അവസാന നിമിഷം പഞ്ചാബ്​ കളിമറന്നു ;മുംബൈക്ക്​  മൂന്ന്​ റൺസ്​ ജയം

മും​ബൈ: വിജയിച്ചുവെന്നുറപ്പിച്ച മത്സരത്തിൽ അവസാന നിമിഷം കിങ്​സ്​ ഇലവൻ പഞ്ചാബ ്​ കളിമറന്നപ്പോൾ മുംബൈ ഇന്ത്യൻസിന്​ മൂന്ന് ​റൺസി​​​െൻറ ഉജ്ജ്വല വിജയം. സെഞ്ച്വറിക്ക്​ ആറു റൺസ്​ അകലെ ​ലോകേഷ്​ രാഹുൽ (60 പന്തിൽ 94) കാലിടറി വീണതാണ്​ പഞ്ചാബിന്​ വിനയായത്​. ആദ്യം ബാറ്റ്​ ചെയ്​ത മുംബൈ കീറൻ പൊളളാർഡി​​​െൻറയും (50) ക്രു​ണാൽ പാ​ണ്ഡ്യ​യുടെ (32) യും മികവിൽ  20 ഒാവറിൽ എട്ട്​ വിക്കറ്റ്​ നഷ്​ടത്തിൽ 186 റൺസെടുത്തു. മറുപടി ബാറ്റിങ്ങിനിറങ്ങിയ പഞ്ചാബി​ന്​ 20 ഒാവറിൽ അഞ്ച്​ വിക്കറ്റ്​ നഷ്​ടത്തിൽ 183 റൺസെടുക്കാനെ കഴിഞ്ഞുള്ളൂ.

​ ആരോൺ ഫിഞ്ചിനെയും (46) കൂട്ടുപിടിച്ച്​ രാഹുൽ കൂട്ടിച്ചേർത്ത 111 റൺസ്​ കൂട്ടുകെട്ട്​  പഞ്ചാബ്​ വിജയത്തിലേക്കെന്ന തോന്നിച്ച നിമിഷം. ഫിഞ്ചിനെ പുറത്താക്കിയ ജസ്​പ്രീത്​ ബുംറ മുംബൈക്ക്​ നിർണായക ബ്രേക്ക്​ ത്രൂ നൽകി. രാഹുലിനെ 19ാം ഒാവറി​​​െൻറ മൂന്നാം പന്തിൽ ബെൻ കട്ടിങ്ങി​​​െൻറ കൈകളിലെത്തിച്ച ബുംറ പഞ്ചാബി​​​െൻറ പ്രതീക്ഷകൾ തല്ലിക്കെടുത്തുകയായിരുന്നു. നിർണായകമായ ആ ഒാവറിൽ ആറ്​ റൺസ്​ മാത്രമാണ്​ ബുംറ  വിട്ട്​ കൊടുത്തത്​.