യു.എസിൽ പലിശനിരക്ക് ഉയർത്തി; 1994 നു ശേഷമുള്ള വലിയ വർധനവ്

വാഷിങ്ടൺ: യു.എസിൽ ഫെഡറൽ റിസർവ് പലിശനിരക്ക് കുത്തനെ വർധിപ്പിച്ചു. 0.75 ശതമാനമാണ് വർധിപ്പിച്ചത്. മൂന്നു പതിറ്റാണ്ടിനിടെ ഇതാദ്യമായാണ് പലിശനിരക്ക് ഇത്രയേറെ വർധിപ്പിക്കുന്നത്.

പണപ്പെരുപ്പം കുതിച്ചുയരുന്ന സാഹചര്യത്തിലാണ് പലിശനിരക്ക് വർധിപ്പിച്ചത്. 1994 നവംബറിലാണ് ഇതിനുമുമ്പ് പലിശനിരക്ക് ഉയർത്തിയത്. ഈ വർഷാവസാനത്തോടെ പണപ്പെരുപ്പം 5.2 ശതമാനമാവുമെന്നാണ് കണക്കുകൂട്ടുന്നത്. ജി.ഡി.പി വളർച്ച നിരക്കിലും ഗണ്യമായ കുറവാണുള്ളത്. 2022ൽ ജി.ഡി.പി നിരക്ക് 1.7 ശതമാനത്തിലേക്ക് താഴ്ന്നിരുന്നു.