പിൻഗാമിയല്ല, ഇതിഹാസം

വിരാട്​ കോഹ്​ലി ഒരു ക്രിസ്​റ്റ്യാനോ റൊണാൾഡോ ആരാധകനായത്​ യാദൃശ്ചികമാവാനിടയില്ല. കളിയോടുള്ള സമീപനത്തിലും പോരാട്ടവീര്യത്തിലും ക്രിക്കറ്റിലെ റൊണാൾഡോയാണ് കോഹ്​ലി​. വിജയത്തിൽ കുറ​ഞ്ഞതൊന്നും കൊണ്ട്​ അയാൾ തൃപ്​തനാവുകയില്ല. പരാജയങ്ങളോട് വല്ലാത്ത അസഹിഷ്ണുതയാണയാൾക്ക്. നേട്ടങ്ങളുടെ ആലസ്യത്തിൽ മുഴുകാതെ കഠിനപരീശീലനങ്ങളിലൂടെ തന്നെത്തന്നെ വെല്ലുവിളിക്കും. വിമർശനങ്ങളെ ഫ്ളയിംഗ് കിസ് കൊടുത്ത് ബൗണ്ടറി കടത്തും.

‘‘അവിശ്വസനീയമാണ്​ അയാളുടെ ബാറ്റിംഗ്,​ മറ്റൊന്നും പറയേണ്ട കാര്യമില്ല’’ കരീബിയൻ ഇതിഹാസം ബ്രയാൻ ലാറ വിരാട്​ കോഹ്​ലി​െയക്കുറിച്ച്​ പറഞ്ഞതാണിത്​. 22യാർഡുള്ള ക്രിക്കറ്റ്​ ക്രീസിൽ അയാൾ ചെയ്യുന്നതെല്ലാം അവിശ്വസനീയമാണ്​​. ക്രീസിൽ അയാളൊരു അമാനുഷികനാണെന്നറിയാൻ കണക്കുപുസ്​തകങ്ങളിലേക്ക​ുള്ള ചെറുനോട്ടം മാത്രം മതി. ബാറ്റ്​സ്​മാൻമാർക്ക്​ ഒരു കാലത്തും ഇന്ത്യൻ ക്രിക്കറ്റിൽ വരൾച്ചയുണ്ടായിട്ടില്ല.

കോപ്പിബുക്ക്​ ക്രിക്കറായ സുനിൽ ഗാവസ്​കർ, ഒാരോഷോട്ടിലും ത​​​​െൻറ കയ്യൊപ്പുള്ള സച്ചിൻ ​തെണ്ടുൽക്കർ, കൈക്കുഴയുടെ ചലനാത്മകതയിൽ റൺസടിച്ചു കൂട്ടിയിരുന്ന അസ്​ഹറുദ്ദീൻ, ആദ്യപന്തുമുതൽ പ്രഹരിച്ചുതുടങ്ങുന്ന വീരേന്ദർ സെവാഗ്​ എന്നിങ്ങനെ പലജനുസ്സുകളിൽ ​പെട്ട ബാറ്റ്​സ്​മാൻമാർ ഇന്ത്യയിലുണ്ടായിട്ടുണ്ട്​. ഇവരുടെയെല്ലാം അംശങ്ങൾക്ക്​ കൂടെ ആത്മവിശ്വാസവും റൺസിനോടുള്ള അടങ്ങാത്ത ദാഹവും കൂടി ചേരു​േമ്പാൾ വിരാട്​ കോഹ്​ലിയാകുന്നു.

നൈസർഗ്ഗികമായ ബാറ്റിംഗ്​ രീതികൊണ്ടു മാത്രമല്ല വിരാട് ​കോഹ്​ലി കളം വാഴുന്നത്​. അയാൾ അയാളെത്തന്നെ നിരന്തരം പരീക്ഷണശാലയാക്കുന്നു. നിരന്തരം പുതുക്കിക്കൊണ്ടിരിക്കുന്നു. സമീപകാലത്ത്​ അയാൾ ഇംഗ്ലണ്ടിൽ നടത്തിയ പ്രകടനം തന്നെ നോക്കൂ. 2014ലെ ഇംഗ്ലണ്ട്​ പര്യടനത്തിൽ തികഞ്ഞ പരാജിതനായിട്ടാണ്​ അയാൾ തിരിഞ്ഞു നടന്നത്​. ഇന്ത്യയിലെ വരണ്ടപിച്ചുകളുടെ ദാക്ഷിണ്യത്തിലാണ്​ അയാൾ ഇതിഹാസതാരമാകുന്നതെന്ന്​ പലരും വിധിയെഴുതി.

ഇംഗ്ലണ്ടി​​​​െൻറ ജയിംസ്​ ആ​ൻഡേഴ്​സ​​​​െൻറ കുത്തിത്തിരിയുന്ന പന്തുകൾക്കുമുന്നിൽ നട്ടംതിരിഞ്ഞ കോഹ്​ലിയുടെ പ്രകടനം വിമർശനങ്ങളെ ശരിവെക്കുന്നതുമായിരുന്നു. നാലുവർഷങ്ങൾക്കിപ്പുറം ലോർഡ്​സിലും ഒാവലിലും ക്രിക്കറ്റ്​ ആരവങ്ങളുയർന്നു. മികച്ച സ്വിങ്ങും പേസുമുള്ള പിച്ചിൽ ഇംഗ്ലീഷ്​ ബാറ്റ്​സ്​മാൻമാർക്കുപോലും നിലയുറപ്പിക്കാനായില്ല. ചീട്ടുകൊട്ടാരം പോലെ തകർന്നുവീഴുന്ന ഇന്ത്യൻ ബാറ്റ്​സ്​മാൻമാർക്കും രക്തം ദാഹിച്ചു പന്തെറിയുന്ന ഇംഗ്ലീഷ്​ ബൗളർമാർക്കും മുന്നിൽ ഒരേ ഒരു വ്യത്യാസം വിരാട്​ കോഹ്​ലി മാ​ത്രമായിരുന്നു.

ടെസ്​റ്റ്​ പരമ്പരയി​െല 10 ഇന്നിങ്​​സുകളിൽ നിന്നുമായി 593റൺസ്​ നേടി ടൂർണ​െമൻറിലെ ടോപ്പ്​ സ്​കോററായാണ്​ കോഹ്​ലി ഇംഗ്ലീഷ്​മണ്ണിൽ നിന്നും തിരിഞ്ഞു നടന്നത്​. ടീം അ​േമ്പ പരാജയമായിരുന്നുവെങ്കിലും തനിക്ക്​ ആരുടെ മുമ്പിലും ഒന്നും തെളിയിക്കാൻ ബാക്കിയില്ലെന്ന്​ കൂടി പ്രഖ്യാപിച്ച്​ ​തലയുയർത്തിയാണ്​ കോഹ്​ലി ഇംഗ്ലീഷ്​ മണ്ണ്​ വിട്ടത്​.

73ടെസ്​റ്റുകളിൽ നിന്നും 24 സെഞ്ച്വറികളക്കം 6331റൺസും 213ഏകദിനങ്ങളിൽ നിന്നും 37സെഞ്ച്വറികളക്കം 10076 റൺസും 62 ട്വൻറി 20കളിൽ നിന്നും 48.88 ശരാശരിയിൽ 2102റൺസും അയാൾ നേടിക്കഴിഞ്ഞു. കാലത്തിനനുസരിച്ച്​ ബാറ്റിംഗ്​ രീതികൾ മാറിക്കൊണ്ടിരിക്കുന്ന ക്രിക്കറ്റിൽ വ്യത്യസ്ത കാലങ്ങളിലായുള്ള രണ്ട്​ പ്രതിഭകളെ താരതമ്യം ചെയ്യുന്നതിൽ യുക്തിരാഹിത്യമുണ്ടെങ്കിലും കോഹ്​ലി കളിച്ച മത്സരങ്ങളുടെ എണ്ണത്തി​​​​െൻറ വെളിച്ചത്തിൽ കണക്കുകൾ നിരത്തിയാൽ റൺസിൽ, സെഞ്ച്വറികളിൽ, ശരാശരിയിൽ, സ്​ട്രൈക്ക്​ റേറ്റിൽ എല്ലാം സാക്ഷാൽ സച്ചിൻ തെണ്ടുൽക്കർ കാതങ്ങൾ പിന്നിലാണ്​. ക്രിക്കറ്റല്ലാതെ മറ്റു സമയംകൊല്ലികളും ഏറെയുള്ള പുതുതലമുറയുടെ കാലത്ത്​ ബാറ്റ്​ ചെയ്യുന്നത്​ കൊണ്ട്​ ഒരുപക്ഷേ അയാൾ സച്ചിനോളം ഇന്ത്യൻ ജനതയുടെ വികാരമായില്ലായിരിക്കാം.

ത​​​​െൻറ സെഞ്ച്വറികളിലേറെയും കോഹ്​ലി കുറിച്ചത്​ റൺ ചേസ്​ ചെയ്യു​േമ്പാഴാണെന്നത്​ അതി​​​​െൻറ മാറ്റുകൂട്ടുന്നു. കോഹ്​ലിയുടെ ബാറ്റിൽ നിന്നുമൊഴുകുന്ന റൺസി​േൻറയും അയാളുടെ ആത്മവിശ്വാസത്തി​േൻറയും കരുത്തിൽ തന്നെയാണ്​ ഇന്ത്യൻ ക്രിക്കറ്റ്​ നമ്പർ വൺ ആകുന്നത്​. ഇന്ത്യൻ ഉപഭൂഖണ്ഡത്തിലെ പിച്ചുകളിലെ അപ്രമാധിത്വത്തിനൊപ്പം ദക്ഷിണാഫ്രിക്കയും ആസ്​ട്രേലിയയും ഇംഗ്ലണ്ടും വെട്ടിപ്പിടിച്ച്​ അയാൾ കുതിക്കുകയാണ്​.

കളിയുടെ ഫോർമാറ്റിനും സാഹചര്യങ്ങൾക്കുമനുസരിച്ച്​ ശൈലിമാറ്റാനുള്ള അത്യപൂർവ്വ കഴിവുള്ള ഇൗ ഇതിഹാസത്തി​​​​െൻറ ഉന്മാദക്കാഴ്​ചകൾക്കായി കാത്തിരിക്കാം. സച്ചി​േൻറയോ മറ്റാരുടെയെങ്കിലുമോ താരതമ്യത്തി​ൽ ഉരച്ചുനോക്കാനുള്ളതല്ല വിരാട്​കോഹ്​ലി. ആരുടെയെങ്കിലും പിൻഗാമിയുമല്ല. അയാൾ വിരാട് ​കോഹ്​ലിയാണ്​. അതുമാ​ത്രമാണ്​.