അഞ്ചാം ടെസ്​റ്റിൽ ഇംഗ്ലണ്ടിന് ജയം; ആഷസ്​ പരമ്പര സമനിലയിൽ

  • 135 റൺസിന്​ ആസ്​ട്രേലിയയെ തോൽപിച്ചു

23:42 PM
15/09/2019

ല​ണ്ട​ൻ: കളി തുടങ്ങുംമുമ്പ്​ ആഷസ്​ ഉറപ്പിച്ചവർക്കെതിരെ ആശ്വാസജയത്തോടെ പരമ്പര സമനിലയിലാക്കി ഇംഗ്ലണ്ട്​​. മാത്യു വെയ്​ഡ്​ (117) ഒറ്റക്കു പടനയിച്ച പോരാട്ടം 135 റൺസ്​ അകലെ അവസാനിച്ചതോടെയാണ്​ ഇംഗ്ലണ്ട്​ കാത്തിരുന്ന ജയം ഒരു ദിനം ബാക്കിനിൽക്കെ എത്തിയത്​. നീണ്ട 47 വർഷത്തിനിടെ ആദ്യമായി ഒരു ആഷസ്​ പരമ്പര സമനിലയിലായെന്ന അപൂർവതയും ഇതോടെ പിറന്നു. 

399 എന്ന അസാധ്യ സ്​കോർ പിന്തുടർന്ന്​ രണ്ടാം ഇന്നിങ്​സ്​ ബാറ്റിങ്ങിനിറങ്ങിയ ആസ്​ട്രേലിയ ഒരു ഘട്ടത്തിൽ 85 റൺസ്​ എടുക്കു​േമ്പാഴേക്ക്​ നാലു വിക്കറ്റ്​ നഷ്​ടപ്പെട്ട്​ പതറിയെങ്കിലും മധ്യനിരയുടെ കരുത്തിലാണ്​ പരാജയഭാരം കുറച്ചത്​​. സ്​റ്റുവർട്ട്​ ബ്രോഡും ജാക്​ ലീച്ചും നാലു വിക്കറ്റുകളുമായി തീതുപ്പിയ മത്സരത്തിൽ ഇംഗ്ലീഷ്​ ബൗളിങ്ങിനെതിരെ പിടിച്ചുനിൽക്കാൻ ഒാസീസ്​ ബാറ്റ്​സ്​മാന്മാർ പ്രയാസപ്പെട്ടു. എട്ടിന്​ 313 എന്ന നിലയിൽ നാലാം ദിനം കളി തുടങ്ങിയ ഇംഗ്ലണ്ട്​ 16 റൺസുകൂടി ചേർക്കു​േമ്പാഴേക്ക്​ എല്ലാവരും പുറത്തായെങ്കിലും ആസ്​ട്രേലിയക്ക്​ താങ്ങാവുന്നതിലുമപ്പുറത്തായിരുന്നു ടാർഗറ്റ്​. 


കൂ​റ്റ​ൻ ല​ക്ഷ്യ​ത്തി​ലേ​ക്ക്​ പാ​ഡു​കെ​ട്ടി​യ കം​ഗാ​രു​ക്ക​ൾ​ക്ക്​ പ​ക്ഷേ, തു​ട​ക്ക​ത്തി​ലേ പി​ഴ​ച്ചു. സ്​​കോ​ർ 18ൽ ​നി​ൽ​ക്കെ ഒാ​പ​ണ​ർ മാ​ർ​ക​സ്​ ഹാ​രി​സി​​െൻറ (9) വി​ക്ക​റ്റ്​ ​സ്​​റ്റു​വ​ർ​ട്ട്​ ബ്രോ​ഡ്​ എ​റി​ഞ്ഞി​ട്ടു. 29 റ​ൺ​സി​ൽ ര​ണ്ടാം വി​ക്ക​റ്റും വീ​ണു. പ​ര​മ്പ​ര​യി​ലു​ട​നീ​ളം ഫോം ​ക​ണ്ടെ​ത്താ​ൻ വി​ഷ​മി​ച്ച ഡേ​വി​ഡ്​ വാ​ർ​ണ​റു​ടെ (11) വി​ക്ക​റ്റും ബ്രോ​ഡി​ന്. 

പി​റ​കെ, ഒാ​സീ​സ്​ ടീ​മി​​െൻറ വി​ന്നി​ങ്​ കോ​മ്പി​നേ​ഷ​നാ​യ ല​ബൂ​ഷെ​യി​ൻ-​സ്​​മി​ത്ത്​ സ​ഖ്യം ക്രീ​സി​ൽ ഒ​ന്നി​ച്ച​തോ​ടെ ഒാ​സീ​സ്​ ത​ക​ർ​ച്ച​യി​ൽ​നി​ന്ന്​ തി​രി​ച്ചു​ക​യ​റു​മെ​ന്ന്​ തോ​ന്നി​ച്ചെ​ങ്കി​ലും വൈ​കാ​തെ ല​ബൂ​ഷെ​യി​നും (14) മ​ട​ങ്ങി​യ​ത്​ ആ​ഘാ​ത​മാ​യി. ലീ​ച്ചി​​െൻറ പ​ന്തി​ൽ ക​യ​റി​യ​ടി​ക്കാ​നു​ള്ള ശ്ര​മം പാ​ളി​യ​​തോ​ടെ​ പ​ന്ത്​ ല​ഭി​ച്ച കീ​പ്പ​ർ ബെ​യ​ർ​സ്​​റ്റോ വി​ദ​ഗ്​​ധ​മാ​യി സ്​​റ്റ​മ്പു ചെ​യ്​​തു. അ​നാ​യാ​സം ക​ളി​ച്ച സ്​​മി​ത്തി​​െൻറ​യാ​യി​രു​ന്നു അ​ടു​ത്ത ഉൗ​ഴം. ബ്രോ​ഡി​​െൻറ പ​ന്തി​ൽ ബാ​റ്റു​വെ​ച്ച സ്​​മി​ത്തി​നെ ഉ​ജ്ജ്വ​ല ക്യാ​ച്ചു​മാ​യി പ​റ​ഞ്ഞു​വി​ട്ട​ത്​ ബെ​ൻ​സ്​ സ്​​റ്റോ​ക്​​സ്​. 


ഇൗ ​പ​ര​മ്പ​ര​യി​ൽ ആ​ദ്യ​മാ​യി അ​ർ​ധ സെ​ഞ്ച്വ​റി​ക്കി​പ്പു​റം പു​റ​ത്താ​യ സ്​​മി​ത്ത്​ 11 ഇ​ന്നി​ങ്​​സു​ക​ളി​ലാ​യി അ​ടി​ച്ചെ​ടു​ത്ത​ത്​ 773 റ​ൺ​സ്. ഒരു വശത്ത്​ വിക്കറ്റുകൾ നിരന്തരം വീണിട്ടും പതറാതെ പൊരുതിയ മാത്യു വെയ്​ഡ്​ സെഞ്ച്വറി പൂർത്തിയാക്കി അധികമാകുംമു​േമ്പ കൂടാരം കയറി​. പിന്നീട്​ ചടങ്ങുപോലെയായിരുന്നു വിക്കറ്റ്​ വീഴ്​ച. 

 

Loading...
COMMENTS