ഇന്ത്യ അതിഥി: ഒ.ഐ.​സി സ​മ്മേ​ള​ന​ത്തി​ൽ പാക് വിദേശകാര്യ മന്ത്രി പങ്കെടുക്കില്ല

ഇസ് ലാമാബാദ്: 46ാമ​ത്​ ഇ​സ്​​ലാ​മി​ക്​ കോ​ഒാ​പ​റേ​ഷ​ൻ ഒാ​ർ​ഗ​നൈ​സേ​ഷ​ൻ (ഒ.​ഐ.​സി) വി​ദേ​ശ​കാ​ര്യ മ​ന്ത്രി​മാ​രു​ടെ സ​മ്മേ​ള​ന​ത്തി​ൽ പാകിസ്താൻ വിദേശകാര്യ മന്ത്രി പങ്കെടുക്കില്ല. ഇ​ന്ത്യയെ അ​തി​ഥി രാ​ഷ്​​ട്രമായി സ​മ്മേ​ള​ന​ത്തി​ൽ പങ്കെടുക്കുന്നതിൽ പ്രതിഷേധിച്ചാണ് പാക് നടപടി. പാക് വിദേശകാര്യ മന്ത്രി ഷാ മെഹ്മൂദ് ഖുറേഷിയാണ് ഇക്കാര്യം അറിയിച്ചത്.

അതേസമയം, പാക് പ്രതിനിധി സമ്മേളനത്തിൽ പങ്കെടുത്ത് നിലപാട് വിശദീകരിക്കുന്ന പ്രമേയം അവതരിപ്പിക്കുമെന്ന് മെഹ്മൂദ് ഖുറേഷി വ്യക്തമാക്കി. എന്നാൽ, ഇന്ത്യക്ക് അനുകൂലമായി അവതരിപ്പിക്കുന്ന എല്ലാ പ്രമേയങ്ങളെയും എതിർക്കാൻ പ്രതിനിധിക്ക് നിർദേശം നൽകിയിട്ടുണ്ടെന്നും അദ്ദേഹം പറഞ്ഞു.

ഇന്ത്യയെ ക്ഷണിച്ചതിനെതിരെ യു.​എ.​ഇ വി​ദേ​ശ​കാ​ര്യ മന്ത്രിയുമായി നടത്തിയ ടെലിഫോൺ സംഭാഷണത്തിൽ പാക് വിദേശകാര്യ മന്ത്രി ഷാ മഹ്മൂദ് ഖുറേശി കഴിഞ്ഞ ദിവസം പ്രതിഷേധം അറിയിച്ചിരുന്നു. ഇന്ത്യയെ ഒഴിവാക്കണമെന്ന പാകിസ്താന്‍റെ ആവശ്യം യു.എ.ഇ അംഗീകരിച്ചിരുന്നില്ല.

മാ​ർ​ച്ച്​ ഒ​ന്ന്, ര​ണ്ട്​ തീ​യ​തി​ക​ളി​ൽ അ​ബൂ​ദ​ബി​യി​ൽ ന​ട​ക്കു​ന്ന സമ്മേളനത്തിൽ ഇന്ത്യ അതിഥി രാഷ്ട്രമാണ്. രാജ്യത്തെ പ്രതിനിധീകരിച്ച് കേന്ദ്ര വിദേശകാര്യ മന്ത്രി സുഷമ സ്വരാജ് ആണ് പങ്കെടുക്കുക. യു.​എ.​ഇ വി​ദേ​ശ​കാ​ര്യ–​അ​ന്താ​രാ​ഷ്​​ട്ര സ​ഹ​ക​ര​ണ മ​ന്ത്രി ശൈ​ഖ് അ​ബ്​​ദു​ല്ല ബി​ൻ സാ​യി​ദ് ആ​ൽ ന​ഹ്​​യാ​നാ​ണ്​ സു​ഷ​മയെ ക്ഷ​ണി​ച്ച​ത്.

'ഇ​സ്​​ലാ​മി​ക രാ​ജ്യ​ങ്ങ​ളു​ടെ 50 വ​ർ​ഷ​ത്തെ സ​ഹ​ക​ര​ണം: സ​മൃ​ദ്ധി​യി​ലേ​ക്കും വി​ക​സ​ന​ത്തി​ലേ​ക്കു​മു​ള്ള മാ​ർ​ഗ​രേ​ഖ’ എ​ന്ന പ്ര​മേ​യ​ത്തി​ലാ​ണ്​ സ​മ്മേ​ള​നം ന​ട​ക്കു​ന്ന​ത്. മു​സ്​​ലിം ലോ​കം നേ​രി​ടു​ന്ന വെ​ല്ലു​വി​ളി​ക​ൾ, രാ​ഷ്​​ട്രീ​യ-​സാ​മൂ​ഹി​ക-സാ​മ്പ​ത്തി​ക വി​ഷ​യ​ങ്ങ​ൾ എ​ന്നി​വ സ​മ്മേ​ള​നം ച​ർ​ച്ച ചെ​യ്യും.

മാ​ർ​ച്ച്​ ഒ​ന്നി​ന്​ ശൈ​ഖ് അ​ബ്​​ദു​ല്ല ബി​ൻ സാ​യി​ദ് ആ​ൽ ന​ഹ്​​യാ​ൻ സ​മ്മേ​ള​നം ഉ​ദ്​​ഘാ​ട​നം ചെ​യ്യും. ഒ.​െ​എ.​സി സെ​ക്ര​ട്ട​റി ജ​ന​റ​ൽ ഡോ. ​യൂ​സു​ഫ്​ അ​ൽ ഉ​തൈ​മീ​ൻ, അ​ഞ്ച്​ നി​രീ​ക്ഷ​ക രാ​ഷ്​​ട്ര​ങ്ങ​ളി​ലെ 56 അം​ഗ​ങ്ങ​ൾ, ഇ​ന്ത്യ​ൻ പ്ര​തി​നി​ധി​ക​ൾ തു​ട​ങ്ങി​യ​വ​ർ സ​ന്നി​ഹി​ത​രാ​യി​രി​ക്കും.