ആർപ്​’ വിളിച്ച്​ ജർമനി

​കൊ​ച്ചി: ഗോ​വ​യി​ലെ പി​ഴ​വി​ന്​ കൊ​ച്ചി​യി​ൽ പ്രാ​യ​ശ്ചി​ത്തം ചെ​യ്​​ത ജ​ർ​മ​നി​ക്ക്​ കൗ​മാ​ര ലോ​ക​ക​പ്പി​ൽ പ്രീ​ക്വാ​ർ​ട്ട​ർ ബ​ർ​ത്ത്. ആ​ഫ്രി​ക്ക​ൻ വീ​ര്യ​വു​മാ​യി പൊ​രു​തി​ക്ക​ളി​ച്ച ഗി​നി​യെ ഒ​ന്നി​നെ​തി​രെ മൂ​ന്നു ഗോ​ളി​ന്​ മ​റി​ക​ട​ന്നാ​ണ്​ ജ​ർ​മ​ൻ സം​ഘം അ​വ​സാ​ന 16ൽ ​ക​ട​ന്നു​കൂ​ടി​യ​ത്. കൊ​ളം​ബി​യ​യാ​ണ്​ പ്രീ​ക്വാ​ർ​ട്ട​റി​ൽ എ​തി​രാ​ളി​ക​ൾ. ഡ​ൽ​ഹി​യി​ൽ ഒ​ക്​​ടോ​ബ​ർ 16നാ​ണ്​ മ​ത്സ​രം. ഗോ​വ​യി​ൽ ഇ​റാ​നെ​തി​രെ മ​റു​പ​ടി​യി​ല്ലാ​ത്ത നാ​ലു ഗോ​ളു​ക​ൾ​ക്ക്​ ത​ക​ർ​ന്ന​ടി​ഞ്ഞ ജ​ർ​മ​നി ജ​യം മാ​ത്രം ല​ക്ഷ്യ​മി​ട്ടാ​ണ്​ ക​ലൂ​രി​ൽ നി​ർ​ണാ​യ​ക മ​ത്സ​ര​ത്തി​നി​റ​ങ്ങി​യ​ത്. എ​ട്ടാം മി​നി​റ്റി​ൽ ക്യാ​പ്​​റ്റ​ൻ  യാ​ൻ​ഫീ​ൻ ആ​ർ​പി​ലൂ​ടെ മു​ന്നി​ലെ​ത്തി​യ ജ​ർ​മ​നി​ക്കു​വേ​ണ്ടി 62ാം മി​നി​റ്റി​ൽ നി​ക്കോ​ളാ​സ്​ കു​നും ഇ​ഞ്ചു​റി ടൈ​മി​ൽ സ​ഹ്​​വെ​ർ​ദി സെ​റ്റി​നും ഗി​നി വ​ല​യി​ൽ പ​ന്തെ​ത്തി​ച്ചു. 26ാം മി​നി​റ്റി​ൽ ഇ​ബ്രാ​ഹിം സൗ​മ​യു​ടെ ബൂ​ട്ടി​ൽ​നി​ന്നാ​യി​രു​ന്നു ആ​ഫ്രി​ക്ക​ൻ ടീ​മി​​െൻറ ആ​ശ്വാ​സ​ഗോ​ൾ. 

പി​ഴ​വു​ക​ളി​ൽ കു​രു​ങ്ങി ഗി​നി
ചാ​റ്റ​ൽ മ​ഴ​യി​ൽ ന​ന​ഞ്ഞ കൊ​ച്ചി​യു​ടെ പു​ൽ​പ​ര​പ്പി​ൽ ഗി​നി​യു​ടെ ഗു​രു​ത​ര പി​ഴ​വി​ൽ​നി​ന്നാ​ണ്​ ജ​ർ​മ​നി നി​ർ​ണാ​യ​ക ലീ​ഡി​ലേ​ക്ക്​ വ​ല കു​ലു​ക്കി​യ​ത്. ഗി​നി​യ​ൻ ഡി​ഫ​ൻ​ഡ​ർ ഇ​സ്​​മാ​യി​ൽ ട്ര​വോ​റെ മൈ​ന​സ്​ ചെ​യ്​​ത പ​ന്ത്​ ഗ​തി​വേ​ഗം കു​റ​ഞ്ഞ​​പ്പോ​ൾ ഒാ​ടി​യെ​ത്തി​യ ഡെ​നി​സ്​ ജാ​സ്​​ട്രെം​ബ്​​​സ്​​കി​യു​ടെ കാ​ലി​ൽ​ത​ട്ടി​ത്തെ​റി​ച്ച പ​ന്ത്​ നീ​ങ്ങി​യെ​ത്തി​യ​ത്​ ആ​ർ​പി​​െൻറ കാ​ലി​ലേ​ക്ക്. മാ​ർ​ക്ക്​ ചെ​യ്യ​പ്പെ​ടാ​തെ നി​ന്ന ജ​ർ​മ​ൻ നാ​യ​ക​ൻ പ​ന്തെ​ടു​ത്ത്​ കു​തി​ച്ച്​ ​േക്ലാ​സ്​ റേ​ഞ്ചി​ൽ​നി​ന്നു​തി​ർ​ത്ത ഗ്രൗ​ണ്ട്​ ഷോ​ട്ട്​ ഗി​നി ഗോ​ളി മു​ഹ​മ്മ​ദ്​ ക​മാ​റ​ക്ക്​ അ​വ​സ​ര​മൊ​ന്നും ന​ൽ​കാ​തെ പോ​സ്​​റ്റി​​െൻറ വ​ല​തു മൂ​ല​യി​ലേ​ക്ക്. ഇതിനിടെ ആ​ഫ്രി​ക്ക​ക്കാ​ർ പ​തി​യെ താ​ളം ക​ണ്ടെ​ത്തി​ത്തു​ട​ങ്ങി. ജ​ർ​മ​ൻ ഗോ​ൾ​മു​ഖം റെ​യ്​​ഡ്​ ചെ​യ്യാ​നി​റ​ങ്ങി​യ അ​വ​രു​ടെ ഒാ​രോ നീ​ക്ക​ങ്ങ​ൾ​ക്കും കാ​ണി​ക​ളു​ടെ അ​ക​മ​ഴി​ഞ്ഞ പി​ന്തു​ണ​യു​മു​ണ്ടാ​യി​രു​ന്നു. അ​ത്ത​ര​മൊ​രു നീ​ക്ക​ത്തി​ൽ​നി​ന്ന്​ യൂ​റോ​പ്യ​ൻ ക​രു​ത്ത​രു​ടെ നെ​ഞ്ച​കം ത​ക​ർ​ത്ത്​ ഗി​നി സ​മ​നി​ല​ഗോ​ളി​ലേ​ക്ക്​ നി​റ​യൊ​ഴി​ച്ചു. 25ാം മി​നി​റ്റി​ൽ ഗോ​ൾ​മു​ഖ​ത്തെ കൂ​ട്ട​പ്പൊ​രി​ച്ചി​ലി​നി​ട​യി​ൽ അ​ഗ്വി​ബു ക​മാ​റ​യു​ടെ ഷോ​ട്ട്​ എ​തി​ർ പ്ര​തി​രോ​ധ​മ​തി​ലി​ൽ ത​ട്ടി​ത്തെ​റി​ച്ച​പ്പോ​ൾ പ​​ന്തു​കി​ട്ടി​യ​ത്​ ഇ​ബ്രാ​ഹിം സൗ​മ​ക്ക്. സൗ​മ​യു​ടെ ഷോ​ട്ട്​ നി​ര​ന്നു​നി​ൽ​ക്കു​ന്ന താ​ര​ങ്ങ​ൾ​ക്കി​ട​യി​ലൂ​ടെ ജ​ർ​മ​ൻ വ​ല​യി​ലേ​ക്ക്​ പാ​ഞ്ഞു​ക​യ​റി. 

ലീ​ഡി​ലേ​ക്ക്​ വീ​ണ്ടും 

ജ​ർ​മ​നി​യു​ടെ മു​ന്നേ​റ്റ​​​ത്തോ​ടെ​യാ​ണ്​ ര​ണ്ടാം പ​കു​തി​ക്ക്​ തു​ട​ക്ക​മാ​യ​ത്. ക​ളി ഒ​രു​മ​ണി​ക്കൂ​ർ പി​ന്നി​ട​വേ ജ​ർ​മ​നി ലീ​ഡ്​ തി​രി​ച്ചു​പി​ടി​ച്ച​ത്​ ഗി​നി​യു​ടെ മ​റ്റൊ​രു പ്ര​തി​രോ​ധ പി​ഴ​വി​ൽ​നി​ന്ന്. ഇ​ക്കു​റി സൗ​മ​യാ​യി​രു​ന്നു വി​ല്ല​ൻ. ര​ണ്ടു ജ​ർ​മ​ൻ താ​ര​ങ്ങ​ൾ വ​ട്ട​മി​ട്ടു​നി​ൽ​ക്കെ പാ​സ്​ ചെ​യ്യാ​ൻ അ​മാ​ന്തി​ച്ചു​നി​ന്ന സൗ​മ​യു​ടെ കാ​ലി​ൽ​നി​ന്ന്​ ആ​ർ​പ്​ പ​ന്തു ത​ട്ടി​യെ​ടു​ത്തു. തു​ട​ർ​ന്ന്​ നി​ക്കോ​ളാ​സ്​ കു​നി​ലേ​ക്ക്​ ഒ​ന്നാ​ന്ത​രം പാ​സ്. പ​ന്തെ​ടു​ത്ത കു​ൻ, ക​മാ​റ​ക്ക്​ പി​ടി​കൊ​ടു​ക്കാ​തെ സ​മ​ർ​ഥ​മാ​യി വ​ല​യി​ട്ടു​കു​ലു​ക്കി.
പ്രീ​ക്വാ​ർ​ട്ട​റി​ലെ​ത്താ​ൻ ജ​യം അ​നി​വാ​ര്യ​മാ​യി​രു​ന്ന ഗി​നി അ​വ​സാ​ന അ​ര​മ​ണി​ക്കൂ​റി​ൽ ജ​ർ​മ​ൻ ഗോ​ൾ​മു​ഖ​​ത്തേ​ക്ക്​ ഇ​ര​മ്പി​ക്ക​യ​റാ​ൻ തു​ട​ങ്ങി. ഒ​ന്നി​നു​പി​റ​കെ ഒ​ന്നാ​യി അ​വ​സ​ര​ങ്ങ​ൾ തു​റ​ന്നെ​ടു​ത്തെ​ങ്കി​ലും ഗോ​ളി​ലേ​ക്കു​ള്ള അ​വ​സാ​ന ക​ട​മ്പ​യി​ൽ ജ​ർ​മ​ൻ മ​തി​ൽ അ​ച​ഞ്ച​ല​മാ​യി​നി​ന്നു. ഒ​ടു​വി​ൽ ക​ളി​ഗ​തി​ക്കെ​തി​രാ​യി 90ാം മി​നി​റ്റി​ൽ പി​റ​ന്ന പെ​നാ​ൽ​റ്റി ഗോ​ളി​ൽ ജ​ർ​മ​നി വി​ജ​യ​ത്തി​ന്​ മാ​റ്റു​കൂ​ട്ടു​ക​യാ​യി​രു​ന്നു. ജെ​സി​ക്​ ഗാ​ൻ​കാ​മി​നെ സെ​കൂ ക​മാ​റ വീ​ഴ്​​ത്തി​യ​തി​ന്​ ല​ഭി​ച്ച കി​ക്ക്​ ഗോ​ളി​ക്ക്​ പ​ഴു​തൊ​ന്നും ന​ൽ​കാ​തെ സെ​റ്റി​ൻ വ​ല​യി​ലെ​ത്തി​ച്ച​തോ​ടെ ജ​ർ​മ​ൻ മോ​ഹ​ങ്ങ​ൾ പ​ച്ച​തൊ​ട്ടു. മൂ​ന്നു ക​ളി​യും ജ​യി​ച്ച ഇ​റാ​നാ​ണ്​ സി ​ഗ്രൂ​പ്പി​ലെ ഒ​ന്നാം സ്​​ഥാ​ന​ക്കാ​ർ.