ഇറാനിൽ ചരക്ക്​ വിമാനം കെട്ടിടത്തിലിടിച്ച്​ തകർന്ന്​ 15 മരണം

ടെഹ്​റാൻ: ഇറാൻ തലസ്​ഥാനമായ ടെഹ്​റാനിൽ ചരക്ക്​ വിമാനം നിലത്തിറക്കുന്നതിനിടെ കെട്ടിടത്തിലിടിച്ച്​ തകർന്ന്​ 1 5 പേർ മരിച്ചു. ഫ്ലൈറ്റ്​ എഞ്ചിനീയർ പരിക്കുകളോടെ രക്ഷപ്പെട്ടു. ബോയിങ്​ 707 എന്ന വിമാനമാണ്​ തകർന്നത്​. കിർഗിസ്​ഥ ാൻ തലസ്​ഥാനമായ ബിഷ്​കെക്കിൽ നിന്ന്​ ഇറച്ചിയുമായി വന്ന വിമാനമാണ്​ അപകടത്തിൽപെട്ടതെന്ന്​ പ്രാദേശിക മാധ്യമങ്ങൾ റിപ്പോർട്ട്​ ചെയ്യുന്നു. വിമാനം നിർത്തുന്നതിനിടെ ​റൺവേയിൽ നിന്ന്​ തെന്നിമാറി സമീപത്തുള്ള കെട്ടിടത്തിൽ ഇടിക്കുകയായിരുന്നു.

ടെഹ്​റാനിൽ നിന്ന്​ 40 കിലോമീറ്റർ അകലെ കരാജി​െല ഫാത്ത്​ വിമാനത്താവളത്തിൽ ടെഹ്​റാൻ പ്രാദേശിക സമയം രാവിലെ 8.30നാണ്​​ ദുരന്തമുണ്ടായത്​. പയാം അന്താരാഷ്​ട്ര വിമാനത്താവളത്തിൽ ഇറങ്ങേണ്ട വിമാനം മോശം കാലാവസ്​ഥയെ തുടർന്ന്​​ ഫാത്തിൽ ഇറങ്ങിയതെന്നാണ്​ സൂചന​.

വിമാനം ആരുടെ ഉടമസ്​ഥതയിലാണെന്ന കാര്യത്തിൽ വ്യക്തതയായിട്ടില്ല. വിമാനം കിർഗിസ്​ഥാ​​​​​െൻറതാണെന്നാണ്​ ഇറാൻ സിവിൽ ഏവിയേഷൻ വിഭാഗം വക്താവ്​ നൽകുന്ന വിവരം. വിമാനം പ്രവർത്തിപ്പിക്കുന്നത്​ ഇറാ​​​​​െൻറ പയാം എയർ ആണെന്ന്​ ഇറാൻ മാനസ്​ വിമാനത്താവള അധികൃതർ പ്രതികരിച്ചു.