ചൈന സൈനികാഭ്യാസം അവസാനിപ്പിക്കണ​മെന്ന് അമേരിക്കയും ജപ്പാനും ആസ്​ട്രേലിയയും

വാ​ഷി​ങ്ട​ൺ: താ​യ്‍വാ​ൻ ക​ട​ലി​ടു​ക്കി​ൽ ചൈ​ന ന​ട​ത്തു​ന്ന സൈ​നി​കാ​ഭ്യാ​സം ഉ​ട​ൻ അ​വ​സാ​നി​പ്പി​ക്ക​ണ​മെ​ന്ന് ചൈ​ന​യോ​ട് ആ​വ​ശ്യ​പ്പെ​ട്ട് യു.​എ​സും ആ​സ്ട്രേ​ലി​യ​യും ജ​പ്പാ​നും. മേ​ഖ​ല​യി​ൽ സ​മാ​ധാ​ന​വും സ്ഥി​ര​ത​യും ഉ​റ​പ്പാ​ക്കാ​ൻ പ്ര​തി​ജ്ഞാ​ബ​ദ്ധ​മാ​ണെ​ന്നും സം​യു​ക്ത​പ്ര​സ്താ​വ​ന​യി​ൽ മൂ​ന്ന് രാ​ജ്യ​ങ്ങ​ളും അ​റി​യി​ച്ചു.

യു.​എ​സ് ജ​ന​പ്ര​തി​നി​ധി​സ​ഭ സ്പീ​ക്ക​ർ നാ​ൻ​സി പെ​ലോ​സി​യു​ടെ താ​യ്‍വാ​ൻ സ​ന്ദ​ർ​ശ​ന​ത്തി​ന് ശേ​ഷം മേ​ഖ​ല​യി​ൽ ചൈ​ന വ​ൻ തോ​തി​ൽ സൈ​നി​ക​വി​ന്യാ​സം ന​ട​ത്തു​ന്ന പ​ശ്ചാ​ത്ത​ല​ത്തി​ലാ​ണ് ഇ​ന്ത്യ​യൊ​ഴി​കെ ക്വാ​ഡ് രാ​ജ്യ​ങ്ങ​ൾ പ്ര​സ്താ​വ​ന​യു​മാ​യി രം​ഗ​ത്തെ​ത്തി​യ​ത്. യു.​എ​സ് സ്റ്റേ​റ്റ് സെ​ക്ര​ട്ട​റി ​ആ​ന്റ​ണി ബ്ലി​ങ്ക​ൻ, ആ​സ്ട്രേ​ലി​യ​ൻ വി​ദേ​ശ​കാ​ര്യ​മ​ന്ത്രി പെ​ന്നി വോ​ങ്, ജാ​പ്പ​നീ​സ് വി​ദേ​ശ​കാ​ര്യ​മ​ന്ത്രി ഹ​യാ​ഷി യോ​ഷി​മാ​സ എ​ന്നി​വ​ർ ചേ​ർ​ന്നാ​ണ് സം​യു​ക്ത ​പ്ര​സ്താ​വ​ന പു​റ​ത്തി​റ​ക്കി​യ​ത്.

കം​ബോ​ഡി​യ​ൻ ത​ല​സ്ഥാ​നം നോം ​പെ​ന്നി​ൽ ന​ട​ന്ന 55-ാമ​ത് ആ​സി​യാ​ൻ വി​ദേ​ശ​കാ​ര്യ​മ​ന്ത്രി​മാ​രു​ടെ യോ​ഗ​ത്തി​ന് ശേ​ഷം മൂ​ന്ന് രാ​ജ്യ​ങ്ങ​ളു​ടെ​യും പ്ര​തി​നി​ധി​ക​ൾ കൂ​ടി​ക്കാ​ഴ്ച ന​ട​ത്തി​യി​രു​ന്നു. താ​യ്‍വാ​ൻ വി​ഷ​യ​ത്തി​ൽ ന​ട​ത്തു​ന്ന സൈ​നി​കാ​ഭ്യാ​സ​മ​ട​ക്കം അ​ന്താ​രാ​ഷ്ട്ര സ​മാ​ധാ​ന​ത്തെ​യും സ്ഥി​ര​ത​യെ​യും ബാ​ധി​ക്കു​ന്ന പ്ര​വൃ​ത്തി​ക​ൾ ചൈ​ന​യു​ടെ ഭാ​ഗ​ത്ത് നി​ന്നു​ണ്ടാ​കു​ന്ന​തി​ൽ മൂ​ന്ന് രാ​ജ്യ​ങ്ങ​ളും ആ​ശ​ങ്ക പ്ര​ക​ടി​പ്പി​ച്ചു. ചൈ​ന വി​ക്ഷേ​പി​ച്ച മി​സൈ​ലു​ക​ളി​ൽ അ​ഞ്ചെ​ണ്ണം ജ​പ്പാ​ന്റെ സാ​മ്പ​ത്തി​ക മേ​ഖ​ല​യി​ൽ പ​തി​ച്ച​താ​യും രാ​ജ്യ​ങ്ങ​ൾ ആ​രോ​പി​ച്ചു.

താ​യ്‍വാ​നി​ൽ ന​ട​ക്കു​ന്ന കാ​ര്യ​ങ്ങ​ൾ മേ​ഖ​ല​യെ​യാ​​​കെ ബാ​ധി​ക്കു​മെ​ന്ന് യു.​എ​സ് സ്റ്റേ​റ്റ് സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ പ​റ​ഞ്ഞു. ദ​ക്ഷി​ണ ചൈ​ന​ക്ക​ട​ൽ പോ​ലെ ത​ന്നെ ഏ​റെ പ്രാ​ധാ​ന്യ​മു​ള്ള ജ​ല​പാ​ത​യാ​യ​തി​നാ​ൽ താ​യ്‍വാ​ൻ ക​ട​ലി​ടു​ക്കി​ലെ നി​ല​വി​ലെ സാ​ഹ​ച​ര്യം ലോ​ക​ത്തെ മു​ഴു​വ​നാ​യി ബാ​ധി​ക്കാ​ൻ ഇ​ട​യു​ണ്ടെ​ന്നും അ​ദ്ദേ​ഹം ആ​ശ​ങ്ക പ്ര​ക​ടി​പ്പി​ച്ചു. അ​തേ സ​മ​യം ഏ​ക ചൈ​ന ന​യ​ത്തി​ലും താ​യ്‍വാ​ൻ വി​ഷ​യ​ത്തി​ൽ മു​മ്പ് സ്വീ​ക​രി​ച്ച നി​ല​പാ​ടു​ക​ളി​ലും മാ​റ്റ​മി​ല്ലെ​ന്നും യു.​എ​സും ആ​സ്ട്രേ​ലി​യ​യും ജ​പ്പാ​നും വ്യ​ക്ത​മാ​ക്കി.

തായ്‍വാനിൽ നാലാം ദിനവും സൈനികാഭ്യാസം തുടർന്ന് ചൈന

ബെ​യ്ജി​ങ്: യു.​എ​സ് ജ​ന​പ്ര​തി​നി​ധി സ​ഭ സ്പീ​ക്ക​ർ നാ​ൻ​സി പെ​ലോ​സി​യു​ടെ സ​ന്ദ​ർ​ശ​ന​ത്തി​ന് മ​റു​പ​ടി​യാ​യി താ​യ്‍വാ​ന് സ​മീ​പം ചൈ​ന ന​ട​ത്തു​ന്ന ​സൈ​നി​കാ​ഭ്യാ​സം നാ​ലാം ദി​ന​വും തു​ട​ർ​ന്നു. ഭൂ​പ്ര​ത​ല​ത്തി​ലൂ​ടെ​യും വാ​യു​വി​ലൂ​ടെ​യു​മു​ള്ള ദീ​ർ​ഘ​ദൂ​ര പ്ര​ഹ​ര​ശേ​ഷി​യു​ടെ പ​രീ​ക്ഷ​ണ​മാ​ണ് ഞാ​യ​റാ​ഴ്ച ന​ട​​ന്ന​തെ​ന്ന് പീ​പ്ൾ​സ് ലി​ബ​റേ​ഷ​ൻ ആ​ർ​മി അ​റി​യി​ച്ചു. എ​ന്നാ​ൽ സൈ​നി​കാ​ഭ്യാ​സം തു​ട​രു​മോ​യെ​ന്ന് ചൈ​ന വ്യ​ക്ത​മാ​ക്കി​യി​ട്ടി​ല്ല. ഇ​രു​രാ​ജ്യ​ങ്ങ​ളെ​യും വേ​ർ​തി​രി​ക്കു​ന്ന താ​യ്‍വാ​ൻ ക​ട​ലി​ടു​ക്കി​ൽ ചൈ​നീ​സ് വി​മാ​ന​ങ്ങ​ളു​ടെ​യും ക​പ്പ​ലു​ക​ളു​ടെ​യും ഡ്രോ​ണു​ക​ളു​ടെ​യും സാ​ന്നി​ധ്യം വീ​ണ്ടും ശ്ര​ദ്ധ​യി​ൽ​പെ​ട്ട​താ​യി താ​യ്‍വാ​ൻ അ​റി​യി​ച്ചു. ചൈ​നീ​സ് സൈ​നി​കാ​ഭ്യാ​സ​ത്തി​ന് മ​റു​പ​ടി​യാ​യി താ​യ്‍വാ​ൻ സൈ​ന്യം ദ​ക്ഷി​ണ പി​ങ്ട​ങ് കൗ​ണ്ടി​യി​ൽ ആ​യു​ധാ​ഭ്യാ​സം ന​ട​ത്തു​മെ​ന്ന് താ​യ്‍വാ​ൻ ഔ​ദ്യോ​ഗി​ക വാ​ർ​ത്ത​ഏ​ജ​ൻ​സി റി​പ്പോ​ർ​ട്ട് ചെ​യ്തു.

നാ​ൻ​സി പെ​ലോ​സി​യു​ടെ സ​ന്ദ​ർ​ശ​ന​ത്തി​ൽ ​പ്ര​കോ​പി​ത​രാ​യ ചൈ​ന വ്യാ​ഴാ​ഴ്ച മു​ത​ലാ​ണ് താ​യ്‍വാ​ൻ ക​ട​ലി​ടു​ക്കി​ലും താ​യ്‍വാ​നോ​ട് ചേ​ർ​ന്ന വ്യോ​മ​പ​രി​ധി​യി​ലും സൈ​നി​കാ​ഭ്യാ​സം ആ​രം​ഭി​ച്ച​ത്. പു​തി​യ സം​ഭ​വ​വി​കാ​സ​ങ്ങ​ളി​ൽ ജ​നാ​ധി​പ​ത്യ താ​യ്‍വാ​ന് പി​ന്തു​ണ ന​ൽ​ക​ണ​മെ​ന്ന് പ്ര​സി​ഡ​ന്റ് സാ​യ് ഇ​ങ് വെ​ൻ അ​ന്താ​രാ​ഷ്ട്ര സ​മൂ​ഹ​ത്തോ​ട് അ​ഭ്യ​ർ​ഥി​ച്ചു.