Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightഅമേരിക്കയെ...

അമേരിക്കയെ വിശ്വസിക്കാൻ കൊള്ളില്ലെന്ന് ഹസൻ റൂഹാനി

text_fields
bookmark_border
അമേരിക്കയെ വിശ്വസിക്കാൻ കൊള്ളില്ലെന്ന് ഹസൻ റൂഹാനി
cancel

അങ്കാറ: ആണവ നിരായുധീകരണ വിഷയത്തിൽ ഉപരോധം നടപ്പാക്കാനിരിക്കെ അമേരിക്കക്കെതിരെ ആഞ്ഞടിച്ച് ഇറാൻ. പുതിയ ചർച്ച നടത്താമെന്ന യു.എസിന്‍റെ ആവശ്യം തള്ളി‍യ ഇറാൻ പ്രസിഡന്‍റ് ഹസൻ റൂഹാനി വിശ്വസിക്കാൻ കൊള്ളാത്ത ഒരു ഭരണകൂടവുമായി ചർച്ചക്ക് തയാറല്ലെന്ന് വ്യക്തമാക്കി. കഠാര ചൂണ്ടി കൊണ്ട് ചർച്ച നടത്താമെന്നാണ് നിങ്ങൾ പറയുന്നത്. ആദ്യം നിങ്ങൾ കഠാര മാറ്റൂവെന്നും റൂഹാനി യു.എസിനോട് ആവശ്യപ്പെട്ടു. 

നയതന്ത്ര നീക്കത്തിനും ചർച്ചക്കും ഇറാൻ തയാറാണ്. എന്നാൽ, ചർച്ചക്ക് ആത്മാർഥത ഉണ്ടായിരിക്കണം. തെരഞ്ഞെടുപ്പ് മുന്നിൽ കണ്ട് നേരിട്ടുള്ള ചർച്ചക്കാണ് യു.​എ​സ്​ പ്ര​സി​ഡ​ൻ​റ്​ ഡോണാൾഡ് ട്രംപ് ശ്രമിക്കുന്നത്. ഇത് ഇറാനിൽ പ്രശ്നങ്ങൾ ഉണ്ടാക്കാനാണെന്നും റൂഹാനി ചൂണ്ടിക്കാട്ടി. 

അതേസമയം, ഇ​റാ​നെ​തി​രാ​യ അമേരിക്കൻ​ ഉ​പ​രോ​ധം ഇന്ന് മു​ത​ൽ പ്രാ​ബ​ല്യ​ത്തി​ൽ ​വ​രു​മെ​ന്ന്​ യു.​എ​സ്​ സ്​​റ്റേ​റ്റ്​ സെ​ക്ര​ട്ട​റി മൈ​ക്ക്​ പോം​പി​യോ വ്യക്തമാക്കി. ഇ​തോ​ടെ, യു.​എ​സ്​ ഡോളറും സ്വർണവും ലോഹവും ഇടപാട് നടത്താൻ ഇ​റാ​ൻ സ​ർ​ക്കാ​റി​ന്​ വി​ല​ക്കു​വ​രും. 

ക​ഴി​ഞ്ഞ മേ​യി​ലാ​ണ്​ ഇ​റാ​നു​മാ​യി 2015ൽ ​ഒ​പ്പു​വെ​ച്ച ആ​ണ​വ ക​രാ​റി​ൽ​ നി​ന്നും പി​ൻ​വാ​ങ്ങു​ന്ന​താ​യി ഡോ​ണ​ൾ​ഡ് ട്രം​പ്​​ പ്ര​ഖ്യാ​പി​ച്ച​ത്. ഉൗ​ർ​​ജേ​ത​ര ഇ​ട​പാ​ടു​ക​ളു​ടെ മേ​ലു​ള്ള ഉ​പ​രോ​ധ​മാ​ണ്​ ഇന്ന് ആ​രം​ഭി​ക്കു​ന്ന​ത്. ഉൗ​ർ​ജ രം​ഗ​ത്തെ ഉ​പ​രോ​ധം ന​വം​ബ​ർ നാ​ലി​ന്​ ആ​രം​ഭി​ക്കും.

ഇ​റാ​നി​ൽ ​നി​ന്ന്​ എ​ണ്ണ ഇ​റ​ക്കു​മ​തി കു​റ​ക്ക​ണ​മെ​ന്ന യു.​എ​സി​​​ന്‍റെ ആ​വ​ശ്യം ചൈ​ന നേരത്തെ ത​ള്ളിയിരുന്നു. എ​ന്നാ​ൽ, ഇ​റാ​നി​ൽ ​നി​ന്ന്​ ഇ​റ​ക്കു​മ​തി ചെ​യ്യു​ന്ന എ​ണ്ണ​യു​ടെ അ​ള​വ്​ വ​ർ​ധി​പ്പി​ക്കി​ല്ലെ​ന്ന്​ ചൈ​ന ഉ​റ​പ്പു ​ന​ൽ​കി​യി​ട്ടു​ണ്ട്. 

Show Full Article
TAGS:hassan rouhani Iranian President U.S ban asia pasafic world news malayalam news 
News Summary - Iranian President Hassan Rouhani dismissed a U.S. call for talks -World News
Next Story