തോറ്റതിന്​ അധി​ക്ഷേപം; ‘ഇറാൻ മെസ്സി’ കളി നിർത്തി

തെ​ഹ്​​റാ​ൻ: ക​ളി തോ​റ്റ​തി​ന്​ കേ​ൾ​ക്കേ​ണ്ടി​വ​ന്ന അധിക്ഷേപങ്ങൾ മാ​താ​വി​നെ രോ​ഗി​യാ​ക്കി​യെ​ന്നു പ​റ​ഞ്ഞ്​ ഇ​റാ​ൻ സൂ​പ്പ​ർ താ​രം സ​ർ​ദാ​ർ അ​സ്​​മൂ​ൻ രാ​ജ്യാ​ന്ത​ര ഫു​ട്​​ബാ​ളി​ൽ​നി​ന്ന്​ വി​ര​മി​ച്ചു. ലോ​ക​ക​പ്പി​നു​ മു​മ്പ്​ ദേ​ശീ​യ ജ​ഴ്​​സി​യി​ൽ ക​ളി​ച്ച 33 ക​ളി​ക​ളി​ൽ 23 ഗോ​ൾ നേ​ടി രാ​ജ്യ​ത്തി​​​​െൻറ പ്ര​തീ​ക്ഷ​യാ​യി​രു​ന്ന താ​രം പ​ക്ഷേ, റ​ഷ്യ​യി​ൽ വ​ല ച​ലി​പ്പി​ക്കു​ന്ന​തി​ൽ പ​രാ​ജ​യ​മാ​യി​രു​ന്നു.

14 യോ​ഗ്യ​ത മ​ത്സ​ര​ങ്ങ​ളി​ൽ മാ​ത്രം അ​സ്​​മൂ​ൻ 11 ഗോ​ൾ നേ​ടി​യി​രു​ന്നു. ഗ്രൂ​പ്​ ബി​യി​ൽ മൊ​റോ​ക്കോ​യെ വീ​ഴ്​​ത്തു​ക​യും സ്​​പെ​യി​നി​നോ​ട്​ തോ​ൽ​ക്കു​ക​യും പോ​ർ​ചു​ഗ​ലി​നെ സ​മ​നി​ല​യി​ൽ പി​ടി​ക്കു​ക​യും​ ചെ​യ്​​ത്​ നാ​ലു ​പോ​യ​ൻ​റ്​ നേ​ടി​യെ​ങ്കി​ലും മൂ​ന്നാ​മ​തെ​ത്താ​നേ ക​ഴി​ഞ്ഞു​ള്ളൂ. സ്​​പെ​യി​നും പോ​ർ​ചു​ഗ​ലു​മാ​ണ്​ യോ​ഗ്യ​ത നേ​ടി​യ​ത്.

നി​ർ​ഭാ​ഗ്യം​കൊ​ണ്ട്​ പു​റ​ത്താ​യ ടീ​മി​നു​നേ​രെ​ നാ​ട്ടി​ൽ ക​ടു​ത്ത വി​മ​ർ​ശ​ന​മാ​ണ്​ ഉ​യ​രു​ന്ന​ത്. ഇ​തി​നു പി​ന്നാ​ലെ​യാ​ണ്​ അ​സ്​​മൂ​​​​െൻറ രാ​ജി. 19ാം വ​യ​സ്സി​ൽ ആ​ദ്യ​മാ​യി ദേ​ശീ​യ കു​പ്പാ​യ​മ​ണി​ഞ്ഞ അ​സ്​​മൂ​ൻ രാ​ജ്യ​ത്തി​നു​വേ​ണ്ടി ഏ​റ്റ​വും കൂ​ടു​ത​ൽ ഗോ​ൾ നേ​ടി​യ അ​ഞ്ചാ​മ​ത്തെ ക​ളി​ക്കാ​ര​ൻ​കൂ​ടി​യാ​ണ്. 109 ഗോ​ൾ നേ​ടി​യ അ​ലി​ദാ​യി ആ​ണ്​ ഗോ​ൾ​വേ​ട്ട​യി​ൽ ഒ​ന്നാ​മ​ൻ.