Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightകോഹ്​ലിയും...

കോഹ്​ലിയും രോഹിത്തുമില്ല; ലങ്കൻ പര്യടനത്തിൽ ടീം ഇന്ത്യയെ നയിക്കാൻ സാധ്യത ഇവർക്ക്​

text_fields
bookmark_border
kohli rohit
cancel

ന്യൂഡൽഹി: ഇന്ത്യൻ ക്രിക്കറ്റ്​ ടീം ജൂലൈയിൽ ശ്രീലങ്കയിൽ പരിമിത ഓവർ പരമ്പര കളിക്കുമെന്ന്​ ബി.സി.സി.ഐ അധ്യക്ഷൻ സൗരവ്​ ഗാംഗു​ലി കഴിഞ്ഞ ദിവസം വ്യക്തമാക്കിയിരുന്നു. സീനിയർ താരങ്ങളായ വിരാട്​ കോഹ്​ലിയും രോഹിത്​ ശർമയും പര്യടനത്തിനുണ്ടാവുകയില്ലെന്നും ഗാംഗുലി സൂചിപ്പിച്ചു. ഇൗ അവസരത്തിൽ സ്വാഭാവികമായും ഇന്ത്യൻ ടീമിനെ നയിക്കുന്നത്​ ആരാകുമെന്ന്​ ചോദ്യം ഉയരും.

ഒന്ന്​ രണ്ട്​ മാസങ്ങൾ ശേഷിക്കുന്നതിനാലും കോവിഡ്​ മഹാമാരിയും പരിഗണിക്കു​േമ്പാൾ നായകന്‍റെ കാര്യത്തിൽ ഒരു പ്രവചനം നടത്തുക എളുപ്പമല്ല. ലോക ടെസ്റ്റ്​ ചാമ്പ്യൻഷിപ്പ്​ ഫൈനലും ഇംഗ്ലണ്ടിനെതിരെ അഞ്ച്​ ടെസ്റ്റുകളടങ്ങിയ പരമ്പരയും കളിക്കാനായി ഇന്ത്യ യു.കെയിലേക്ക്​ പറക്കാനിരിക്കുകയാണ്​.

തിരക്കേറിയ ഷെഡ്യൂൾ ആയതിനാലാണ്​ കോഹ്​ലിക്കും രോഹിത്തിനും വിശ്രമം അനുവദിക്കാൻ ടീം മാനേജ്​മെന്‍റ്​ തീരുമാനിച്ചത്​. ലങ്കക്കെതിരെ ഇന്ത്യയെ നയിക്കാൻ സാധ്യതയുള്ള മൂന്ന്​ താരങ്ങൾ ഇവരാണ്​.

ശിഖർ ധവാൻ


ഇട​ൈ​ങ്കയ്യൻ ബാറ്റ്​സ്​മാനായ ധവാന്​ ഐ.പി.എല്ലിൽ സൺറൈസേഴ്​സ്​ ഹൈദരാബാദിനെ നയിച്ച പരിചയമുണ്ട്​. അന്താരാഷ്​ട്ര ക്രിക്കറ്റിലെ അനുഭവ സമ്പത്തും താരത്തിനെ തുണച്ചേക്കാം.

ഈ സീസൺ ഐ.പി.എല്ലിൽ മികച്ച ഫോമിലായിരുന്നു താരം. അനുഭവ സമ്പത്താണ്​ ബി.സി.സി​.ഐ നായക സ്​ഥാനത്തിനായി പരിഗണിക്കുന്നതെങ്കിൽ ധവാനായിരിക്കും നറുക്ക്​ വീഴുക.

ശ്രേയസ്​ അയ്യർ


ഐ.പി.എല്ലിൽ ഡൽഹി കാപിറ്റൽസ്​ നായകനായ അയ്യർക്ക്​ ഇക്കുറി പരിക്കിനെ തുടർന്ന്​ കളത്തിലിറങ്ങാൻ സാധിച്ചിരുന്നില്ല. എങ്കിലും കഴിഞ്ഞ വർഷം ഡൽഹി കാപിറ്റൽസിനെ ചരിത്രത്തിൽ ആദ്യമായി ഐ.പി.എൽ ഫൈനലിൽ എത്തിച്ച്​ അയ്യർ തന്‍റെ ക്യാപ്​റ്റൻസി മികവ്​ തെളിയിച്ചിരുന്നു.


കോഹ്​ലിയുടെയും രോഹിത്തിന്‍റെയും അഭാവത്തിൽ കണ്ണും പൂട്ടി ടീമിനെ ഏൽപിക്കാൻ പറ്റിയ ആളാണെങ്കിലും താരത്തിന്‍റെ ഫിറ്റ്​നസിന്‍റെ കാര്യത്തിൽ സംശയമുണ്ട്​.

ഋഷഭ്​ പന്ത്​


അയ്യർക്ക്​ പകരം ഈ സീസണിൽ ഡൽഹിയെ നയിച്ച ഋഷഭ്​ പന്തിനെയും നായകനായി പരിഗണിക്കാൻ സാധ്യതയുണ്ട്​. എട്ട്​ മത്സരങ്ങളിൽ ടീമിനെ നയിച്ച പന്ത്​ ആറ്​ വിജയങ്ങൾ സ്വന്തമാക്കിയിരുന്നു. 12 പോയന്‍റുമായി ഡൽഹി പോയന്‍റ്​ പട്ടികയിൽ ഒന്നാം സ്​ഥാനത്തേക്കുയർന്ന വേളയിലാണ്​ കോവിഡ്​ വ്യാപനം മൂലം ടൂർണമെന്‍റ്​ നീട്ടിവെച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Rohit sharmaVirat Kohliindian cricketSri Lanka Tour
News Summary - Virat Kohli and Rohit Sharma's Absence these stars may Lead India During Sri Lanka Tour
Next Story