റഷ്യന്‍ യുദ്ധവിമാനങ്ങള്‍ ഇറാന് വില്‍ക്കുന്നത് യു.എന്‍ പ്രമേയ ലംഘനം

വാഷിങ്ടണ്‍: രക്ഷാസമിതിയുടെ അനുമതിയില്ലാതെ റഷ്യന്‍ യുദ്ധവിമാനങ്ങള്‍ ഇറാന് വില്‍ക്കുന്നത് ആയുധവ്യാപാരത്തിനുമേല്‍ യു.എന്‍ ഏര്‍പ്പെടുത്തിയ പ്രമേയത്തിന്‍െറ ലംഘനമായിരിക്കുമെന്ന് അമേരിക്കന്‍ വിദേശകാര്യ മന്ത്രാലയം വ്യക്തമാക്കി. റഷ്യയുടെ സുഖോയ് സു-30 വിമാനങ്ങള്‍ ഇറാന് വില്‍ക്കുന്നതിനുള്ള കരാര്‍ ഈ വര്‍ഷം നടപ്പാവുമെന്ന റിപ്പോര്‍ട്ടുകള്‍ റഷ്യന്‍ മാധ്യമങ്ങള്‍ പുറത്തുവിട്ടിരുന്നു.
കഴിഞ്ഞ ജൂലൈയില്‍ ആറു രാഷ്ട്രങ്ങള്‍ ഇറാനുമായി ആണവ ഉടമ്പടിയില്‍ പരസ്പര ധാരണയിലത്തെിയിരുന്നു. ഇതുപ്രകാരം അടുത്ത അഞ്ചു വര്‍ഷത്തേക്ക് ഇറാനുമായി ആയുധവ്യാപാരം നടത്തുന്നതിന് രക്ഷാസമിതിയുടെ മുന്‍കൂര്‍ അനുമതി വാങ്ങണമെന്നാണ്. യുദ്ധവിമാനങ്ങളുടെ വില്‍പനയും ഇതിന്‍െറ പരിധിയില്‍ വരുന്നതാണെന്ന് അമേരിക്ക സൂചിപ്പിച്ചു.