ജമ്മുകശ്​മീരിൽ നിന്ന്​ വിമാനങ്ങളുടെ രാത്രി സർവീസിന്​ തുടക്കം

ശ്രീനഗർ: ജമ്മുകശ്​മീരിൽ നിന്ന്​ വിമാനങ്ങളുടെ രാത്രി സർവീസിന്​ തുടക്കം. ശ്രീനഗറിൽ നിന്നാണ്​ വിമാനം പുറപ്പെട്ടത്​. വെള്ളിയാഴ്ച രാത്രി 19.15ന്​ ഡൽഹിയിലേക്കായിരുന്നു ഗോ എയർ വിമാനത്തിന്‍റെ സർവീസ്​.

വിമാന സർവീസിന്​ ആശംസകൾ അറിയിക്കാൻ ജമ്മുകശ്​മീർ വ്യവസായ പ്രിൻസിപ്പൽ സെക്രട്ടറി രഞ്​ജൻ പ്രകാശ്​ താക്കൂറും വിമാനത്താവളത്തിലെത്തിയിരുന്നു. ഇത്​ പുതുയുഗത്തിന്​ തുടക്കം കുറിക്കുമെന്നും​ ജമ്മുകശ്​മീരിന്‍റെ വ്യോമഗതാഗതത്തിൽ പുരോഗതിയുണ്ടാക്കുമെന്നും അദ്ദേഹം പറഞ്ഞു.

വിനോദസഞ്ചാര മേഖലക്കും പുതിയ സർവീസ്​ കരുത്താകും. രാത്രി സർവീസ്​ തുടങ്ങണമെന്നുള്ളത്​ ട്രാവൽ ഓപ്പറേറ്റർമാരുടേയും ടൂർ എജൻറുമാരുടേയും ദീർഘകാലമായുള്ള ആവശ്യമായിരുന്നു. വേനൽക്കാലത്ത്​ വിമാനങ്ങളുടെ എണ്ണം വീണ്ടും വർധിപ്പിക്കുമെന്നും അദ്ദേഹം പറഞ്ഞു.