ഇന്ത്യയിലെ സ്​ഥാനപതിയെ പാകിസ്​താൻ തിരികെ വിളിച്ചേക്കും

ഇസ്​ലാമാബാദ്​: ജമ്മു-കശ്മീരിന് പ്രത്യേക സ്വയംഭരണ പദവി നല്‍കുന്ന ഭരണഘടനയുടെ 370ാം വകുപ്പ്​ റദ്ദാക്കാന്‍ തീരുമാ നിച്ചതിനു പിന്നാലെ ഇന്ത്യയിലെ സ്ഥാനപതിയെ പാകിസ്താന്‍ തിരികെ വിളിച്ചേക്കുമെന്ന് റിപ്പോര്‍ട്ട്. പാകിസ്താന്‍ മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്.

പാക് സ്ഥാനപതിയുടെ അഭാവത്തില്‍ ആക്ടിങ് ഹൈകമീഷണറെയാണ് തിരികെ വിളിക്കുകയെന്നാണ് റിപ്പോര്‍ട്ട്. ഇന്ത്യയിലെ നിയുക്ത പാക് സ്ഥാനപതി ഇപ്പോള്‍ പാകിസ്താനിലാണുള്ളത്. ആഗസ്​റ്റ്​ 16ന് ആണ് ചുമതലയേല്‍ക്കുക.