ് ഫൈസൽ അൽ മുതൈരി (മംഗോളിയ), അബ്ദുല്ല അലി അൽ യഹ്യ (അർജൻറീന), ഖലീഫ മുഹമ്മദ് അൽ ഖറാഫി (ചൈനയിലെ കോൺസുലർ ജനറൽ), ഹമദ് അലി അൽ ഹുസൈം (ന്യൂയോർക് കോൺസുലർ ജനറൽ) എന്നിവരാണ് സത്യവാചകം ചൊല്ലി നിയമനം ഏറ്റെടുത്തത്.
ഇതര രാജ്യങ്ങളുമായുള്ള ബന്ധം ശക്തമാക്കി കുവൈത്തിനെ നല്ല നീതിയിൽ പ്രതിനിധാനംചെയ്യാൻ പുതിയ അംബാസഡർമാർക്കും കോൺസുലർ ജനറൽമാർക്കും സാധിക്കട്ടെയെന്ന് അമീർ ആശംസിച്ചു.
ബയാൻ പാലസിൽ നടന്ന ചടങ്ങിൽ അമീരി ദീവാനിയ മന്ത്രി ശൈഖ് അലി അൽജർറാഹ് അസ്സബാഹ്, അമീരി ദീവാനിയ സഹമന്ത്രി മുഹമ്മദ് അൽ അബ്ദുല്ല അസ്സബാഹ്, അമീറിെൻറ പ്രോട്ടോകോൾ മേധാവി ശൈഖ് ഖാലിദ് അൽ അബ്ദുല്ല എന്നിവരും സംബന്ധിച്ചു.
