Begin typing your search above and press return to search.
proflie-avatar
Login
exit_to_app
exit_to_app
Yusuf Pathan
cancel
Homechevron_rightSportschevron_rightCricketchevron_rightവെടിക്കെട്ട്​...

വെടിക്കെട്ട്​ ബാറ്റിങ്ങിന്‍റെ കരുത്ത്​ വിളക്കിച്ചേർത്ത കരിയറിന്​ വിരാമം; യൂസുഫ്​ പത്താൻ പാഡഴിച്ചു

text_fields
bookmark_border

ബറോഡ: വിസ്​ഫോടനാത്​മക ബാറ്റിങ്ങിന്‍റെ ശൗര്യവുമായി ഇന്ത്യൻ ക്രിക്കറ്റിനെ ത്രസിപ്പിച്ച യൂസുഫ്​ പത്താൻ കളിയുടെ പോർവീര്യങ്ങളിൽനിന്ന്​ പാഡഴിച്ചുപിൻവാങ്ങി. ഇന്ത്യക്കുവേണ്ടി ബാറ്റിങ്ങിലും ബൗളിങ്ങിലും മികവുറ്റ പ്രകടനങ്ങൾ കാഴ്ചവെച്ച 38കാരൻ ട്വിറ്ററിലൂടെയാണ്​ കളിയിൽനിന്ന്​ വിരമിക്കുന്ന വിവരം അറിയിച്ചത്​. രാജ്യാന്തര മത്സരങ്ങളും ഫസ്റ്റ്​ ക്ലാസ്​ ക്രിക്കറ്റും ഉൾപെടെ എല്ലാ ഫോർമാറ്റുകളിൽനിന്നും വിരമിക്കുന്നതായാണ്​ യൂസുഫിന്‍റെ പ്രഖ്യാപനം.

ഇന്ത്യൻ ടീമിനൊപ്പം രണ്ടു ലോകകപ്പ്​ വിജയങ്ങളിൽ പങ്കാളിയാണ്​ ഈ ബറോഡക്കാരൻ​. 2007ലെ ട്വന്‍റി20 ലോകകപ്പിലും 2011ലെ ഏകദിന ലോകകപ്പിലും ഈ വെടിക്കെട്ടുവീരന്‍റെ കൈയൊപ്പുണ്ട്​. കൊൽക്കത്ത നൈറ്റ്​റൈഡേഴ്​സ്​ നിരയിൽ സജീവ സാന്നിധ്യമായിരുന്ന അദ്ദേഹം, ടീമിനൊപ്പം ഐ.പി.എൽ വിജയത്തിലും പങ്കാളിയായി. നൈറ്റ്​റൈഡേഴ്​സി​െനാപ്പം രണ്ടു തവണയും രാജസ്​ഥാൻ റോയൽസിനൊപ്പം ഒരു തവണയും ചാമ്പ്യൻപട്ടത്തിലേറി. 'ഇത്രകാലം എന്‍റെ നിറമനസ്സോടെ പിന്തുണക്കുകയും സ്​നേഹിക്കുകയും ചെയ്​ത എന്‍റെ കുട​ുംബം, സുഹൃത്തുക്ക​ൾ, ആരാധകർ, ടീമുകൾ, പരിശീലകർ എന്നിവർക്കെല്ലാം ഈ അവസരത്തിൽ നന്ദി അറിയിക്കുന്നു'-വിരമിക്കൽ ​തീരുമാനം വിശദീകരിക്കുന്ന കുറിപ്പിൽ യൂസുഫ്​ എഴുതി. മുൻ ഇന്ത്യൻ താരം ഇർഫാൻ പത്താന്‍റെ സ​ഹോദരനാണ്​ യൂസുഫ്​.


57 ഏകദിനങ്ങളിൽ രണ്ടു സെഞ്ച്വറിയടക്കം 810 റൺസ്​ നേടിയ യൂസുഫിന്‍റെ സ്​ട്രൈക്​ റേറ്റ്​ 113.60 ആണ്​. 22 ട്വന്‍റി20 മത്സരങ്ങളിൽ 236 റൺസും നേടിയിട്ടുണ്ട്​. 100 ഫസ്റ്റ്​ ക്​ളാസ്​ മത്സരങ്ങളിലും 199 ലിസ്റ്റ്​ എ മത്സരങ്ങളിലും കളത്തിലിറങ്ങിയ ഓൾറൗണ്ടർ ഐ.പി.എൽ ഉൾപെടെ മൊത്തം 274 ട്വന്‍റി20 മത്സരങ്ങളിൽ കളിച്ചിട്ടുണ്ട്​. ട്വന്‍റി20യിൽ മൊത്തം ഒരു സെഞ്ച്വറിയും 21 അർധസെഞ്ച്വറിയുമടക്കം 140 സ്​ട്രൈക്​ റേറ്റിൽ 4852 റൺസ്​ നേടി.

ഏകദിനങ്ങളിൽ 33ഉം രാജ്യാന്തര ട്വന്‍റി20യിൽ 13ഉം വിക്കറ്റെടുത്തിട്ടുണ്ട്​. ട്വന്‍റി20 കരിയറിൽ മൊത്തം 99 വിക്കറ്റാണ്​ സമ്പാദ്യം. ലിസ്റ്റ്​ എയിൽ 124ഉം ഫസ്റ്റ്​ക്ലാസ്​ ക്രിക്കറ്റിൽ 201ഉം വിക്കറ്റുകൾക്ക്​ ഉടമയാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Yusuf PathanIndian Cricket
News Summary - Yusuf Pathan retires from cricket
Next Story