Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഅമേരിക്കൻ - ഇറാനിയൻ...

അമേരിക്കൻ - ഇറാനിയൻ ഒാർക്കസ്​ട്രകൾ ഒത്തുചേർന്നു; മനോഹര സംഗീതവുമായി

text_fields
bookmark_border
iran - usa music
cancel
camera_alt

അമേരിക്കൻ- ഇറാനിയൻ ഒാർക്കസ്​ട്രകൾ ചേർന്ന്​ അവതരിപ്പിച്ച സംഗീത പരിപാടിയിൽ നിന്ന്​

തെഹ്​റാൻ/ വാഷിങ്​ടൺ: കോവിഡ്​ മഹാമാരിയുടെ കാലത്ത്​ അവർ ഒത്തുചേർന്നു. ഒരുമയുടെ സംഗീതം പൊഴിച്ചു. രാഷ്​ട്രീയമായി ഇറാനും അമേരിക്കയും അകലം പാലിക്കു​േമ്പാഴും ഇരുരാജ്യങ്ങളിലെയും സംഗീതജ്​ഞർ ഡിജിറ്റൽ ലോകത്തിലൂടെ ഒന്നിക്കുകയായിരുന്നു.

വാഷിങ്​ടൺ കേന്ദ്രമായുള്ള ഒാപറ കമ്പനിയായ ഇൻ സീരീസ​ി​െൻറയും തെഹ്​റാൻ സിംഫണി ഒാർക്കസ്​ട്രയുടെയും അംഗങ്ങൾ വിഡിയോയിലൂടെയും മറ്റ്​ ഡിജിറ്റൽ മാധ്യമങ്ങളിലൂടെയും ഒത്തുചേർന്നാണ്​ സംഗീത പരിപാടി നടത്തിയത്​. ജർമൻ- ബ്രിട്ടീഷ്​ കംപോസറായ ജോർജ്​ ഫ്രെഡറിക്​ ഹാൻഡെലി​െൻറ 'സെർസ്​' കേന്ദ്രമായുള്ള ഒാപറാറ്റിക്​ സീരീസ്​ ആണ്​ അവതരിപ്പിച്ചത്​.

നോർത്ത്​ അമേരിക്കൻ ഫ്രണ്ട്​ഷിപ്പ്​ അസോസിയേഷ​െൻറ സഹായത്തോടെ നിർമിച്ച വിഡിയോ പുറത്തിറക്കുകയും ചെയ്​തു. തെഹ്​റാനിലെ പ്രശസ്​തമായ റൗദക്കി ഹാളിൽ സാമൂഹിക അകലം പാലിച്ച്​ 19 സംഗീതജ്​ഞരും വാഷിങ്​ടണിൽ ഏഴ്​ പേരും ഒത്തുചേർന്നാണ്​ സംഗീത പരിപാടി നടത്തിയത്​. റൂമിയുടെ കവിതകൾ കൂടി ഉൾപ്പെടുത്തിയായിരുന്നു പരിപാടി.

മേരിലാൻഡ്​​ സർവകലാശാലയിലെ റോഷൻ ഇൻസ്​റ്റിറ്റ്യൂട്ട്​ ഒാഫ്​ പേർഷ്യൻ ഇൻസ്​റ്റിറ്റ്യൂട്ട്​ ഡയറക്​ടർ ഫതേമെഹ്​ കേസവർസും നോർത്ത്​ അമേരിക്കൻ ഫ്രണ്ട്​ഷിപ്​​ അസോസിയേഷ​െൻറ സ്ഥാപകൻ വാഹിദ്​ അബിദെഹും ചേർന്ന്​ ഏപ്രിലിൽ ആസൂത്രണം ചെയ്​തതാണ്​ പരിപാടി. പേർഷ്യൻ കവിതയും വെസ്​റ്റേൺ സംഗീതവും ഒത്തുചേരുന്നതിലൂടെ അമേരിക്കയി​െലയും ഇറാനിലെയും സംസ്​കാരങ്ങൾക്കിടയിലെ അകലം കുറക്കുകയാണ്​ ലക്ഷ്യമെന്ന്​ അബിദെഹ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:usairanmusic
News Summary - iran - usa music composing
Next Story