ഇറാൻ പാർലമെന്‍റ് സ്പീക്കർ അലി ലാരിജാനിക്ക് കോവിഡ്

തെഹ്റാൻ: ഇറാൻ ജനപ്രതിനിധി സഭയായ ഇസ് ലാമിക് കൺസൽറ്റേറ്റീവ് അസംബ്ലിയുടെ സ്പീക്കർ അലി ലാരിജാനിക്ക് കോവിഡ് വൈറസ് ബാധ. ഇറാൻ പാർലമെന്‍റ് വെബ് സൈറ്റിലൂടെയാണ് ഈ വാർത്ത പുറത്തുവിട്ടത്.

ലാരിജാനിക്ക് അസുഖമാണെന്നും ക്വാറന്‍റൈനിൽ കഴിയുകയാണെന്നും വാർത്താ കുറിപ്പിൽ പറയുന്നു.

ഇറാൻ ആരോഗ്യ വകുപ്പ് പുറത്തുവിട്ട റിപ്പോർട്ട് പ്രകാരം രാജ്യത്ത് 50,468 പേർക്ക് വൈറസ് ബാധ സ്ഥിരീകരിച്ചിട്ടുണ്ട്. ചികിത്സയിലായിരുന്ന 3,160 പേർ മരിച്ചു. 16,711 പേർ സുഖം പ്രാപിച്ചു.