മുടിയറകൾ -18

72

​ഇ​ടി​ഞ്ഞു​വീ​ഴാ​റാ​യ ഒ​രു പ​ഴ​യ വീ​ടാ​യി​രു​ന്നു അ​ലോ​ഷ്യ​സ​ച്ച​ന്റെ പ​ള്ളി. പാ​യ​ൽ പി​ടി​ച്ച ചു​മ​രു​ക​ളി​ൽ ചു​റ്റി​നു​മു​ള്ള ത​ണ​ൽ​മ​ര​ങ്ങ​ളു​ടെ നി​ഴ​ലു​ക​ൾ വീ​ണി​രു​ന്നു. ഇ​ല മൂ​ടി​പ്പോ​കുംപോ​ലെ ചി​ല്ല​ക​ൾ നി​റ​ഞ്ഞ് പ​റ​വ​ക​ളു​ടെ കൂ​ടു​ക​ൾ. ന​ട​പ്പാ​ത​യി​ൽ നി​റ​യെ അ​വ​യു​ടെ വെ​ളു​ത്ത കാ​ഷ്ഠം ചി​ത​റി​ക്കി​ട​ന്നി​രു​ന്നു.

ത​നി​ച്ചാ​ണ് അ​ച്ച​ൻ ക​ഴി​ഞ്ഞി​രു​ന്ന​ത്. രാ​ത്രി​യെ​ന്നും പ​ക​ലെ​ന്നും വേ​ർ​തി​രി​വി​ല്ലാ​തെ പ​ള്ളി​യെ​പ്പോ​ഴും തു​റ​ന്നി​ടും. മു​റി​ക്ക​പ്പെ​ട്ട അ​പ്പ​ത്തി​ന്റെ ചി​ത്ര​മൊ​ഴി​കെ അ​ൾ​ത്താ​ര​യി​ൽ മ​റ്റു രൂ​പ​ങ്ങ​ളൊ​ന്നു​മി​ല്ല. നി​ല​ത്താ​ണ് എ​ല്ലാ​വ​രും ഇ​രി​ക്കു​ക. മെ​ഴു​തി​രി വെ​ട്ട​ത്തി​ൽ എ​ന്നും കു​ർ​ബാ​ന. പ​ള്ളി​മ​ണി മു​ഴ​ങ്ങാ​റി​ല്ല. ഇ​ഷ്ട​മു​ള്ള​വ​ർ​ക്ക് വ​രാം. പ്രാ​ർ​ഥ​ന തു​ട​ങ്ങു​ന്ന​തോ​ടെ കി​ളി​ക​ളാ​ണ് ആ​ദ്യ​മെ​ത്തു​ക. തി​ള​ക്ക​മി​ല്ലാ​ത്ത ഓ​ട്ടു​പാ​ത്ര​ങ്ങ​ളി​ൽ വാ​ഴ്ത്തു​ന്ന അ​പ്പ​വും വീ​ഞ്ഞും മ​നു​ഷ്യ​ർ​ക്കും മൃ​ഗ​ങ്ങ​ൾ​ക്കും പ​റ​വ​ക​ൾ​ക്കും ഒ​രു​പോ​ലെ വീ​തി​ച്ചു കൊ​ടു​ക്കും. അ​ൾ​ത്താ​ര നി​റ​യെ പു​സ്ത​ക​ങ്ങ​ളാ​ണ്. ആ​ർ​ക്കും എ​പ്പോ​ഴും ഇ​ഷ്ട​മു​ള്ള​ത് എ​ടു​ത്തു വാ​യി​ക്കാം.

ഞാ​റ​ക്ക​ട​വി​ലേ​ക്ക് അ​ലോ​ഷ്യ​സ​ച്ച​ൻ വ​രു​മെ​ന്നൊ​രു റൂ​മ​ർ കേ​ട്ടെ​ങ്കി​ലും മാ​മ്പ​ള്ളി​യ​ച്ച​ൻ അ​തു വി​ശ്വ​സി​ച്ചി​രു​ന്നി​ല്ല. സ​ഭ​യി​ൽ​നി​ന്നും പു​റ​ത്തു​പോ​യ​താ​ണ്. മ​ല​മു​ക​ളി​ലെ പ​ഴ​യ കെ​ട്ടി​ട​ത്തി​ൽ ക​ഴി​യു​ന്ന​യാ​ൾ ഇ​ത്ര​യും ദൂ​രേ​ക്ക് വ​രി​ല്ലെ​ന്നാ​ണ് ക​രു​തി​യ​ത്. ഒ​ട്ടും പ്ര​തീ​ക്ഷി​ക്കാ​തി​രു​ന്ന നേ​ര​ത്ത് പാ​തി​രി എ​ത്തി​യ​ത് മാ​മ്പ​ള്ളി​യ​ച്ച​ന്റെ സ്വ​സ്ഥ​ത കെ​ടു​ത്തി. ക​രു​തി വേ​ണം അ​ങ്ങേ​രു​മാ​യി സ​ഹ​ക​രി​ക്കാ​നെ​ന്ന് അ​ടു​പ്പമു​ള്ള​വ​ർ​ക്കെ​ല്ലാം ഒ​രു മു​ന്ന​റി​യി​പ്പും കൊ​ടു​ത്തു.

ച​ന്ത​ക്ക​ട​വി​നോ​ടു ചേ​ർ​ന്നു​ള്ള കെ​ട്ടി​ട​ത്തി​ലാ​ണ് അ​ലോ​ഷ്യ​സ​ച്ച​ൻ സൊ​സൈ​റ്റി തു​ട​ങ്ങി​യ​ത്. സം​സ്കൃ​തി എ​ന്നാ​യി​രു​ന്നു പേ​ര്. ഒ​രു ജ​ർ​മ​ൻ കു​ടും​ബ​മാ​ണ് അ​തി​നു വേ​ണ്ട സ​ഹാ​യ​മൊ​ക്കെ അ​ച്ച​ന് ചെ​യ്തു​കൊ​ടു​ത്തി​രു​ന്ന​ത്.

അ​ലോ​ഷ്യ​സ​ച്ച​ന്റെ വ​ര​വ് ദീ​നാ​മ്മ മ​ദ​റി​ന് സ​ന്തോ​ഷ​മു​ള്ള കാ​ര്യ​മാ​യി​രു​ന്നു.

മ​ദ​റി​ന്റെ ചി​റ്റ​പ്പ​നും അ​ലോ​ഷ്യ​സ​ച്ച​നും​കൂ​ടി​യാ​ണ് ടാ​പ്പി​ങ് തൊ​ഴി​ലാ​ളി​ക​ളു​ടെ വേ​ത​ന​വ​ർ​ധ​ന​വി​നു നി​രാ​ഹാ​രം കി​ട​ന്ന​ത്. അ​ന്ന് അ​ലോ​ഷ്യ​സ​ച്ച​ൻ പൈ​നാ​വു​ പ​ള്ളി​യി​ലെ വി​കാ​രി. വൈ​കു​ന്നേ​ര​ത്തെ കു​ർ​ബാ​ന​ക്കാ​ണ് തൊ​ഴി​ലാ​ളി​ക​ൾ വ​രു​ന്ന​ത്. ഒ​രു ഞാ​യ​റാ​ഴ്ച കു​ർ​ബാ​ന ക​ഴി​ഞ്ഞ​യു​ട​നെ ചെ​ങ്കൊ​ടി​യു​മെ​ടു​ത്ത് അ​ച്ച​ൻ അ​ൾ​ത്താ​ര​യി​ൽ​നി​ന്നി​റ​ങ്ങി. പാ​തി​രി​യു​ടെ ഉ​റ​ക്കെ​യു​ള്ള മു​ദ്രാ​വാ​ക്യം കേ​ട്ട് പ​ക​ച്ചെ​ങ്കി​ലും ക​ണ്ടു​നി​ന്ന​വ​ർ പി​ന്നാ​ലെ ചെ​ന്നു. ചി​ല​ര​ത് ആ​വേ​ശ​ത്തോ​ടെ ഏ​റ്റു​വി​ളി​ച്ചു. എ​സ്റ്റേ​റ്റ് മു​ത​ലാ​ളി​യു​ടെ ബം​ഗ്ലാ​വി​നു മു​ന്നി​ൽ അ​ച്ച​ൻ കു​ത്തി​യി​രു​പ്പ് തു​ട​ങ്ങി​യ​തോ​ടെ യൂ​നി​യ​ൻ നേ​താ​ക്ക​ളും പ​രി​ഭ്ര​മി​ച്ചു. അ​ന്ന് വൈ​കീ​ട്ടു ക​ണ്ട​ത്താ​നം ഇ​ട​വ​ക​യി​ലേ​ക്ക് അ​ച്ച​നെ സ്ഥ​ലം​മാ​റ്റി​യു​ള്ള ഉ​ത്ത​ര​വി​റ​ങ്ങി. സ​മ​ര​പ്പ​ന്തലി​ൽ​വെ​ച്ച് വ​ലി​യ തി​രു​മേ​നി​യു​ടെ ട്രാ​ൻ​സ്ഫ​ർ ഓ​ർ​ഡ​ർ ഒ​പ്പി​ട്ടു വാ​ങ്ങി, അ​ച്ച​ൻ അ​ത് ക​ണ്ടം​തു​ണ്ടം വ​ലി​ച്ചു​കീ​റി.

പു​സ്ത​ക​ങ്ങ​ളാ​ണ് മേ​ബി​ൾ സി​സ്റ്റ​റി​നെ അ​ലോ​ഷ്യ​സ​ച്ച​നു​മാ​യി അ​ടു​പ്പി​ച്ച​ത്. കു​റ​ച്ചൊ​ക്കെ എ​ഴു​ത്തും വാ​യ​ന​യു​മു​ള്ള സി​സ്റ്റ​റി​ന് ഞാ​റ​ക്ക​ട​വി​ലെ അ​ച്ച​ന്റെ പു​സ്ത​ക​ശേ​ഖ​രം ഒ​രു സ​ഹാ​യ​മാ​യി​രു​ന്നു. സം​സ്കൃ​തി​യു​ടെ സാ​ഹി​ത്യ​ക്കൂ​ട്ടാ​യ്മ​യി​ൽ പ​ങ്കെ​ടു​ക്ക​ണ​മെ​ന്ന് അ​റി​യി​ച്ച​പ്പോ​ൾ ദീ​നാ​മ്മ മ​ദ​ർ അ​തി​ന് അ​നു​വാ​ദ​വും കൊ​ടു​ത്തു.

“ഒ​ത​പ്പു​ള്ള ക​ഥ​ക​ളും ക​വി​ത​ക​ളും വാ​യി​ക്കാ​നു​ള്ള ഓ​രോ ത​ത്ര​പ്പാ​ടേ. കൂ​ട്ടി​നൊ​രു മ​ദ​റും.”

അ​ലോ​ഷ്യ​സ​ച്ച​ന്റെ സൊ​സൈ​റ്റി​യി​ൽ പോ​കാ​ൻ തു​ട​ങ്ങി​യ​തോ​ടെ മ​ഠ​ത്തി​ലു​ള്ള​വ​രു​ടെ എ​തി​ർ​പ്പ് കൂ​ടി. ത​നി​ച്ചി​രി​ക്കു​ന്ന​ത് കാ​ണു​മ്പോ​ഴെ​ല്ലാം ദീ​നാ​മ്മ മ​ദ​ർ ആ​ശ്വ​സി​പ്പി​ക്കും.

‘‘കു​ഞ്ഞി​തൊ​ന്നും കാ​ര്യ​മാ​ക്കേ​ണ്ട. ഈ ​ഒ​റ്റ​പ്പെ​ട​ലും ഏ​കാ​ന്ത​ത​യു​മാ​ണ് എ​ല്ലാ എ​ഴു​ത്തു​കാ​രെ​യും വ​ള​ർ​ത്തു​ന്ന​ത്. കു​ഞ്ഞി​നെ​പ്പോ​ലെ​യാ​യി​രു​ന്നു ഞാ​നും. തി​ര​ക്കു കാ​ര​ണ​മാ​ണ് അ​തെ​ല്ലാം നി​ന്നു​പോ​യ​ത്.’’

മേ​ബി​ളി​ന്റെ ക​വി​ത​ക​ളി​ലെ ന​സ്രാ​യ​നെ അ​വ​ർ​ക്ക് ഇ​ഷ്ട​മാ​യി​രു​ന്നു. മീ​ൻ​ മ​ണ​ക്കു​ന്ന ക​ട​ലോ​ര​വാ​സി​യോ​ടൊ​പ്പം അ​ന്തി​വെ​ട്ട​ത്തി​ലി​രു​ന്ന് അ​വ​ൻ മ​ത്സ്യം ചു​ട്ടു​തി​ന്നു​ന്ന​തും വീ​ഞ്ഞ് കു​ടി​ക്കു​ന്ന​തും വാ​ക്കു​ക​ളു​ടെ ഇ​ട​യി​ലൂ​ടെ അ​വ​ർ കാ​ണും. സ്ത്രീ​ക​ളെ​യും കു​ഞ്ഞു​ങ്ങ​ളെ​യും കാ​ണു​മ്പോ​ൾ കൂ​ടു​ത​ൽ തെ​ളി​വോ​ടെ വി​ട​രു​ന്ന അ​വ​ന്റെ ക​ണ്ണു​ക​ൾ. സ്നേ​ഹം ചാ​ലി​ച്ച പ​ദ​ങ്ങ​ളി​ലൂ​ടെ മേ​ബി​ൾ വ​ര​ച്ചി​ടാ​റു​ള്ള അ​വ​ന്റെ കു​ന്ത​മു​നയി​ൽ ചി​ത​റി​യ ച​ങ്കി​നെ കാ​ണു​മ്പോ​ൾ മ​ദ​ർ തൂവാ​ല​യെ​ടു​ക്കും.

“ഈ ​കു​ഞ്ഞെ​ന്നെ ക​ര​യി​പ്പി​ക്കും.”

സാ​ഹി​ത്യ​ച​ർ​ച്ച​ക​ളി​ൽ അ​ലോ​ഷ്യ​സ​ച്ച​ൻ പ​റ​യാ​റു​ള്ള ദ​ലി​ത​രു​ടെ ജീ​വി​ത​വും ഊ​രു​ക​ളി​ലെ ദാ​രി​ദ്ര്യ​വു​മൊ​ക്കെ മേ​ബി​ൾ പ​ങ്കു​വെ​ക്കും. സ​ഭ​യെ വി​മ​ർ​ശി​ക്കു​ന്ന കാ​ര്യ​ങ്ങ​ളി​ലേ​ക്ക് സം​സാ​ര​മെ​ത്തു​മ്പോ​ൾ അ​വ​ർ ഭ​യ​പ്പെ​ടും.

‘‘സ​ഭാ കാ​ര്യ​ത്തെ​ക്കു​റി​ച്ച് ആ​രോ​ടും അ​ഭി​പ്രാ​യം പ​റ​യ​രു​ത്. മേ​ലേ​ന്നൊ​രു ചോ​ദ്യം വ​ന്നാ​ൽ ഇ​തി​നെ​ല്ലാം അ​നു​വ​ദി​ച്ച എ​ന്റെ കാ​ര്യം​കൂ​ടി ക​ഷ്ട​ത്തി​ലാ​കും. ക​ര​ണ്ടും വെ​ള്ള​വു​മി​ല്ലാ​ത്ത ഊ​രു​ക​ളി​ലെ മി​ഷ​ൻ​ പ്ര​വ​ർ​ത്ത​ന​മാ​ണ് ശി​ക്ഷ. മ​ല കേ​റാ​നും മ​ല​മ്പ​നി പി​ടി​ച്ചു ചാ​കാ​നും എ​നി​ക്കു വ​യ്യ കു​ഞ്ഞേ.’’

‘‘മാ​മ്പ​ള്ളി​യ​ച്ച​ൻ എ​ന്തി​നാ​ണ് മ​ഠ​ത്തി​ന്റെ കാ​ര്യ​ങ്ങ​ളി​ൽ ഇ​ട​പെ​ടു​ന്ന​ത്. മ​ദ​ർ സു​പ്പീ​രി​യ​റ​ല്ലേ തീ​രു​മാ​നം എ​ടു​ക്കേ​ണ്ട​ത്.’’

“ഞാ​റ​ക്ക​ട​വി​ലൊ​രു മ​ഠം വ​രാ​ൻ സ​ഹാ​യി​ച്ച​ത് മാ​മ്പ​ള്ളി​യ​ച്ച​നാ​ണ്. അ​തു ന​മ്മ​ൾ മ​റ​ക്കാ​ൻ പാ​ടി​ല്ല. അ​ലോ​ഷ്യ​സ​ച്ച​ന്റെ വാ​ക്കു​ക​ൾ കേ​ട്ട് വെ​റു​തെ ആ​വേ​ശം കൊ​ള്ളേ​ണ്ട. ടാ​പ്പി​ങ് തൊ​ഴി​ലാ​ളി​ക​ൾ​ക്കു​വേ​ണ്ടി അ​ച്ച​ൻ സ​മ​രം ചെ​യ്യു​മ്പോ​ൾ ചെ​ങ്കൊ​ടി​യു​മാ​യി ഒ​രു സി​സ്റ്റ​ർ ഒ​പ്പ​മു​ണ്ടാ​യി​രു​ന്നു. വ​ലി​യ തി​രു​മേ​നി​യു​ടെ ഉ​ത്ത​ര​വ് അ​ച്ച​ൻ വ​ലി​ച്ചു​കീ​റി​യ​തി​നേ​ക്കാ​ൾ ക​ന്യാ​സ്ത്രീ ചെ​ങ്കൊ​ടി​യേ​ന്തി​യ​ത് ആ​യി​രു​ന്നു അ​ന്ന് സ​ഭ​യെ ചൊ​ടി​പ്പി​ച്ച​ത്. ക​ടു​ത്ത ന​ട​പ​ടി ഉ​ണ്ടാ​യി. അ​വ​രി​പ്പോ​ൾ എ​വി​ടെ​യാ​ണെ​ന്നു​പോ​ലും ആ​ർ​ക്കുമ​റി​യി​ല്ല. അ​വ​രെ​ക്കു​റി​ച്ചൊ​രു ഇ​ന്റ​ർ​വ്യൂ​വി​ൽ ചോ​ദി​ച്ച​പ്പോ​ൾ ഞാ​നൊ​രി​ക്ക​ലും അ​വ​രെ അ​തി​നു പ്രേ​രി​പ്പി​ച്ചി​ല്ലെ​ന്നാ​യി​രു​ന്നു അ​ലോ​ഷ്യ​സ​ച്ച​ന്റെ മ​റു​പ​ടി.”

സം​സ്കൃ​തി​യി​ലെ കൂ​ട്ടാ​യ്മ​ക്ക് മേ​ബി​ൾ സി​സ്റ്റ​ർ പോ​കു​ന്ന​തി​ൽ ഏ​റ്റ​വും കൂ​ടു​ത​ൽ എ​തി​ർ​പ്പു മാ​മ്പ​ള്ളി​യ​ച്ച​നാ​യി​രു​ന്നു. മ​ഠ​ത്തി​ൽ വ​രു​മ്പോ​ഴെ​ല്ലാം അ​ച്ച​ന​ത് പ്ര​ക​ടി​പ്പി​ച്ചു തു​ട​ങ്ങി.

പാ​ർ​ല​റി​ലാ​ണ് മാ​മ്പ​ള്ളി​യ​ച്ച​ൻ മീ​റ്റി​ങ് വി​ളി​ച്ചു​കൂ​ട്ടു​ക. മു​തി​ർ​ന്ന ക​ന്യാ​സ്ത്രീ​ക​ൾ ക​സേ​ര​യി​ലി​രി​ക്കും. ബാ​ക്കി​യു​ള്ള​വ​ർ നി​ല​ത്തെ കാ​ർ​പെറ്റി​ലും. വെ​രോ​ണി​ക്കു വേ​ണ്ടി ഒ​രു ക​സേ​ര എ​പ്പോ​ഴും ഒ​ഴി​ച്ചി​ടും. മീ​റ്റി​ങ്ങി​ന് ആ​മു​ഖ​മാ​യു​ള്ള പാ​ട്ട് തീ​രാ​റാ​കു​മ്പോ​ഴേ സി​സ്റ്റ​ർ എ​ത്തു​ക​യു​ള്ളൂ. ഭി​ത്തി​യി​ൽ പി​ടി​ച്ച് ഓ​രോ ചു​വ​ടും പ​തു​ക്കെെ​വ​ച്ചാ​ണ് ന​ട​പ്പ്.

‘‘വെ​രോ​ണി​ക്കെ​ന്നാ വ​യ്യേ. ആ​കെ വി​ള​റി​യ​ല്ലോ...’’

അ​ച്ച​ന​ങ്ങ​നെ ചോ​ദി​ച്ച​തി​നു പ​ര​സ്പ​രം നോ​ക്കി​യ​ത​ല്ലാ​തെ സി​സ്റ്റേ​ഴ്സ് മ​റു​പ​ടി പ​റ​ഞ്ഞി​ല്ല. അ​ലോ​ഷ്യ​സ​ച്ച​ന്റെ സൊ​സൈ​റ്റി​യി​ൽ പോ​യ​തി​ന് മേ​ബി​ളി​നെ വ​ഴ​ക്കു​പ​റ​യു​മ​ല്ലോ എ​ന്ന സ​ന്തോ​ഷ​ത്തോ​ടെ അ​വ​ളോ​ടു കു​റു​മ്പു​ള്ള സി​സ്റ്റേ​ഴ്സ് കാ​ത്തി​രു​ന്നു.

‘‘എ​നി​ക്കൊ​രു പ്ര​ധാ​ന കാ​ര്യം പ​റ​യാ​നു​ണ്ട്.’’

അ​ച്ച​ൻ ആ​മു​ഖ​മാ​യി അ​ത്ര​യും പ​റ​ഞ്ഞി​ട്ട് ഒ​രു പേ​പ്പ​റെ​ടു​ത്ത് മേ​ശ​പ്പു​റ​ത്ത് നി​വ​ർ​ത്തി​വെ​ച്ചു.

‘‘ഇ​താ​ണ് ഞാ​റ​ക്ക​ട​വി​ലൂ​ടെ പോ​കു​ന്ന മ​ല​യോ​ര​ഹൈ​വേ​യു​ടെ സ്‌​കെ​ച്ച്. സ​ർ​ക്കാ​രീ​ന്ന് ന​മ്മു​ടെ ഒ​രു കൊ​ച്ച​ൻ ചൂ​ണ്ടി ത​ന്ന​താ.’’

മ​ദ​റെ​ഴു​ന്നേ​റ്റ് സ്കെ​ച്ചി​ലേ​ക്ക് നോ​ക്കി.

കു​രി​ശ​ട​യാ​ള​മു​ള്ള ലാ​ൻ​ഡ്മാ​ർ​ക്കു​ക​ളി​ലേ​ക്ക് അ​ച്ച​ന്റെ വി​ര​ൽ നീ​ങ്ങി.

‘‘ഈ ​പ്ലാ​ൻ അ​നു​സ​രി​ച്ചു​ള്ള റോ​ഡു​വ​ന്നാ​ൽ മ​ഠ​ത്തി​ന്റെ​യും പ​ള്ളി​യു​ടെ​യും കു​റ​ച്ച​ധി​കം സ്ഥ​ലം സ​ർ​ക്കാ​രു കൊ​ണ്ടു​പോ​കും. ഞാ​ൻ നേ​ര​ത്തെ പ​റ​ഞ്ഞ​തു​പോ​ലെ ഇ​തു വ​ര​ച്ചു​ണ്ടാ​ക്കി​യ​വ​ർ പ​റ​യു​ന്ന ന്യാ​യം പ​ള്ളി​ക്ക​വി​ടെ കെ​ട്ടി​ട​ങ്ങ​ളോ ച​മ​യ​ങ്ങ​ളോ ഇ​ല്ലെ​ന്നും വെ​ട്ടി​മാ​റ്റാ​ൻ കു​റ​ച്ചു മ​ര​ങ്ങ​ൾ മാ​ത്ര​മേ​യു​ള്ളൂ എ​ന്നു​മാ​ണ്.’’

“മ​ഠ​ത്തി​ന്റെ പ​ത്തി​രു​പ​തു സെ​ന്റെ​ങ്കി​ലും പോ​കു​മ​ല്ലോ അ​ച്ചാ.’’

അ​വി​രാ​യു​ടെ പു​ര​യി​ടം വാ​ങ്ങി​യ​തും കാ​ടു​പി​ടി​ച്ചു കി​ട​ന്ന​തൊ​ക്കെ വെ​ട്ടി​ത്തെ​ളി​ച്ച് ഈ ​പ​രു​വ​മാ​ക്കി​യ​തി​ന്റെ ക​ഷ്ട​പ്പാ​ടു​മൊ​ക്കെ മ​ദ​ർ പ​റ​ഞ്ഞു​കൊ​ണ്ടി​രു​ന്നു.

‘‘അ​ങ്ങ​നെ കൊ​ടു​ക്കാ​ൻ പ​റ്റു​വോ മ​ദ​റേ. സ്ഥ​ലം ന​ഷ്ട​പ്പെ​ടാ​തി​രി​ക്കാ​ന​ല്ലേ അ​ടി​യ​ന്തി​ര​മാ​യി ഈ ​മീ​റ്റി​ങ് വി​ളി​ച്ചുകൂ​ട്ടി​യ​ത്. പ്ലാ​ൻ അം​ഗീ​ക​രി​ച്ചി​ട്ടൊ​ന്നു​മി​ല്ല, ഇ​തൊ​ക്കെ തീ​രു​മാ​നി​ക്കു​ന്ന​തി​നു മു​ന്നേ സ​ർ​ക്കാ​ർ ന​മ്മ​ളു​മാ​യി കൂ​ടി​യാ​ലോ​ചി​ക്കും. അ​തി​നു​ള്ളി​ൽ പൊ​ന്നും​വി​ല​യ്ക്ക് എ​ടു​ക്കാ​ൻ ഉ​ദ്ദേ​ശി​ക്കു​ന്ന സ്ഥ​ല​ത്ത് ന​മു​ക്ക് ര​ണ്ട് ക​പ്പേ​ള​ക​ൾ പ​ണി​യ​ണം. ഒ​ന്ന് മ​ഠ​ത്തി​ന്റെ മു​ന്നി​ലും മ​റ്റൊ​ന്ന് പ​ള്ളി​വ​ക സ്ഥ​ല​ത്തും. ക​പ്പേ​ള​യു​ണ്ടെ​ങ്കി​ൽ എ​തി​ർ​വ​ശ​ത്തെ സ്ഥ​ലം അ​ക്വ​യ​ർ ചെ​യ്ത് അ​വ​ർ ചി​ല​പ്പോ​ൾ ന​മ്മ​ളെ ഒ​ഴി​വാക്കും. ​ഇ​നി നി​ർ​ബ​ന്ധി​പ്പി​ച്ചു ക​പ്പേ​ള പൊ​ളി​പ്പി​ച്ചാ​ൽ ത​ന്നെ ഇ​പ്പോ​ൾ കി​ട്ടു​ന്ന​തി​ന്റെ നാ​ലി​ര​ട്ടി​യെ​ങ്കി​ലും ന​ഷ്ട​പ​രി​ഹാ​ര​വും കി​ട്ടും.’’

‘‘ന​മ്മു​ടെ കു​റ​ച്ച് സ്ഥ​ലം പോ​യാ​ലും ഹൈ​വേ വ​രു​ന്ന​ത് ന​ല്ല കാ​ര്യ​മാ​ണെ​ന്നാ​ണ് എ​ന്റെ അ​ഭി​പ്രാ​യം. റോ​ഡി​നു വീ​തി​യി​ല്ലാ​ത്ത​തു കാ​ര​ണം എ​ത്ര അ​പ​ക​ട​ങ്ങ​ളാ​ണ് ഞാ​റ​ക്ക​ട​വി​ലു​ണ്ടാ​കു​ന്ന​ത്.’’

മേ​ബി​ൾ​ സി​സ്റ്റ​ർ ഇ​ട​ക്കു ക​യ​റി സം​സാ​രി​ച്ച​ത് ഇ​ഷ്ട​പ്പെ​ടാ​തെ കു​റ​ച്ചു​നേ​രം എ​ല്ലാ​വ​രേ​യും നോ​ക്കി​യി​രു​ന്നി​ട്ട് അ​ച്ച​ൻ തു​ട​ർ​ന്നു.

‘‘പൊ​തു​സ​ഭ​യി​ൽ സ്ത്രീ​ക​ൾ എ​ങ്ങ​നെ​യാ​ണ് പെ​രു​മാ​റേ​ണ്ട​തെ​ന്ന് ബൈ​ബി​ളി​ലു​ണ്ട്. സാ​ഹി​ത്യ​ത്തി​ൽ മു​ഴു​കു​ന്ന​തി​നൊ​പ്പം മേ​ബി​ൾ സി​സ്റ്റ​ർ അ​തു​കൂ​ടി വാ​യി​ക്കു​ന്ന​ത് ന​ല്ല​താ​യി​രി​ക്കും. നി​ങ്ങ​ളു​ടെ കോ​ൺ​ഗ്രി​ഗേ​ഷ​ന്റെ കാ​ര്യ​മാ​യി​പ്പോ​യി. ച​ർ​ച്ചി​ന്റെ മ​ഠ​മാ​യി​രു​ന്നെ​ങ്കി​ൽ മേ​ബി​ളി​നെ എ​ന്തു​ചെ​യ്യ​ണ​മെ​ന്ന് ഞ​ങ്ങ​ൾ​ക്ക​റി​യാം.’’

“അ​ച്ച​ൻ ക്ഷ​മി​ക്ക്, സി​സ്റ്റ​ർ അ​റി​യാ​തെ പ​റ​ഞ്ഞ​താ​ണ്.”

മ​ദ​ർ ഇ​ട​പെ​ട്ടി​ട്ടും മാ​മ്പ​ള്ളി​യ​ച്ച​ന്റെ മു​ഖം ക​നം​വെ​ച്ചു കി​ട​ന്നു.

‘‘ഞാ​ൻ നി​ങ്ങ​ളു​ടെ ധ്യാ​ന​ഗു​രു​വാ​ണ്. അ​തു മ​റ​ക്ക​രു​ത്. സ​ഭ​യ്ക്കു പു​റ​ത്തു​ള്ള ചി​ല​രു​ടെ ഒ​ത​പ്പു​ക​ൾ കേ​ട്ട് എ​ന്നെ​യാ​രും എ​തി​ർ​ക്കാ​ൻ വ​രേ​ണ്ട. മ​ഠ​ത്തി​ന്റെ ന​ന്മ​യ്ക്കാ​ണ് ഞാ​നി​ങ്ങ​നെ ഓ​ടി​ന​ട​ക്കു​ന്ന​ത്. ഇ​പ്പോ​ൾ മീ​റ്റി​ങ് വി​ളി​ച്ചു​കൂ​ട്ടി​യ​തും നി​ങ്ങ​ളു​ടെ സ്ഥ​ലംകൂ​ടി പോ​കു​ന്ന കാ​ര്യ​മാ​യ​തു​കൊ​ണ്ടാ​ണ്.’’

‘‘അ​ച്ച​ൻ പ​റ​യൂ. ഞ​ങ്ങ​ൾ അ​നു​സ​രി​ക്കാം.’’

നി​ല​ത്തി​രു​ന്ന് വി​ഷ​മി​ക്കു​ന്ന ലൂ​സി​ സി​സ്റ്റ​റി​നും ഒ​രു ക​സേ​ര​യി​ട്ടു കൊ​ടു​ക്കാ​ൻ പ​റ​ഞ്ഞി​ട്ട് അ​ച്ച​ൻ തു​ട​ർ​ന്നു.

“ഞാ​ന​റി​യാ​തെ മേ​ബി​ളി​നെ അ​ലോ​ഷ്യ​സ​ച്ച​ന്റെ കൂ​ട്ടാ​യ്മ​യി​ലേ​ക്ക് വി​ട്ട​ത് ശ​രി​യാ​യി​ല്ല. ഇ​നി അ​ത് ആ​വ​ർ​ത്തി​ക്കാ​ൻ പാ​ടി​ല്ല. മേ​ബി​ളി​നു ക​വി​ത എ​ഴു​ത​ണ​മെ​ന്ന് തോ​ന്നു​മ്പോ​ൾ മി​ശി​ഹാ​യു​ടെ പീ​ഡ​ക​ളെ​ക്കു​റി​ച്ചോ മ​റി​യ​ത്തി​ന്റെ വി​മ​ലഹൃ​ദ​യ​ത്തേ​ക്കു​റി​ച്ചോ എ​ഴു​ത​ട്ടെ. ചൂ​ര​മാ​വി​ലെ പ്ര​സി​ൽ അ​ത് അ​ച്ച​ടി​പ്പി​ച്ച് ഇ​ട​വ​കതോ​റും വി​ൽ​ക്കു​ന്ന കാ​ര്യം അ​ച്ച​നേ​റ്റു.’’

മേ​ശ​പ്പു​റ​ത്ത് നി​വ​ർ​ത്തി​വെ​ച്ചി​രു​ന്ന ക​ട​ലാ​സും ചു​രു​ട്ടി​യെ​ടു​ത്ത് അ​ച്ച​ൻ എ​ഴു​ന്നേ​റ്റു.

‘‘ന​ഷ്ട​പ്പെ​ട്ട കു​ഞ്ഞാ​ടു​ക​ൾ​ക്കു​വേ​ണ്ടി​യു​ള്ള അ​ല​ച്ചി​ലാ ന​മ്മു​ടെ ജീ​വി​തം. ന​മു​ക്ക് ന​മ്മ​ളെ​ത്ത​ന്നെ ന​ഷ്ട​പ്പെ​ടാ​നി​ട​യാ​ക​രു​ത്.’’

മീ​റ്റി​ങ് അ​വ​സാ​നി​പ്പി​ച്ച് അ​ച്ച​ൻ മ​ദ​റി​ന്റെ ഓ​ഫീ​സ് മു​റി​യി​ലേ​ക്ക് ചെ​ന്നു. മു​ഷി​ഞ്ഞ് സം​സാരി​ക്കേ​ണ്ടി വ​ന്ന​തി​ന്റെ പി​രി​മു​റു​ക്ക​ത്തോ​ടെ അ​ച്ച​ൻ കു​റ​ച്ചു​നേ​രം മി​ണ്ടാ​തി​രു​ന്നു. പാ​തി​രി​യോ​ട് എ​ന്തു പ​റ​യ​ണ​മെ​ന്ന് അ​റി​യാ​തെ മ​ദ​ർ മേ​ശ​പ്പു​റ​ത്തി​രു​ന്ന പു​സ്ത​കം വെ​റു​തെ മ​റി​ച്ചു.

‘‘ക​പ്പേ​ള​യി​ൽ ഗീ​വ​ർ​ഗീ​സി​നെ വെ​യ്ക്കാ​മെ​ന്നാ ക​രു​തു​ന്ന​ത്. കു​തി​ര​യും പാ​മ്പു​മൊ​ക്കെ ഉ​ള്ള​തു​കൊ​ണ്ട് ജാ​തീം മ​തോം നോ​ക്കാ​തെ നേ​ർ​ച്ച​ക്കാ​ശു പെ​ട്ടീ​ല് വീ​ഴും. മ​ഠ​ത്തി​ന്റെ ക​പ്പേ​ള​യി​ലൊ​രു പു​തി​യ ആ​ളാ​വും ന​ല്ല​ത്.’’

അ​ച്ച​ൻ പ​റ​യു​ന്ന​തെ​ല്ലാം കേ​ട്ടി​രു​ന്ന​ത​ല്ലാ​തെ മ​ദ​റൊ​ന്നും മി​ണ്ടി​യി​ല്ല. കീ​ഴാ​ള​രു​ടെ ലോ​ക​ത്തെ​ക്കു​റി​ച്ച് മേ​ബി​ൾ പ​റ​യു​ന്ന​ത് കേ​ട്ടി​രി​ക്കു​മ്പോ​ഴെ​ല്ലാം അ​നു​ഭ​വി​ക്കേ​ണ്ടി വ​രു​ന്ന​തു​പോ​ലൊ​രു നി​സ്സ​ഹാ​യ​ത. ഒ​ന്നു​ര​ണ്ട് അ​വ​യ​വ​ങ്ങ​ളു​ടെ ആ​കാ​ര​ത്തി​ലും പ്ര​വൃ​ത്തി​യി​ലു​മു​ള്ള വ്യ​ത്യാ​സ​ത്തി​ൽ ഒ​രു മ​നു​ഷ്യ​ജീ​വി മ​റ്റൊ​ന്നി​ന്റെ മു​ന്നി​ൽ അ​ടി​മ​യെ​പ്പോ​ലെ നി​ൽ​ക്കേ​ണ്ടി​വ​രു​ന്നു. ക​ട്ടി​ക്ക​ണ്ണ​ട ഊ​രി​യും തു​ട​ച്ചും ഉ​ള്ളി​ൽ നി​റ​യു​ന്ന​തൊ​ക്കെ അ​മ​ർ​ത്താ​ൻ മ​ദ​ർ പ​ണി​പ്പെ​ട്ടു.

‘‘ഒ​രു വി​ശു​ദ്ധ​യു​ണ്ടാ​വു​ന്ന​ത് മ​ദ​റി​ന്റെ കോ​ൺ​ഗ്രി​ഗേ​ഷ​നൊ​രു മു​ത​ൽ​ക്കൂ​ട്ടാ​ണ്. പ​ല​രും അ​തു ചെ​യ്യു​ന്നു​ണ്ട്. ഇ​പ്പ​ഴേ തു​ട​ങ്ങി​യാ ര​ണ്ടു​ കൊ​ല്ലം​കൊ​ണ്ട് ദൈ​വ​ദാ​സ​പ​ദ​വി ഒ​പ്പി​ച്ചെ​ടു​ക്കാം. അ​തി​നി​വി​ട​ത്തെ ബി​ഷ​പ്പി​ന്റെ സ​മ്മ​തം മ​തി​യാ​കും. വാ​ഴ്ത്ത​പ്പെ​ട്ട​വ​ളും വി​ശു​ദ്ധ​യു​മൊ​ക്കെ ആ​കു​ന്ന​തി​നു​ള്ള തീ​രു​മാ​നം റോ​മി​ൽ​നി​ന്നു വ​ര​ണം. അ​തു​ട​നേ വേ​ണ​മെ​ന്നി​ല്ല. ദൈ​വ​ദാ​സ​പ​ദ​വി കി​ട്ടി​യാ​ൽ അ​തു ല​ഭി​ക്കു​ന്ന​യാ​ൾ​ക്കു വേ​ണ്ടി​യൊ​രു ക​പ്പേ​ള പ​ണി​യു​ന്ന​തി​ന് ആ​രും ത​ട​സ്സ​മൊ​ന്നും പ​റ​യി​ല്ല.’’

എ​ല്ലാ​റ്റി​നും മൂ​ളി​യ​ത​ല്ലാ​തെ മ​ദ​ർ ഒ​ന്നും പ​റ​ഞ്ഞി​ല്ല. മ​റ​ന്നു​വെ​ച്ച കൂ​ട​യു​മാ​യി ലൂ​സി സി​സ്റ്റ​ർ വ​രു​ന്ന​തു​ ക​ണ്ട് അ​ച്ച​ൻ എ​ഴു​ന്നേ​റ്റു.

‘‘നി​ങ്ങ​ളു​ടെ ച​രി​ത്ര​മൊ​ക്കെ മ​ദ​റൊ​ന്നു ചി​ക​ഞ്ഞ് നോ​ക്ക്. ഒ​രു​വി​ധം ന​ന്നാ​യി ജീ​വി​ച്ച ആ​രെ​ങ്കി​ലും നി​ങ്ങ​ളു​ടെ കൂ​ട്ട​ത്തി​ലു​മു​ണ്ടാ​വും. ബാ​ക്കി​യെ​ല്ലാം ന​മു​ക്ക് ഉ​ണ്ടാ​ക്കാ​വു​ന്ന​തേ​യു​ള്ളൂ.’’

73

തു​റ​ന്നി​ട്ട ജ​നാ​ല​യി​ലൂ​ടെ മേ​ബി​ൾ സി​സ്റ്റ​ർ ആ​കാ​ശ​ത്തെ ന​ക്ഷ​ത്ര​ങ്ങ​ളെ നോ​ക്കി​യി​രു​ന്നു. യാ​മ പ്രാ​ർ​ഥ​ന ചൊ​ല്ലി​യി​ട്ടും ക​പ്പ​ള​ങ്ങ മ​ര​ത്തി​ൽ കാ​റ്റു​പി​ടി​ച്ച​തു​പോ​ലെ അ​വ​ളു​ടെ മ​ന​സ്സി​ലേ​ക്ക് വീ​ണ്ടും മാ​മ്പള്ളി​യ​ച്ച​ന്റെ പൊ​ള്ളു​ന്ന വാ​ക്കു​ക​ളെ​ത്തി.

പ​ട​കി​നെ​യു​ല​ച്ച് വീ​ണ്ടു​മൊ​രു കൊ​ടു​ങ്കാ​റ്റും പേ​മാ​രി​യും. ക​വി​ത​യി​ലേ​റി വ​ന്ന ന​സ്രാ​യ​നോ​ട് അ​വ​ൾ ചോ​ദി​ച്ചു.

“പൊ​തു​സ​ഭ​യി​ൽ വെ​ച്ച് സ്ത്രീ ​സം​സാ​രി​ക്കാ​ൻ പാ​ടി​ല്ലെ​ന്നാ​ണ് പാ​തി​രി പ​റ​യു​ന്ന​ത്. നീ ​എ​വി​ടെ​യെ​ങ്കി​ലും അ​ങ്ങ​നെ പ​റ​ഞ്ഞി​ട്ടു​ണ്ടോ. എ​പ്പോ​ഴും സ്ത്രീ​ക​ളെ നീ ​ചേ​ർ​ത്തു​നി​ർ​ത്തി​യി​ട്ട​ല്ലേ​യു​ള്ളൂ. പി​റ​വി മു​ത​ൽ മ​ര​ണംവ​രെ നി​ന​ക്ക് കൂ​ട്ട് ഞ​ങ്ങ​ളാ​യി​രു​ന്നി​ല്ലേ. കൂ​ടെ നി​ൽ​ക്കേ​ണ്ട നി​ന്റെ ച​ങ്ങാ​തി​മാ​രെ​ല്ലാം ജീ​വ​നെ പേ​ടി​ച്ച് ഓ​ടി​യൊ​ളി​ച്ച​പ്പോ​ൾ കു​രി​ശി​ൻ​ചു​വ​ട്ടി​ൽ നി​ന്നെ ആ​ശ്വ​സി​പ്പി​ക്കാ​ൻ ഞ​ങ്ങ​ള​ല്ലേ ഉ​ണ്ടായി​രു​ന്നു​ള്ളൂ. മ​ര​ണ​കി​ട​ക്ക വി​ട്ട് നീ ​എ​ഴു​ന്നേ​റ്റ​പ്പോ​ഴും നി​ന്നെ കാ​ത്തി​രു​ന്ന​തും ഒ​രു പെ​ണ്ണാ​യി​രു​ന്നി​ല്ലേ.

റ​ബ്ബോ​നി, നീ ​കേ​ട്ടി​ല്ലേ മ​ഹാ​പു​രോ​ഹി​ത​ന്റെ ശ​ബ്ദം. സ​ഭ​യി​ൽ സ്ത്രീ ​സം​സാ​രി​ക്കാ​ൻ പാ​ടി​ല്ലെ​ന്ന്. പു​രു​ഷ​നൊ​പ്പം ഇ​രി​ക്കാ​ൻ വ​യ്യ. അ​വ​ൾ​ക്ക് ആ​ഭ​ര​ണം പാ​ടി​ല്ല. മു​ടി മ​റ​യ്ക്ക​ണം. നി​ന്റേ​തെ​ന്നു പ​റ​യ​പ്പെ​ടു​ന്ന ഈ ​മ​ഹാ​ഗ്ര​ന്ഥ​ത്തി​ൽ എ​ങ്ങ​നെ ഇ​ത്ത​രം തെ​റ്റു​ക​ൾ എ​ഴു​തി​ച്ചേ​ർ​ക്ക​പ്പെ​ട്ടു.

മേ​ല​ങ്കി ത​യ്യ​ൽ കൂ​ടാ​തെ നെ​യ്ത അ​വ​ന്റെ അ​ങ്കി​യി​ൽ പി​ടി​ച്ച് അ​വ​ൾ അ​വ​നെ ജ​നാ​ല​യു​ടെ അ​ടു​ത്തേ​ക്ക് ചേ​ർ​ത്തു നി​ർ​ത്തി. കാ​റ്റി​ലി​ള​കു​ന്ന ജാ​ല​ക​വി​രി മാ​റ്റി അ​വ​ന്റെ മു​ഖം അ​വ​ൾ അ​ടു​പ്പി​ച്ചു.

“പ്രി​യ​നേ. ഞാ​നി​തു തി​രു​ത്തു​ക​യാ​ണ്.”

ദേ​വാ​ല​യ​ത്തി​ലെ തി​ര​ശ്ശീ​ല നെ​ടു​കെ പി​ള​ർ​ന്ന​തു​പോ​ലെ ബൈ​ബി​ളി​ൽ​നി​ന്ന് മാ​മ്പ​ള്ളി​യ​ച്ച​ൻ പ​റ​യാ​റു​ള്ള ഭാ​ഗ​ങ്ങ​ളെ​ല്ലാം മേ​ബി​ൾ വ​ലി​ച്ചു​കീ​റി​യെ​ടു​ത്തു.

ജ​നാ​ല​യു​ടെ പു​റ​ത്ത് വീ​ർ​പ്പു​മു​ട്ടി നി​ന്ന കാ​റ്റ​പ്പോ​ൾ അ​വ​ളു​ടെ മു​ടി​യി​ഴ​ക​ളെ ചി​ത​റി​ച്ചു​കൊ​ണ്ട് അ​ക​ത്തേ​ക്ക് പ്ര​വേ​ശി​ച്ചു.

74

എ​വി​ടെ​നി​ന്നോ ക​ട​ലാ​സ് ക​രി​യു​ന്ന മ​ണം അ​നു​ഭ​വ​പ്പെ​ട്ടു തു​ട​ങ്ങി​യ​തും ദീ​നാ​മ്മ മ​ദ​ർ എ​ഴു​ന്നേ​റ്റു കു​ശി​നി​യി​ലേ​ക്ക് ചെ​ന്നു. ക​ഴു​കി​യ പാ​ത്ര​ങ്ങ​ളെ​ല്ലാം ഭം​ഗി​യാ​യി അ​ടു​ക്കി​വെ​ച്ചി​ട്ടു​ണ്ട്. കൊ​ടം​പു​ളി​യി​ട്ടു വെ​ച്ച മീ​ൻ​ക​റി​യു​ടെ മ​ണം കി​ച്ച​നു​ള്ളി​ൽ നി​റ​ഞ്ഞു​നി​ന്നു. ഗ്യാ​സ് സി​ല​ണ്ട​റി​ന്റെ വാ​ൽ​വു​ക​ൾ അ​ട​ച്ചി​ട്ടു​ണ്ടെ​ന്ന് ഉ​റ​പ്പു​വ​രു​ത്തി അ​ടു​ക്ക​ള​വാ​തി​ൽ ചാ​രു​മ്പോ​ഴാ​ണ് ഒ​രു ആ​ന്ത​ൽപോ​ലെ വെ​രോ​ണി​യെ​ക്കു​റി​ച്ച് ഓ​ർ​ത്ത​ത്.

വെ​രോ​ണി സി​സ്റ്റ​റി​ന് രോ​മം വ​ള​രു​ന്ന​ത് പേ​ടി​യാ​യി​രു​ന്നു. മെ​ഴു​തി​രി ക​ത്തി​ച്ച് ക​രി​യി​ച്ചു ക​ള​യും. കു​ളി​മു​റി​യി​ൽ നി​ന്ന​ങ്ങ​നെ ക​രി​ഞ്ഞ​മ​ണം തു​ട​ർ​ച്ച​യാ​യ​തോ​ടെ മ​ദ​റാ​ണ​ത് ക​ണ്ടു​പി​ടി​ച്ച​ത്. ഹെ​യ​ർ ഇ​റേ​സ​ർ വാ​ങ്ങി​ക്കൊ​ടു​ത്തെ​ങ്കി​ലും ചി​ല​പ്പോ​ഴൊ​ക്കെ മെ​ഴു​തി​രി​പ്ര​യോ​ഗം ആ​വ​ർ​ത്തി​ക്കും. ഇ​തൊ​ക്കെ അ​റി​ഞ്ഞ​തി​നു​ശേ​ഷ​മാ​ണ് മു​റി​യു​ടെ വാ​തി​ലി​ന്റെ ഓ​ടാ​മ്പ​ൽ ആ​ശാ​രി​യെ​ക്കൊ​ണ്ട് എ​ടു​പ്പി​ച്ചു ക​ള​ഞ്ഞ​ത്. എ​ന്നി​ട്ടും ആ​ധി മാ​റാ​തെ ആ​ഗ്ന​സി​നെ കൂ​ട്ടു​കി​ട​ത്തി.

അ​ക​ത്തു​നി​ന്ന് പൂ​ട്ടാ​നാ​വാ​ത്ത​തു കാ​ര​ണം മ​ദ​ർ ത​ള്ളി​യ​തും വാ​തി​ൽ തു​റ​ന്നു. താ​ഴെ ആ​ഗ്ന​സ് കി​ട​പ്പു​ണ്ട്. ക​ട്ടി​ലി​ൽ​നി​ന്ന് വെ​രോ​ണി​യു​ടെ കൂ​ർ​ക്കം​വ​ലി. തി​രി​കെ റൂ​മി​ലേ​ക്ക് വ​ന്നി​ട്ടും എ​ന്തോ ക​രി​യു​ന്ന നാ​റ്റം.

ഒ​ന്നി​നു മീ​തെ ഒ​രു പാ​ന്റീ​സു​കൂ​ടി ഇ​ട്ടാ​ലേ വെ​രോ​ണി​ക്ക് ഉ​റ​ക്കം വ​രൂ. ഇ​ടു​ന്ന​ത് ഊ​രാ​നും മ​ടി​യാ​ണ്. മി​ക്ക​പ്പോ​ഴും തു​ട​യി​ടു​ക്കു​ക​ൾ ചൊ​റി​ഞ്ഞു പൊ​ട്ടും. അ​ടി​വ​സ്ത്രം നീ​ക്കു​ന്ന കാ​ര്യം പ​റ​യു​മ്പോ​ഴേ പേ​ടി​ച്ചു വി​റ​യ്ക്കും. ചൊ​റി​ച്ചി​ൽ കൂ​ടു​മ്പോ​ൾ തു​രി​ശു ക​ല​ക്കി​യ വെ​ള്ളം ച​രു​വ​ത്തി​ലൊ​ഴി​ച്ച് അ​തി​ൽ പി​ടി​ച്ചി​രു​ത്തും. അ​പ്പോ​ഴും ഉ​ടു​ത്തി​രു​ന്ന​തൊ​ന്നും നീ​ക്കാ​ൻ സ​മ്മ​തി​ക്കി​ല്ല.

ഒ​രുദി​വ​സം സി​സ്റ്റ​ർ​മാ​രെ​ല്ലാ​വ​രും ചേ​ർ​ന്ന് ക​ട്ടി​ലി​ൽ പി​ടി​ച്ചു കി​ട​ത്തി അ​ത​ങ്ങു നീ​ക്കി. തു​ട​യി​ടു​ക്കി​ൽ ചെ​റു​വി​ര​ൽ ക​യ​റാ​ൻ പാ​ക​ത്തി​ൽ ചൊ​റി​ഞ്ഞു​പൊ​ട്ടി​യ മു​റി​വ്. മ​രു​ന്നു​പു​ര​ട്ടി ഉ​ണ​ങ്ങും​വ​രെ ക​ട്ടിലി​ൽനി​ന്നി​റ​ക്കി​യി​ല്ല.

തി​രു​വു​ടു​പ്പ് വാ​യി​ൽ ക​ടി​ച്ചുപി​ടി​ച്ച് വെ​രോ​ണി ക​ര​യു​ന്ന​തു ക​ണ്ട് മ​ദ​റും ക​ര​ഞ്ഞു. മു​റി​വു​ണ​ങ്ങി​യാ​ൽ പ​ഴ​യ​തു​പോ​ലെ ഉ​ടു​ക്കാ​മെ​ന്ന് എ​ല്ലാ​വ​രും സ​മാ​ധാ​ന​പ്പെ​ടു​ത്തി. മ​ന​സ്സി​നു സു​ഖ​മി​ല്ലെ​ങ്കി​ൽ അ​തി​നെ വീ​ട്ടി​ലേ​ക്ക് പ​റ​ഞ്ഞു​വി​ടാ​ൻ സു​പ്പീ​രി​യ​ർ എ​പ്പോ​ഴും പ​റ​യും. വീ​ട്ടി​ലൊ​രാ​ൾ​ക്ക് അ​സു​ഖം വ​ന്നാ​ൽ അ​യാ​ളെ ന​മ്മ​ൾ എ​ങ്ങോ​ട്ടെ​ങ്കി​ലും പ​റ​ഞ്ഞു​വി​ടു​മോ. മ​ഠ​വും ഒ​രു വീ​ട​ല്ലെ, പ​റ​ഞ്ഞു​വി​ടാ​നൊ​രു മ​ടി. മ​ല​മു​ക​ളി​ലെ മ​ഠ​ത്തി​ൽ വെ​രോ​ണി​ക്കൊ​രു സ്വ​സ്ഥ​ത​യും കി​ട്ടാ​തെ വ​ന്ന​തോ​ടെ ദീ​നാ​മ്മ മ​ദ​റാ​ണ് അ​തി​നെ ഞാ​റ​ക്ക​ട​വി​ലേ​ക്ക് കൂ​ട്ടി​ക്കൊ​ണ്ടു​വ​ന്ന​ത്.

വ​ച​നം വാ​യി​ച്ചു കി​ട​ന്നി​ട്ടും ക​ട​ലാ​സ് ക​രി​ഞ്ഞ​തു​പോ​ലു​ള്ള മ​ണം മ​ദ​റി​നെ അ​ലോ​സ​ര​പ്പെ​ടു​ത്തി​ക്കൊ​ണ്ടി​രു​ന്നു. പ്രാ​ർ​ഥ​ന​യേ​റെ ചൊ​ല്ലി​യി​ട്ടും വി​ട്ടു​മാ​റാ​തെ ചി​ല ആ​കു​ല​ത​ക​ൾ ത​ന്റെ ത​ല​യി​ൽ കൂ​ടൊ​രു​ക്കു​ന്നു​ണ്ടെ​ന്നൊ​രു തോ​ന്ന​ൽ. ഒ​രു മ​ര​ണം മ​ഠ​ത്തി​ലേ​ക്ക് വ​രു​ന്ന​പോ​ലെ. അ​ച്ച​ൻ പ​റ​ഞ്ഞതു​പോ​ലെ ഒ​രു ദൈ​വ​ദാ​സി മ​ഠ​ത്തി​നു​ണ്ടാ​യാ​ൽ പൊ​തു​ജ​ന​ത്തി​ന്റെ വ​ര​വും പ്രാ​ർ​ഥ​ന​യു​മൊ​ക്കെ​യാ​യി മ​ഠ​ത്തി​ലെ പേ​ടി​ക​ൾ മാ​റി​യേ​നെ. ആ​രെ​യാ​ണ് വി​ശു​ദ്ധ​യാ​ക്കു​ക.

മ​ഠ​ത്തി​ലെ ഏ​റ്റ​വും വ​ലി​യ സ​ഹ​ന​ക്കാ​രി വെ​രോ​ണി​യാ​ണ്.

പ​േ​ക്ഷ അ​വ​ൾ ജീ​വി​ച്ചി​രി​ക്കു​ക​യ​ല്ലേ.

(തു​ട​രും)