Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_right'കോവിഡ്​ വാക്​സിനേഷൻ...

'കോവിഡ്​ വാക്​സിനേഷൻ മനുഷ്യരാശിയുടെ അന്ത്യംകുറിക്കും'; മുന്നറിയിപ്പുമായി വാക്​സിൻ വിദഗ്​ധൻ

text_fields
bookmark_border
Virologists & Vaccine experts, Geert Vanden Bossches
cancel

കോവിഡിനെതിരേ നടക്കുന്ന കൂട്ട​ വാക്​സിനേഷൻ മനുഷ്യരാശിക്കുത​െന്ന അപകടകമാണെന്ന വാദവുമായി വാക്​സിൻ വിദഗ്​ധൻ ഗീർത്​ വാൻഡൻ ബോഷ്​. സമൂഹമാധ്യമങ്ങളിൽ പങ്കുവച്ച കുറിപ്പിലും വീഡിയോയിലുമാണ്​ അദ്ദേഹം ​നിലവിൽ നടക്കുന്ന േകാവിഡ്​ വാക്​സിനേഷന്‍റെ അപകടങ്ങളെപറ്റി മുന്നറിയിപ്പ്​ നൽകുന്നത്​. ലോകാരോഗ്യ സംഘടനയോടുള്ള അപേക്ഷയുടെ രൂപത്തിലാണ്​ വീഡിയോയും കുറിപ്പും പുറത്തിറക്കിയിരിക്കുന്നത്​.


താനൊരു സ്വതന്ത്ര വൈറോളജിസ്റ്റും വാക്​സിൻ വിദഗ്​ധനുമാണെന്നാണ്​ ഗീർത്​ അവകാപ്പെടുന്നത്​. ലോകപ്രശസ്​ത വാക്​സിൻ കൂട്ടായ്​മയായ ഗാവി, ദി വാക്​സിൻ അലയൻസിലും മെലിൻഡ ഗേറ്റ്​ ഫൗണ്ടേഷനിലും താൻ ജോലി ചെയ്​തിട്ടുള്ളതായും ഗീർത്​ പറയുന്നു. ലോക ജനതയെപറ്റി ചിന്തിക്കുന്ന എല്ലാ കൂട്ടായ്​മകളോടും വിദഗ്​ധരോടുമുള്ള അഭ്യർഥനയായാണ്​ ഗീർത്​ തന്‍റെ പ്രസ്​താവന പുറത്തിറക്കിയിരിക്കുന്നത്​. വാക്സിൻ സംബന്ധമായ വിഷയങ്ങളിൽ നിലപാട് അറിയിക്കാൻ ശാസ്ത്രജ്ഞനെന്ന നിലയിൽ ഞാൻ സാധാരണയായി ഇത്തരം മാർഗങ്ങൾ സ്വീകരിക്കാറില്ലെന്ന്​ അദ്ദേഹം പറയുന്നു. താനൊരിക്കലും ആരോടും ഒരുതരം അഭ്യർഥനകളും നടത്താറുമില്ല. ഒരു സമർപ്പിത വൈറോളജിസ്റ്റ്, വാക്സിൻ വിദഗ്​ധൻ എന്ന നിലയിൽ പൊതുജനാരോഗ്യത്തെ അപകടപ്പെടുത്തുന്ന വിധത്തിൽ വാക്സിനുകൾ നൽകാൻ അധികാരികൾ അനുവദിക്കുമ്പോൾ മാത്രമാണ്​ താനതിൽ ഇടപെടാറുള്ളൂ.

ശാസ്ത്രീയ തെളിവുകൾ അവഗണിക്കപ്പെടുന്ന അത്യന്തം ഗുരുതരമായ സാഹചര്യമാണ്​ നിലവിൽ. അതാണ്​ തന്നെ മുന്നറിയിപ്പ്​ നൽകാൻ പ്രേരിപ്പിക്കുന്നതെന്നും ഗീർത്​ പറഞ്ഞു. 'കോവിഡ് മഹാമാരിയിലെ അഭൂതപൂർവമായ മനുഷ്യ ഇടപെടൽ തുല്യമല്ലാത്ത ആഗോള ദുരന്തത്തിന് കാരണമാകും. നേരത്തേ പറഞ്ഞതുപോലെ, ഞാൻ വാക്സിനേഷന് എതിരല്ല. നിലവിലെ ഓരോ വാകസ്​നും ബുദ്ധിമാൻമാരും സമർഥരുമായ ശാസ്ത്രജ്ഞരാണ് രൂപകൽപ്പന ചെയ്യുകയും വികസിപ്പിക്കുകയും നിർമ്മിക്കുകയും ചെയ്യുന്നതെന്നും സമ്മതിക്കുന്നു. എന്നാൽ, നിലവിൽ കോവിഡിന്​ നൽകുന്നപോലുള്ള പ്രതിരോധ വാക്​സിനുകൾ ഒരിക്കലും അനുയോജ്യമല്ല. അതും ഒരു വൈറസ്​ രോഗം അതിന്‍റെ മൂർധന്യതയിൽ നിൽക്കുന്ന സമയത്ത്​ നൽകുന്ന കൂട്ട പ്രതിരോധ കുത്തിവയ്പ്പ് അതീവ അപകടകരമാണ്​. ഈ തരത്തിലുള്ള രോഗപ്രതിരോധ വാക്സിനുകൾ പൂർണമായും അനുചിതവും ഏറെ അപകടകരവുമാണ്.

വ്യക്തിഗത രോഗികളിലെ ഹ്രസ്വകാല ഗുണങ്ങളാണ്​ വാക്സിനോളജിസ്റ്റുകളും ശാസ്ത്രജ്ഞരും ക്ലിനിക്കുകളും ഇത്​ പ്രോത്സാഹിപ്പിക്കാൻ കാരണം. പക്ഷേ അവർ മനുഷ്യരാശിയുടെ ആരോഗ്യത്തിന് ദോഷകരമായ പ്രത്യാഘാതങ്ങളെക്കുറിച്ച് ചിന്തിക്കുന്നില്ല. ഞാൻ പറയുന്നത്​ ശാസ്​ത്രീയമായി തെറ്റാണെന്ന്​ തെളിയിക്കാൻ നിങ്ങൾക്ക്​ കഴിഞ്ഞി​ല്ലെങ്കിൽ ഒന്ന്​ ഉറപ്പിച്ചോളൂ. നിലവിൽ കോവിഡ്​ വൈറസുകളിൽ മനുഷ്യൻ നടത്തുന്ന ഇടപെടലുകൾ ഒരു രാക്ഷസനെ നമ്മുക്കിടയിൽ വളർത്തുന്നതെന്ന്​ ഉറപ്പായും പറയാൻ കഴിയും'-ഗീർത്​ പറഞ്ഞു.



കോവിഡിനെക്കുറിച്ചുള്ള തന്‍റെ വിശകലനങ്ങൾ ലോകാരോഗ്യ സംഘടന ഉൾപ്പെടെയുള്ള അന്താരാഷ്ട്ര ആരോഗ്യ സംഘടനകൾക്ക് നൽകിയതായും നിലവിൽ നടക്കുന്ന പ്രതിരോധ വാക്​സിൻ വിതരണത്തിന്‍റെ പ്രത്യാഘാതങ്ങളെക്കുറിച്ച് ചർച്ച നടത്തണമെന്ന്​ അവരോട്​ അഭ്യർഥിച്ചതായും ഗീർത്​ പറയുന്നു.

'എനിക്ക് ഇതുവരെ ഒരു മറുപടിയും ലഭിച്ചിട്ടില്ല. ആരോഗ്യ വിദഗ്​ധരും രാഷ്ട്രീയക്കാരും ഇതേപറ്റി മൗനം പാലിക്കുന്നു. എന്‍റെ പഠനങ്ങൾ ശാസ്​ത്രത്തെ​ അടിസ്​ഥാനമാക്കിയുള്ളതാണ്​. നിലവിൽ നമ്മുടെ ലോക നേതാക്കളെ ഉപദേശിക്കുന്ന ശാസ്ത്രജ്ഞരായ വരേണ്യ വർഗം മൗനം പാലിക്കുകയാണ്​. മതിയായ ശാസ്ത്രീയ തെളിവുകൾ ഞാൻ നിരത്തിയിട്ടുണ്ട്. നിർഭാഗ്യവശാൽ അധികാരമുള്ളവർ ഇത് സ്പർശിച്ചിട്ടില്ല. വൈറൽ രോഗപ്രതിരോധ മാർഗങ്ങൾ മനുഷ്യരാശിയുടെ അതിജീവനത്തിനുതന്നെ ഭീഷണിയാണെന്ന കാര്യം ഒരാൾക്ക് ഇനിയും എത്രത്തോളം അവഗണിക്കാനാകും. നമ്മുക്ക്​ ഒരിക്കലും പറയാനാകില്ല നമ്മുക്ക്​ അറിയുമായിരുന്നി​െല്ലന്നും ഞങ്ങൾ മുന്നറിയിപ്പ് നൽകിയിരുന്നില്ലെന്നും' - ഗിർത്​ കത്തിൽ കുറിച്ചു.



'ഏറെ പ്രയാസത്തോടെ എഴുതുന്ന ഈ കത്തിലൂടെ ഞാൻ എന്‍റെ പ്രശസ്തിയും വിശ്വാസ്യതയും എല്ലാം അപകടത്തിലാക്കുകയാണെന്നറിയാം. മനുഷ്യരാശിയുടെ രക്ഷാധികാരികളേ, നിങ്ങളിൽ നിന്ന് ഞാൻ ചിലത്​ പ്രതീക്ഷിക്കുന്നുണ്ട്​. വളരെ അത്യാവശ്യമാണത്​. എല്ലാത്തരത്തിലുമുള്ള ചർച്ചയുടെ വാതിൽ തുറക്കുക' എന്നുപറഞ്ഞാണ്​ ഗിർത്​ കത്ത്​ അവസാനിപ്പിക്കുന്നത്​.

ഗീർതിന്‍റെ വാദങ്ങ​​ളെചൊല്ലി വലിയ സംവാദമാണ്​ യൂറോപ്പിൽ ആരംഭിച്ചത്​. ഗീർതിനെ അനുകൂലിച്ചും എതിർത്തും വാക്​സിൻ രംഗത്തെ പ്രമുഖർ രംഗത്ത്​ എത്തിയിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:WHOvaccine​Covid 19Geert Vanden Bossche
Next Story