ഇറാൻ എണ്ണ ഇറക്കുമതി: ഇന്ത്യക്കുമേൽ സമ്മർദം മുറുക്കി യു.എസ്​

ന്യൂയോർക്​​: അമേരിക്കയുടെ ഇറാൻ ഉപരോധം നവംബറിൽ കടുപ്പിക്കാനിരിക്കെ, ഇറാനിൽനിന്നുള്ള ഇന്ത്യയുടെ എണ്ണ ഇറക്കുമതി പൂർണമായും തടയാനുള്ള സമ്മർദതന്ത്രങ്ങളുമായി യു.എസ്. പകരം സംവിധാനം ഉപ​യോഗിക്കുന്നതിലൂടെ തങ്ങളുടെ സൗഹൃദരാജ്യമായ ഇന്ത്യയുടെ സാമ്പത്തിക മേഖലയെ അത്​ ബാധിക്കില്ലെന്ന ആശ്വാസവാക്കുകളുമായി യു.എസ്​ പ്രസിഡൻറി​​​െൻറ മുതിർന്ന നയതന്ത്രജ്​ഞർ രംഗത്തെത്തി.

യു.എസ്​ നിർദേശത്തെ തുടർന്ന്​ ഇറാനിൽനിന്നുള്ള എണ്ണ ഇറക്കുമതിയിൽ ഇതിനകം കുറവുവരുത്തിയ ഇന്ത്യയെ നവംബർ നാലിന്​ മുമ്പ്​ പൂർണമായി ഇറക്കുമതി നിർത്തുന്നതിലേക്ക്​ എത്തിക്കുകയാണ്​ ലക്ഷ്യമെന്ന്​ ചൂണ്ടിക്കാണിക്കപ്പെടുന്നു. ​െഎക്യരാഷ്​ട്രസഭ അനുമതിയോടെയേ ഇതുപോലുള്ള ​പ്രശ്​നങ്ങളിൽ അനുകൂല നിലപാട്​ സ്വീകരിക്കൂ എന്നതാണ്​ ഇന്ത്യയുടെ പാരമ്പര്യം. എന്നാൽ, ഇറാനിൽനിന്ന്​ എണ്ണ ഇറക്കുമതി ചെയ്യുന്നവർക്ക്​ തങ്ങളുടെ സാമ്പത്തിക സഹായങ്ങൾ ലഭ്യമാകില്ലെന്ന്​ അമേരിക്ക ​േലാകരാജ്യങ്ങൾക്ക്​ മുന്നറിയിപ്പ്​ നൽകിക്കഴിഞ്ഞു.

എണ്ണ ഇറക്കുമതിക്ക്​ ഇന്ത്യക്ക്​ ബദൽ സൗകര്യമൊരുക്കുമെന്ന്​ ഏഷ്യൻ മേഖലക്കായുള്ള യു.എസ്​ പ്രിൻസിപ്പൽ ​െഡപ്യൂട്ടി അസി. സെക്രട്ടറി അലെയിസ്​ വെൽസ്​ പറഞ്ഞു. ഇറാനും ഇന്ത്യയും അഫ്​ഗാനിസ്താനും ചേർന്നുള്ള ചാബഹാർ തുറമുഖ പദ്ധതിയെക്കുറിച്ച ചോദ്യത്തിന്​ അത്​ അടഞ്ഞ അധ്യായമാണെന്നായിരുന്നു മറുപടി.