മുഹമ്മദ് സലാഹിന് ഫുട്ബാൾ റൈറ്റേഴ്സ് അസോസിയേഷൻ അവാർഡ്

ലണ്ടൻ: ഈ വർഷത്തെ ഫുട്ബാൾ റൈറ്റേഴ്സ് അസോസിയേഷൻ അവാർഡ് ലിവർപൂൾ ഫോർവേഡ് മുഹമ്മദ് സലാഹിന്. ചെൽസിയുടെ സ്ട്രൈക്കർ സാം കെറാണ് മികച്ച വനിത താരം.

രണ്ടാം തവണയാണ് സലാഹ് ഈ പുരസ്കാരത്തിന് അർഹനാകുന്നത്. മാഞ്ചസ്റ്റർ സിറ്റിയുടെ താരം കെവിൻ ഡെബ്രൂയിനെയും വെസ്റ്റ്ഹാം മിഡ്ഫീൽഡർ ഡെൽകാൻ റൈസിനെയും മറികടന്നാണ് 48 ശതമാനം വോട്ടുമായി സലാഹ് പുരസ്കാര ജേതാവായത്. 2018ലാണ് ആദ്യമായി ഫുട്ബാൾ റൈറ്റേഴ്സ് അസോസിയേഷൻ അവാർഡിന് സലാഹിനെ തെരഞ്ഞെടുത്തത്.

ഈ സീസണിൽ 30 ഗോളുകളും 14 അസിസ്റ്റുകളുമായി കാഴ്ചവെച്ച മികച്ച പ്രകടനമാണ് പുരസ്കാരത്തിന് സലാഹിനെ യോഗ്യനാക്കിയത്. 40 ശതമാനം വോട്ടാണ് സാം കെറിന് ലഭിച്ചത്.