ദുഹൈലിനെ തരിപ്പണമാക്കി ഹിലാൽ ഫൈനലിന്

ദോ​ഹ: ഏ​ഷ്യ​ൻ ചാ​മ്പ്യ​ൻ​മാ​ർ എ​ന്ന ത​ല​യെ​ടു​പ്പു​മാ​യി ക​ള​ത്തി​ലി​റ​ങ്ങി​യ സൗ​ദി ക്ല​ബ് അ​ൽ ഹി​ലാ​ലി​ന്റെ കു​തി​പ്പി​ന് ത​ട​യി​ടാ​ൻ ഖ​ത്ത​റി​ന്റെ അ​ൽ ദു​ഹൈ​ലി​ന് ക​ഴി​ഞ്ഞി​ല്ല.

അ​ൽ തു​മാ​മ സ്റ്റേ​ഡി​യം സാ​ക്ഷി​യാ​യ മ​ത്സ​ര​ത്തി​ൽ മ​റു​പ​ടി​യി​ല്ലാ​ത്ത ഏ​ഴ് ഗോ​ളി​നാ​യി​രു​ന്നു അ​ൽ ഹി​ലാ​ൽ അ​ൽ ദു​ഹൈ​ലി​നെ തോ​ൽ​പി​ച്ച​ത്.

അ​ർ​ജ​ന്റീ​ന​ക്കാ​രാ​യ പ​രി​ശീ​ല​ക​ർ ത​മ്മി​ലെ ഏ​റ്റു​മു​ട്ട​ൽ എ​ന്ന​നി​ല​യി​ൽ ശ്ര​ദ്ധേ​യ​മാ​യ മ​ത്സ​ര​ത്തി​ൽ റാ​മോ​ൺ ഡ​യ​സി​ന് മു​ന്നി​ൽ ഏ​റെ ജൂ​നി​യ​റാ​യ ഹെ​ർ​നാ​ൻ​ ക്രെ​സ്​​പോ​ക്ക് അ​ത്ഭു​ത​ങ്ങ​ളൊ​ന്നും കാ​ണി​ക്കാ​നാ​യി​ല്ല.

ഏ​ഷ്യ​ൻ ഫു​ട്ബാ​ളി​ലെ വ​മ്പ​ൻ ക്ല​ബു​ക​ളു​ടെ പോ​രാ​ട്ട​മാ​യ എ.​എ​ഫ്.​സി ചാ​മ്പ്യ​ൻ​സ് ലീ​ഗ് പ​ടി​ഞ്ഞാ​റ​ൻ മേ​ഖ​ലാ നോ​ക്കൗ​ട്ട് മ​ത്സ​ര​ങ്ങ​ൾ​ക്കാ​ണ് ദോ​ഹ വേ​ദി​യാ​യ​ത്. സെ​മി​യി​ൽ ജ​യി​ച്ച​തോ​ടെ നി​ല​വി​ലെ ജേ​താ​ക്ക​ളാ​യ അ​ൽ ഹി​ലാ​ലി​ന് ഏ​പ്രി​ൽ 29ന് ​റി​യാ​ദി​ലും മേ​യ് ആ​റി​ന് ജ​പ്പാ​നി​ലു​മാ​യി ന​ട​ക്കു​ന്ന ക​ലാ​ശ​പ്പോ​രാ​ട്ട​ത്തി​ൽ ഉ​റ​വ റെ​ഡ് ഡ​യ​മ​ണ്ട്സി​നെ നേ​രി​ടാം.

തു​മാ​മ സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ ഏ​ക​പ​ക്ഷീ​യ​മാ​യി​രു​ന്നു ഹി​ലാ​ലി​ന്റെ കു​തി​പ്പ്. ക​ളി​യു​ടെ ര​ണ്ടാം മി​നി​റ്റി​ൽ നൈ​ജീ​രി​യ​ൻ ദേ​ശീ​യ​താ​രം ഇ​ഗാ​ലോ ഓ​ഡി​യോ​ണി​ന്റെ ഗോ​ളി​ൽ തു​ട​ങ്ങി​യ ഹി​ലാ​ൽ 62 മി​നി​റ്റി​നു​ള്ളി​ൽ ഏ​ഴു​വ​ട്ടം വ​ല​കു​ലു​ക്കി.

ഇ​ഗാ​ലോ ക​ളി​യു​ടെ ര​ണ്ട്, 10, 48, 62 മി​നി​റ്റു​ക​ളി​ലാ​യി നാ​ലു ഗോ​ളു​ക​ൾ നേ​ടി. മാ​ലി താ​രം മൗ​സ മ​രേ​ഗ ര​ണ്ടും, സൗ​ദി ദേ​ശീ​യ താ​രം സ​ലിം അ​ൽ ദൗ​സ​രി ഒ​രു ഗോ​ളും കു​റി​ച്ചു.