'ഞങ്ങൾക്കൊരു പെൺകുഞ്ഞ്​ ജനിച്ചു', സന്തോഷം പങ്കുവച്ച്​ കോഹ്​ലിയും അനുഷ്​കയും

ഇന്ത്യൻ ക്രിക്കറ്റ്​ ടീം ക്യാപ്​ടൻ വിരാട്​ കോഹ്​ലിയും ബോളിവുഡ്​ നടി അനുഷ്​കശർമയും പെൺകുഞ്ഞിന്‍റെ മാതാപിതാക്കളായി. കോഹ്​ലി തന്നെയാണ്​ സമൂഹമാധ്യമങ്ങളിലൂടെ ഇക്കാര്യം അറിയിച്ചത്​. മുംബൈ ബ്രീച്ച്​ കാൻഡി ആശുപത്രിയിലായിരുന്നു കുഞ്ഞിന്‍റെ ജനനം. തിങ്കളാഴ്ച​ രാവിലെയാണ്​ അനുഷ്കയെ ആശുപത്രിയിൽ പ്രവേശിപ്പിച്ചത്​.

♥️ pic.twitter.com/js3SkZJTsH

— Virat Kohli (@imVkohli) January 11, 2021

'ഞങ്ങൾക്കൊരു പെൺകുഞ്ഞിനെ നൽകി ദൈവം അനുഗ്രഹിച്ചെന്ന വിവരം നിങ്ങളുമായി പങ്കിടുന്നതിൽ സന്തോഷമുണ്ട്. നിങ്ങളുടെ സ്നേഹത്തിനും പ്രാർഥനയ്ക്കും ആശംസകൾക്കും നന്ദി. അനുഷ്കയും കുഞ്ഞും ആരോഗ്യത്തോടെയിരിക്കുന്നു. ഞങ്ങളുടെ ജീവിതത്തിൽ പുതിയൊരു അധ്യായം ആരംഭിക്കാൻ കഴിഞ്ഞതിൽ ഞങ്ങൾ ഭാഗ്യവാന്മാരാണ്​. ഈ സമയത്ത് ഞങ്ങളുടെ സ്വകാര്യതയെ ബഹുമാനിക്കാൻ നിങ്ങൾക്ക് കഴിയുമെന്ന് പ്രതീക്ഷിക്കുന്നു. സ്നേഹം, വിരാട്'

Latest Video: