ഇറാന്റെ ആണവപദ്ധതിയെ കുറിച്ച് നെതന്യാഹു 30 വർഷമായി നുണ പറയുന്നു; വിമർശനവുമായി ക്യൂബ

തെഹ്റാൻ: ഇറാന്റെ ആണവപദ്ധതിയെ കുറിച്ച് നെതന്യാഹു 30 വർഷമായി നുണ പറയുകയാണെന്ന വിമർശനവുമായി ക്യൂബ. സമാധാനപരമായ ആണവ പദ്ധതിയാണ് ഇറാൻ നടപ്പിലാക്കുന്നതെന്നും ക്യൂബൻ വിദേശകാര്യമന്ത്രി റോഡ്രിഗസ് പറഞ്ഞു. എക്സിലൂടെയായിരുന്നു അദ്ദേഹത്തിന്റെ വിമർശനം.

ഇറാനിൽ യു.എസ് സൈന്യത്തെ ഇട​പ്പെടുത്തുക എന്നതാണ് ഇസ്രായേൽ ലക്ഷ്യം. ഇതിലൂടെ അതിപുരാതനമായ ഇറാൻ സംസ്കാരത്തെ തകർക്കുകയും അവരുടെ ലക്ഷ്യമാണ്. സ്വതന്ത്ര ഫലസ്തീനെ കാലങ്ങളായി പിന്തുണക്കുന്ന രാജ്യമാണ് ഇറാനെന്നും അദ്ദേഹം പറഞ്ഞു.

പ്രകോപനമില്ലാതെയാണ് ഇറാനുമായുള്ള യുദ്ധം ഇസ്രായേൽ തുടങ്ങുന്നത്. ആണവപദ്ധതി തകർക്കാൻ എന്ന പേരിൽ ഇസ്രായൽ നടത്തിയ ആക്രമണങ്ങളിൽ ഇതുവരെ 900 സാധാരണക്കാരാണ് കൊല്ലപ്പെട്ടതെന്നും ക്യൂബൻ വിദേശകാര്യമന്ത്രി പറഞ്ഞു.

ആ​ണ​വ നി​ർ​വ്യാ​പ​ന ക​രാ​ർ പാ​ലി​ച്ച് സ​മാ​ധാ​ന​പ​ര​മാ​യ ആ​വ​ശ്യ​ങ്ങ​ൾ​ക്ക് ന​ട​ത്തു​ന്ന ആ​ണ​വ സ​മ്പു​ഷ്ടീ​ക​ര​ണം ഒ​രി​ക്ക​ലും അ​വ​സാ​നി​പ്പി​ക്കി​ല്ലെ​ന്ന് യു.​എ​ന്നി​ലെ ഇ​റാ​ൻ അം​ബാ​സ​ഡ​ർ ആ​മി​ർ സ​ഈ​ദ് ഇ​റാ​വാ​നി. ‘‘സ​മ്പു​ഷ്ടീ​ക​ര​ണം ഞ​ങ്ങ​ളു​ടെ അ​വ​കാ​ശ​മാ​ണ്.

ഒ​ഴി​ച്ചു​കൂ​ടാ​നാ​വാ​ത്ത അ​വ​കാ​ശം. അ​ത് ന​ട​പ്പാ​ക്ക​ണ​മെ​ന്നാ​ണ് ഞ​ങ്ങ​ളു​ടെ തീ​രു​മാ​നം’’- അ​ദ്ദേ​ഹം പ​റ​ഞ്ഞു. ച​ർ​ച്ച​ക​ൾ​ക്ക് ഇ​റാ​ൻ ത​യാ​റാ​ണ്. പ​ക്ഷേ, ആ​ക്ര​മ​ണ​ത്തി​ന്റെ പ​ശ്ചാ​ത്ത​ല​ത്തി​ൽ പു​തി​യ സം​ഭാ​ഷ​ണ​ത്തി​ന്റെ സ​മ​യ​മ​ല്ല. നി​ല​വി​ൽ അ​ങ്ങ​നെ​യൊ​രു ഒ​ത്തു​തീ​ർ​പ്പി​ന് ആ​വ​ശ്യ​വു​മു​യ​ർ​ന്നി​ട്ടി​ല്ല. അ​ന്താ​രാ​ഷ്ട്ര ആ​ണ​വോ​ർ​ജ സ​മി​തി ഡ​യ​റ​ക്ട​ർ ജ​ന​റ​ൽ റാ​ഫേ​ൽ ഗ്രോ​സി​ക്കോ പ​രി​ശോ​ധ​ക സം​ഘ​ത്തി​നോ ഇ​റാ​ൻ സ​ർ​ക്കാ​റി​ന്റെ ഭാ​ഗ​ത്തു​നി​ന്ന് സു​ര​ക്ഷാ ഭീ​ഷ​ണി​ക​ളു​ണ്ടാ​യി​ട്ടി​ല്ല.

പ​രി​ശോ​ധ​ക സം​ഘം നി​ല​വി​ൽ ഇ​റാ​നി​ലു​ണ്ടെ​ങ്കി​ലും അ​വ​ർ​ക്ക് രാ​ജ്യ​ത്തെ ആ​ണ​വ നി​ല​യ​ങ്ങ​ളി​ൽ പ്ര​വേ​ശ​ന​മി​ല്ലെ​ന്നും അ​ദ്ദേ​ഹം പ​റ​ഞ്ഞു. ഏ​ജ​ൻ​സി​യു​മാ​യി സ​ഹ​ക​ര​ണം നി​ല​വി​ൽ ഇ​റാ​ൻ നി​ർ​ത്തി​വെ​ച്ചി​ട്ടു​ണ്ട്.