പൊലീസ്​ സ്​റ്റേഷനിൽ ഹാജരാവാൻ നോട്ടീസ്​; ഷമിക്ക്​​ ഡൽഹി ​ടീമിനോടൊപ്പം പോകാനായില്ല

കൊൽക്കത്ത: ഡൽഹി ഡെയർഡെവിൾസ്​ താരം മുഹമ്മദ്​ ഷമിക്കെതിരെ ഭാര്യ ഹസീൻ ജഹാൻ നൽകിയ ഗാർഹിക പീഡന പരാതിയിൽ കൊൽക്കത്ത പൊലീസിൽ​ ഹാജരാവാൻ നോട്ടീസ്​. ഇതോടെ നൈറ്റ്​റൈഡേഴ്​സിനെതിരായ മത്സരത്തിനു ശേഷം താരം കൊൽക്കത്തയിൽ തന്നെ തങ്ങി.

ബംഗളൂരുവിനെതിരായ എവേ മത്സരത്തിൽ ഡൽഹി ടീം പു​റപ്പെ​െട്ടങ്കിലും ഷമിക്ക്​​ ​ടീമിനോടൊപ്പം പോകാനായില്ല. 21നാണ്​ ബംഗളൂരുവിനെതിരായ മത്സരം. ഗാർഹിക പീഡനം, വിശ്വാസവഞ്ചന എന്നീ കുറ്റങ്ങൾ ചുമത്തിയാണ്​ ഭാര്യയുടെ പരാതിയിൽ ഷമിക്കെതിരെ ​െപാലീസ്​ കേസെടുത്തത്​. ​ജഹാ​ൻ പരാതി നൽകിയതിനുശേഷം ഇതാദ്യമായാണ്​ താരം കൊൽക്കത്തയിലെത്തുന്നത്​.