ക​ശ്​​മീ​ർ പ്ര​ശ്​​ന​ത്തി​ൽ മാ​ധ്യ​സ്​​ഥ്യ​ത്തി​ന്​ ത​യാ​റെ​ന്ന്​ ഇ​റാ​ൻ

ഇസ്ലാമാബാദ്: ആവശ്യപ്പെട്ടാൽ കശ്മീർ പ്രശ്നത്തിൽ ഇന്ത്യക്കും പാകിസ്താനുമിടയിൽ മാധ്യസ്ഥ്യത്തിന് തയാറാണെന്ന് ഇറാൻ അംബാസഡർ. ഇരു രാജ്യങ്ങളും തമ്മിലുള്ള പ്രശ്നങ്ങൾ മേഖലയിലെ എല്ലാ രാജ്യങ്ങളുടെയും വികസനത്തെയും വളർച്ചയെയും ബാധിക്കും. 

അതിനാൽ മാധ്യസ്ഥ്യത്തിന് ഇറാൻ എപ്പോഴും തയാറാണ് -പാകിസ്താനിലെ ഇറാൻ അംബാസഡർ മെഹ്ദി ഹൊനാർദൂസ്ത് എക്സ്പ്രസ് ൈട്രബ്യൂണിന് നൽകിയ അഭിമുഖത്തിൽ പറഞ്ഞു. മേഖലയിൽ സമാധാനവും സ്ഥിരതയും ഉറപ്പുവരുത്തുന്നതിന് ഇറാൻ എല്ലാ സഹായവും നൽകുമെന്നും അദ്ദേഹം കൂട്ടിച്ചേർത്തു. ചൈന-പാകിസ്താൻ സാമ്പത്തിക ഇടനാഴി സംബന്ധിച്ച ചോദ്യത്തിന് പദ്ധതി, രാജ്യങ്ങളെ ഒന്നിപ്പിക്കുന്ന ഘടകമായിത്തീരുമെന്നും പ്രതികരിച്ചു.