പി​ള്ളേ​ര് പൊളപ്പനാണ് കേട്ടാ

തി​രു​വ​ന​ന്ത​പു​രം: ‘ഓ, ​ലോ​ക​ക​പ്പ് ഫൈ​ന​ലി​ല് തോ​റ്റ​പ്പം മു​ത​ൽ തു​ട​ങ്ങി​യ ത​രി​പ്പാ​ണ് കേ​ട്ടാ. ത​ള്ളേ, അ​ത​ങ്ങ് തീ​ർ​ന്ന്, അ​ടി​ച്ച​ങ്ങ് പി​രു​ത്ത്. ബൗ​ളി​ങ്ങും ഫീ​ൽ​ഡി​ങ്ങും മാ​ര​കം. സ​ഞ്ജു​വും വേ​ണാ​യി​രു​ന്ന്, എ​ങ്കി​ലും പു​തി​യ പി​ള്ളേ​ര് പൊ​ള​പ്പ​നാ​ണ് കേ​ട്ടാ’. ഗ്രീ​ൻ​ഫീ​ൽ​ഡി​ലെ ആ​സ്ട്രേ​ലി​യ​ക്കെ​തി​രാ​യ ‘ഗ്രേ​റ്റ് ഇ​ന്ത്യ​ൻ വി​ക്ട​റി’ ക​ണ്ടി​റ​ങ്ങി​യ തി​രു​വ​ന​ന്ത​പു​ര​ത്തു​കാ​രു​ടെ വാ​ക്കു​ക​ളി​ലു​ണ്ട് അ​ടു​ത്തൊ​രു ലോ​ക​ക​പ്പ് സ്വ​പ്നം. ചൈ​ന​യി​ലെ ഏ​ഷ്യ​ൻ ഗെ​യിം​സി​ൽ ഫ്ലാ​ഗ് ഓ​ഫ് ചെ​യ്ത ‘ന​വ ഇ​ന്ത്യ യാ​ത്ര ബ​സ്’ ഇ​ങ്ങ് തെ​ക്കേ അ​റ്റ​ത്തു​ള്ള കാ​ര്യ​വ​ട്ടം​വ​രെ​യെ​ത്തി നി​ൽ​ക്കു​മ്പോ​ൾ ബി.​സി.​സി.​ഐ​യും സെ​ല​ക്ട​ർ​മാ​രും പ​റ​യു​ന്നു ‘പി​ള്ളേ​ര് കൊ​ള്ളാം’.

കു​ട്ടി​ക്രി​ക്ക​റ്റി​ലെ ലോ​ക​ക​പ്പ് സ്വ​പ്നം

ഭ​യ​മെ​ന്തെ​ന്ന​റി​യാ​ത്ത, ക​രു​ത്തു​കൊ​ണ്ടും ബു​ദ്ധി​കൊ​ണ്ടും ക്രീ​സ് ഭ​രി​ക്കു​ന്ന, അ​ടി​ച്ചാ​ൽ തി​രി​ച്ച​ടി​യാ​ൻ ക​ഴി​വു​ള്ള, കൂ​ടെ​യു​ള്ള​വ​ൻ വീ​ണാ​ലും ജ​യി​ച്ചേ മ​ട​ങ്ങൂ​വെ​ന്ന് ഉ​റ​പ്പു​ള്ള ഒ​രു​കൂ​ട്ടം ചെ​റു​പ്പ​ക്കാ​രു​ടെ നി​ര വീ​ണ്ടും ഇ​ന്ത്യ​യെ കു​ട്ടി​ക്രി​ക്ക​റ്റി​ലെ ലോ​ക​ക​പ്പ് സ്വ​പ്നം കാ​ണാ​ൻ പ്രേ​രി​പ്പി​ച്ചി​രി​ക്കു​ന്നു. ത​ങ്ങ​ളു​ടെ ദൗ​ർ​ബ​ല്യ​ത്തെ​ക്കു​റി​ച്ച് ഇ​വ​ർ ചി​ന്തി​ക്കാ​റി​ല്ല. പ​ക​രം നി​ല​വി​ലെ ക​രു​ത്തി​നെ​യും ടെ​ക്നി​ക്കു​ക​ളെ​യും മെ​ച്ച​പ്പെ​ടു​ത്താ​നു​ള്ള ശ്ര​മ​ത്തി​ലാ​ണ് ഓ​രോ താ​ര​വും. അ​ടു​ത്ത​വ​ർ​ഷ​ത്തെ ലോ​ക​ക​പ്പ് ട്വ​ന്‍റി20 ലോ​ക​ക​പ്പ് ടീ​മി​ൽ ഇ​ടം​പി​ടി​ക്ക​ണ​മെ​ന്ന​ത് മാ​ത്ര​മാ​ണ് ഇ​വ​രു​ടെ സ്വ​പ്നം. മി​ക​ച്ച 11 പേ​രി​ൽ ഒ​രാ​ളാ​കു​ക. ആ 11​ൽ ലോ​ക ഒ​ന്നാം ന​മ്പ​ർ ട്വ​ന്‍റി20 ബാ​റ്റ​റാ​യ ത​ന്‍റെ ക​സേ​ര​ക്കു​പോ​ലും ഉ​റ​പ്പി​ല്ലെ​ന്ന് ക്യാ​പ്റ്റ​ൻ സൂ​ര്യ​കു​മാ​റി​നും കാ​ര്യ​വ​ട്ട​ത്തെ മ​ത്സ​രം ക​ഴി​ഞ്ഞ​തോ​ടെ ഉ​റ​പ്പാ​യി​ട്ടു​ണ്ട്. ഇ​നി​യു​ള്ള ഒ​രു​വ​ർ​ഷം ഫി​നി​ഷ​റു​ടെ റോ​ളി​ൽ സൂ​ര്യ​ക്ക് വെ​ല്ലു​വി​ളി​യാ​കു​ക ഫ​യ​ർ ബ്രാ​ൻ​ഡ് റി​ങ്കു സി​ങ്ങാ​യി​രി​ക്കു​മെ​ന്ന് ക​ഴി​ഞ്ഞ ര​ണ്ടു മ​ത്സ​ര​ങ്ങ​ൾ ഉ​റ​പ്പി​ച്ചു ക​ഴി​ഞ്ഞു.

ചീ​ത്ത​പ്പേ​രു​ക​ളെ ത​ല്ലി​ക്കെ​ടു​ത്തി കാ​ര്യ​വ​ട്ടം

കാ​ര്യ​വ​ട്ട​ത്തി​നു​മേ​ൽ ബി.​സി.​സി.​ഐ​യും ഐ.​സി.​സി​യും ചാ​ർ​ത്തി​യ ചീ​ത്ത​പ്പേ​രു​ക​ളെ ത​ല്ലി ബൗ​ണ്ട​റി ക​ട​ത്തി​യാ​ണ് നീ​ല​പ്പ​ട ഗു​വാ​ഹ​തി​യി​ലേ​ക്ക് വി​മാ​നം ക​യ​റി​യ​ത്. ബൗ​ള​ർ​മാ​രു​ടെ പ​റു​ദീ​സ​യെ​ന്നും ലോ ​സ്കോ​റി​ങ് പി​ച്ചു​ക​ളെ​ന്നു​മു​ള്ള വി​ധി​യെ​ഴു​ത്തി​നെ ഇ​ന്ത്യ​യും ആ​സ്ട്രേ​ലി​യ​യും മാ​ണ്ഡ്യ പി​ച്ചി​ൽ തൂ​ത്തെ​റി​യു​ക​യാ​യി​രു​ന്നു. ഇ​രു​ടീ​മും 40 ഓ​വ​റി​ൽ അ​ടി​ച്ചു​കൂ​ട്ടി​യ​ത് 426 റ​ൺ. ഇ​തി​ൽ ഇ​ന്ത്യ അ​ടി​ച്ച 235 റ​ൺ​സ് ആ​സ്ട്രേ​ലി​ക്കെ​തി​രെ ട്വ​ന്‍റി20​യി​ൽ നേ​ടു​ന്ന ഉ​യ​ർ​ന്ന സ്കോ​റാ​ണ്.

ശ​ക്ത​മാ​യ മ​ഞ്ഞു​വീ​ഴ്ച ക​ണ​ക്കി​ലെ​ടു​ത്താ​ണ് ടോ​സ് നേ​ടി​യ ആ​സ്ട്രേ​ലി​യ​ൻ ക്യാ​പ്റ്റ​ൻ മാ​ത്യു വൈ​ഡ് ഇ​ന്ത്യ​ന്‍ ബാ​സ്മാ​ന്മാ​രെ ബാ​റ്റി​ങ്ങി​ന​യ​ച്ച​ത്. വ​ര​ണ്ട പി​ച്ചി​ൽ ബൗ​ള​ർ​മാ​ർ​ക്ക് യാ​തൊ​രു ആ​നൂ​കൂ​ല്യ​വും കി​ട്ടി​ല്ലെ​ന്ന് മ​ന​സ്സി​ലാ​ക്കി​യ​തു​കൊ​ണ്ടു​ത​ന്നെ ക​ഴി​വി​ന്‍റെ പ​ര​മാ​വ​ധി റ​ൺ​സ് സ്കോ​ർ​ബോ​ർ​ഡി​ലേ​ക്ക് അ​ടി​ച്ചു​കൂ​ട്ടാ​നാ​യി​രു​ന്നു ക്യാ​പ്റ്റ​ൻ സൂ​ര്യ​കു​മാ​ർ യാ​ദ​വി​ന്‍റെ ഉ​പ​ദേ​ശം. പ​വ​ർ പ്ലേ​യി​ൽ​ത​ന്നെ 50 തി​ക​ച്ചു​കൊ​ണ്ട് ജ​യ്സ്വാ​ൾ കാ​ര്യ​വ​ട്ട​ത്തി​ന്‍റെ​യും യ​ശ​സ്സ് ഉ​യ​ർ​ത്തി. ആ​റ് ഓ​വ​റി​ൽ 50 അ​ർ​ധ​ശ​ത​കം തി​ക​ക്കു​ന്ന മൂ​ന്നാം ഇ​ന്ത്യ​ൻ ബാ​സ്മാ​നെ​ന്ന ബ​ഹു​മ​തി ഇ​തോ​ടെ ഈ ​ഉ​ത്ത​ർ​പ്ര​ദേ​ശു​കാ​ര​നെ തേ​ടി​യെ​ത്തി. പ​വ​ർ പ്ലേ​യി​ൽ കാ​ര്യ​വ​ട്ട​ത്ത് നേ​ടി​യ 77 റ​ൺ​സ് ആ​സ്ട്രേ​ലി​യ​ക്കെ​തി​രെ ഇ​ന്ത്യ നേ​ടു​ന്ന ഉ​യ​ർ​ന്ന സ്കോ​റാ​ണ്. 20 ഓ​വ​റി​ൽ 13 സി​ക്സു​ക​ളും 19 ഫോ​റു​ക​ളു​മാ​ണ് ഇ​ന്ത്യ സ​ന്ദ​ർ​ശ​ക​ർ​ക്കെ​തി​രെ അ​ടി​ച്ചു​കൂ​ട്ടി​യ​ത്. ഒ​രു​പ​ക്ഷേ, തു​ട​ക്കം മു​ത​ൽ ഋ​തു​രാ​ജ് ഗെ​യ്ക്ക്‍വാ​ദും ആ​ക്ര​മി​ച്ച് ക​ളി​ച്ചി​രു​ന്നെ​ങ്കി​ൽ ഇ​ന്ത്യ​ൻ സ്കോ​ർ 250 ക​ട​ന്നേ​നെ. ഗ്രീ​ൻ​ഫീ​ൽ​ഡി​ന്‍റെ ച​രി​ത്ര​ത്തി​ൽ ആ​ദ്യ​മാ​യാ​ണ് ഇ​രു​ടീ​മും എ​ല്ലാ പ​ന്തു​ക​ളും ക​ളി​ക്കു​ന്ന​തെ​ന്ന പ്ര​ത്യേ​ക​ത​യും സം​ഭ​വി​ച്ചു.

ബൗ​ളി​ങ് ദു​ഷ്ക​ര​മാ​യ പി​ച്ചി​ലും കാ​ലാ​വ​സ്ഥ​യി​ലും ഗ്ലെ​ൻ മാ​ക്സ് വെ​ൽ, മാ​ത്യു ഷോ​ർ​ട്ട്, ടിം ​ഡേ​വി​ഡ്, മ​ർ​ക്ക​സ് സ്റ്റോ​നി​സ്, ജോ​ഷ് ഇം​ഗ്ലി​സ്, സ്റ്റീ​വ് സ്മി​ത്ത്, മാ​ത്യു വെ​യി​ഡ് തു​ട​ങ്ങി​യ​വ​രെ പി​ടി​ച്ചു​കെ​ട്ടി​യ ഇ​ന്ത്യ​ൻ ബൗ​ളി​ങ് നി​ര​യാ​യി​രു​ന്നു യ​ഥാ​ർ​ഥ വി​ജ​യ​ശി​ൽ​പി​ക​ൾ. ആ​സ്ട്രേ​ലി​യ​യു​ടെ ഒ​ന്നാം​നി​ര ല​ഗ്സ്പി​ന്ന​ർ ആ​ദം സാം​പ​ക്കും മാ​ക്സ് വെ​ല്ലി​നും ചെ​യ്യാ​ൻ ക​ഴി​യാ​ത്ത മാ​ജി​ക്കാ​ണ് ര​വി ബി​ഷ്ണോ​യും അ​ക്സ​ർ പ​ട്ടേ​ലും പു​റ​ത്തെ​ടു​ത്ത​ത്. ഇ​രു​വ​രും ചേ​ർ​ന്ന് 48 പ​ന്തി​ൽ 57 റ​ൺ​സ് വ​ഴ​ങ്ങി പി​ഴു​തെ​ടു​ത്ത​ത് നാ​ലു വി​ക്ക​റ്റാ​ണ്. ഈ ​എ​ട്ടോ​വ​റാ​ണ് ക​ളി​യു​ടെ ഗ​തി​മാ​റ്റി​യ​തും. ശ​ക്ത​രാ​യ ര​ണ്ട് ടീ​മു​ക​ൾ ത​ല​സ്ഥാ​ന​ത്ത് എ​ത്തി​യി​ട്ടും ഗാ​ല​റി നി​റ​ഞ്ഞി​ല്ലെ​ന്ന​ത് കേ​ര​ള​ത്തി​ന് നാ​ണ​ക്കേ​ടാ​യി. പ​ക്ഷേ, അ​ടു​ത്ത​വ​ർ​ഷം വീ​ണ്ടും ഗ്രീ​ൻ​ഫീ​ൽ​ഡി​ലെ ഗാ​ല​റി​യി​ൽ നീ​ല​ക്ക​ട​ൽ ഇ​ര​മ്പം കേ​ൾ​ക്കാം. അ​തി​നു​ള്ള വെ​ടി​മ​രു​ന്ന് ആ​രാ​ധ​ക​രു​ടെ മ​ന​സ്സി​ൽ സൂ​ക്ഷി​ച്ചാ​ണ് ‍യു​വ ഇ​ന്ത്യ മ​ട​ങ്ങി​യ​ത്.