മത്സരത്തിനിടെ നോമ്പ്​ തുറക്കുന്ന ഫുട്​ബാൾ താരങ്ങൾ; വൈറലായി വിഡിയോ VIDEO

അങ്കാറ: ലോകമെമ്പാടുമുള്ള ഇസ്​ലാംമത വിശ്വാസികൾ റമദാൻ നോമ്പിന്‍റെ പുണ്യത്തിലാണ്​. കളിയും വിശ്വാസവും സമന്വയിപ്പിച്ച്​ കൊണ്ടുപോകുന്ന കായിക താരങ്ങൾ ഫുട്​ബാളിലും ക്രിക്കറ്റലുമെല്ലാമുണ്ട്​.

കളിക്കിടെ ഗ്രൗണ്ടിൽ വെച്ച്​ നോമ്പ്​ തുറക്കുന്ന ഫുട്​ബാൾ താരങ്ങളുടെ വിഡിയോ വൈറലാകുകയാണ്​. തുർക്കിഷ്​ ഫുട്​ബാൾ ലീഗിനെയാണ്​ സംഭവം. മത്സരം 10 മിനിറ്റ്​ പിന്നിട്ട സമയത്ത്​ മഗ്​രിബ്​ ബാങ്ക്​ വിളിച്ചപ്പോൾ താരങ്ങൾ സൈഡ്​ ലൈനിലെത്തി നോമ്പ്​ തുറക്കുകയായിരുന്നു. ഗോൾ കീപ്പർ പോസ്റ്റ്​ ബാറിന്​ താഴെയിരുന്ന്​ പാനീയം കുടിക്കുന്നതും വിഡിയോയിൽ ദൃശ്യമാണ്​.

മുമ്പ്​ ​ലോകകപ്പ്​ യോഗ്യത മത്സരത്തിനിടെ നോമ്പ്​ തുറക്കുന്ന തുനീഷ്യൻ താരങ്ങളുടെ ചിത്രങ്ങൾ വൈറലായിരുന്നു. പരിക്കിനിടയിൽ വീണുകിട്ടിയ സമയത്തായിരുന്നു താരങ്ങൾ നോമ്പ്​ തുറന്നത്​.