Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightലോകകപ്പ്​ മെഡൽ...

ലോകകപ്പ്​ മെഡൽ കഴുത്തിലണിഞ്ഞാണ്​ ആ രാത്രി ഞാൻ ഉറങ്ങിയത്​; ഐതിഹാസിക വിജയത്തിന്‍റെ ഓർമ പുതുക്കി ഇന്ത്യൻ താരം

text_fields
bookmark_border
team india 2011 ODI world cup
cancel

ന്യൂഡൽഹി: ഇന്ത്യൻ ക്രിക്കറ്റിന്‍റെ കളിമുറ്റമായ വാങ്കഡെ സ്​റ്റേഡിയത്തിന്‍റെ വിരിമാറിൽ എം.എസ്​. ധോണിയും സംഘവും ചരിത്രം കുറിച്ചിട്ട് ഇന്നേക്ക്​ 10 വർഷം തികയുകയാണ്​. ഒന്നോ രണ്ടോ കളിക്കാരുടെ മാത്രം മികവിൽ ഇന്ത്യ നേടിയ കിരീട വിജയമായിരുന്നില്ല അത്​. മൊത്തത്തിൽ ഒരു ടീം ഗെയിമിന്‍റെ ഫലമായിട്ടായിരുന്നു രണ്ടാം ഏകദിന ലോകകപ്പ്​ ബി.സി.സി.ഐയുടെ ഷെൽഫിലെത്തിയത്​.

വിവിധ ഘട്ടങ്ങളിൽ ഒരോ കളിക്കാരനും നിസ്​തുലമായ സംഭാവനകൾ നൽകി ടീമിന്‍റെ ഭാഗമായി. ഒമ്പത്​ മത്സരങ്ങളിൽ നിന്ന്​ 482 റൺസുമായി ഇതിഹാസ താരം സചിൻ ടെണ്ടുൽക്കറാണ് ടോപ്​സ്​കോറർ​. ഗൗതം ഗംഭീർ (393), വീരേന്ദർ സേവാഗ്​ (380), യുവരാജ്​ സിങ്​ (362) എന്നിവർ ബാറ്റുകൊണ്ട്​ മികച്ച സംഭാവന നൽകി. സഹീർ ഖാൻ (21), യുവരാജ്​ (15), മുനാഫ്​ പ​േട്ടൽ (11), ഹർഭജൻ (9) എന്നിവർ പന്തുകൊണ്ടും തിളങ്ങി.


ലോകകപ്പ്​ വിജയവും അതുമായി ബന്ധപ്പെട്ട അനുഭവവും ഒരു ദേശീയ മാധ്യമവുമായി പങ്കുവെച്ചിരിക്കുകയാണ്​ ഇന്ത്യൻ സ്​പിന്നർ ഹർഭജൻ സിങ്​. അഭിമുഖത്തിന്‍റെ പ്രസക്ത ഭാഗങ്ങൾ ചുവടെ.

2011ലെ ലോകകപ്പ്​ വിജയത്തിന്​ 10 വയസ്സായത്​ താങ്കൾക്ക്​ വിശ്വസിക്കാൻ സാധിക്കുന്നുണ്ടോ?

സമയം എത്രവേഗമാണ്​ കടന്ന്​ പോകുന്നത്​. കഴിഞ്ഞ ദിവസം സംഭവിച്ച പോലെയാണ്​ എനിക്ക്​ തോന്നുന്നത്​. ലോകകപ്പ്​ വിജയവും അതിന്‍റെ ഓർമകളും ഇന്നും മനസ്സിൽ പുതുമയോടെ കാത്തുസൂക്ഷിക്കുന്നു.

എങ്കിലും വാങ്കഡെ സ്​റ്റേഡിയത്തിൽ പോകു​േമ്പാൾ എനിക്ക്​ രോമാഞ്ചമൊന്നും വരാറില്ല, കാരണം അതിന്​ ശേഷവും ഞങ്ങൾ എത്രയോ മത്സരങ്ങൾ അവിടെ കളിച്ചിരിക്കുന്നു.

ലോകകപ്പ്​ നേട്ടത്തിലെ ഒരു സ്​പെഷ്യൽ അനുഭവം ഓർത്തെടുക്കാമോ?

ലോകകപ്പ്​ ഉയർത്തിയ ആ നിമഷമാണ്​ ഏറ്റവും പ്രിയപ്പെട്ടത്​. ആ ഒരു അനുഭവത്തെ കവച്ചുവെക്കുന്ന മറ്റൊന്നില്ല. ലോകകപ്പ്​ മെഡൽ കഴുത്തലണിഞ്ഞാണ്​ ഞാൻ ആ രാത്രി കിടന്നുറങ്ങിയത്​. പ്രകടനത്തെ കുറിച്ച്​ പറയു​േമ്പാൾ ക്വാർട്ടറിൽ ഓസീസിനെതിരെ സഹീറിന്‍റെ പ്രകടനം എടുത്തു പറയണം. മൈക്ക്​ ഹസിയെ ബൗൾഡാക്കുകയും കാമറൂൺ വൈറ്റിനെ സ്വന്തം പന്തിൽ പിടികൂടുകയും ചെയ്​താണ് സാക്​ മത്സരം ഞങ്ങൾക്ക്​ അനുകൂലമാക്കിയത്​.

ഇംഗ്ലണ്ടിനെതിരെ സമനിലയായ മത്സരത്തിലെ മൂന്ന്​ വിക്കറ്റും പാകിസ്​താനെതിരായ സെമിയിലെ പ്രകടനവും വളരെ സ്​പെഷ്യലാണ്​.

പാകിസ്​താനെതിരായ സെമിയിൽ നേടിയ ആ രണ്ട്​ വിക്കറ്റിനെ കുറിച്ച്​ പറയാമോ?

ഞങ്ങൾക്ക്​ അത്​ ശരിക്കും ഫൈനൽ പോലെയായിരുന്നു. രണ്ട്​ പ്രധാനമന്ത്രിമാർ കാണികളായെത്തിയ പാകിസ്​താനെതിരായ സുപ്രധാനമായ ഒരു മത്സരം തോൽക്കുന്നത്​ ചിന്തിക്കാൻ പോലും സാധിക്കില്ലായിരുന്നു.

രണ്ടാം സ്​പെൽ എറിയാനെത്തു​േമ്പാൾ എനിക്ക്​ വിറക്കുന്നുണ്ടായിരുന്നു. റൺസ്​ അധികം വിട്ടുകൊടുക്കാതെ വിക്കറ്റ്​ വീഴ്​ത്തുക എന്നതായിരുന്നു ലക്ഷ്യം. ആദ്യ പന്തിൽ തന്നെ ഞാൻ ഉമർ അക്​മലിനെ (29) മടക്കി. അത്​ എന്‍റെ ആത്മവിശ്വാസം വർധിപ്പിച്ചു.

പിന്നീടെത്തിയ ഷാഹിദ്​ അഫ്രീദിക്കെതിരെ യോർക്കർ ലെങ്​തിൽ ഞാൻ തുടരെ പന്തുകൾ എറിഞ്ഞു. അഫ്രീദിയെ മേയാൻ വിട്ടാൽ അപകടമാണെന്ന തിരിച്ചറിവിനെ തുടർന്നായിരുന്നു അത്​. മികച്ച്​ ബാറ്റിങ്​ വിക്കറ്റായിരുന്നതിനാൽ തന്നെ ഈർപ്പം വരുന്നതോടെ ബൗളിങ്​ ദുഷ്​കരമായി മാറുമെന്ന അവസ്​ഥയുമുണ്ടായിരുന്നു. അഫ്രീദിക്കെതിരെ ഞാൻ കൂടുതൽ കണിശതയോടെ പ​ന്തെറിഞ്ഞു.

ക്രീസിൽ കാര്യമായി ഒന്നും ചെയ്യാൻ പറ്റാതെ വരുന്നതോടെ അഫ്രീദി പിഴവ്​ കാണിച്ച്​ വിക്കറ്റ്​ വലിച്ചെറിയുമെന്ന പദ്ധതിയിലായിരുന്നു ഞങ്ങൾ. പ്ലാൻ വർക്കൗട്ടായി. അഫ്രീദിയുടെ വിക്കറ്റായിരുന്നു ഏറ്റവും അധികം സംതൃപ്​തി തന്നത്​. അദ്ദേഹം കൂടുതൽ സമയം ക്രീസിൽ തുടർന്നാൽ മത്സരത്തിന്‍റെ ഗതി തന്നെ മാറിയേനെ.

ഫൈനലിൽ ശ്രീലങ്കൻ ഓപണർ തിലക്​രത്​ന ദിൽഷന്‍റെ വിക്കറ്റിനെ പറ്റി?

ദിൽഷൻ ഓഫ്​സൈഡിൽ നന്നായി കളിക്കുമെന്ന കാര്യം അറിയാമായിരുന്നു. അതിനാൽ തന്നെ അതിൽ തന്നെ കെണി ഒരുക്കാനായിരുന്നു പ്ലാൻ. റൗണ്ട്​ ദ വിക്കറ്റിൽ ഓഫ്​ സൈഡിൽ എറിയുന്ന പന്ത്​ ദിൽഷൻ കട്ട്​ ചെയ്​ത്​ കളിക്കുന്നത്​ ബൗൾഡാക്കാൻ സാധ്യതയുണ്ടെന്നായിരുന്നു ചിന്തിച്ചത്​.

2011 ലോകകപ്പ്​ ഫൈനലിൽ ലങ്കയുടെ ദിൽഷന്‍റെ വിക്കറ്റ്​ വീഴ്​ത്തിയ ഹർഭജന്‍റെ ആഹ്ലാദം

ദിൽഷൻ സ്വീപ്​ ഷോട്ടിന്​ ശ്രമിച്ചാൽ എൽ.ബി.ഡബ്ല്യു ആവാനും സാധ്യതയുണ്ടായിരുന്നു. ദിൽഷൻ സ്വീപ്​ ഷോട്ടിനാണ്​ ശ്രമിച്ചത്​. ഒരൽപം ബൗൺസ്​ ചെയ്​ത പന്ത്​ ഗ്ലൗസിൽ ഉരസി സ്റ്റംപിൽ ചെന്ന്​ പതിച്ചു. വിക്കറ്റ്​ കീപ്പറായ ധോണിയുടെ ആഹ്ലാദം കണ്ടാണ്​ അത്​ ഔട്ടാണെന്ന്​ ഞാൻ തിരിച്ചറിഞ്ഞത്​.

2011ലും 1983ലും ലോകകപ്പ് നേടിയ ടീമുകൾ തമ്മിൽ താരതമ്യം ചെയ്യുമ്പോൾ നിങ്ങൾക്ക് എന്തു തോന്നുന്നു?

1983 ലെ ടീം ആ കാലഘട്ടത്തിലെ ഏറ്റവും മികച്ച ടീമാണെന്നും 2011 ൽ കളിച്ച ടീം അവരുടെ കാലഘട്ടത്തിലെ ഏറ്റവും മികച്ചതാണെന്നും എനിക്ക് തോന്നുന്നു. നിലവിലെ ഇന്ത്യൻ ടീം ഈ യുഗത്തിലെ ഏറ്റവും മികച്ച ടീമാണ്​. ഇരു ടീമുകളും നേടിയ നേട്ടങ്ങളെ താരതമ്യം ചെയ്യുന്നത് അന്യായവും അനാദരവുമാണ്. 1983ലെ ചാമ്പ്യൻ ടീം വീണ്ടും ലോകകപ്പ് നേടാൻ ഞങ്ങളെ പ്രചോദിപ്പിച്ചു.

ഇത് പാരമ്പര്യം മുന്നോട്ട് കൊണ്ടുപോകുന്നതിനെക്കുറിച്ചാണ്. ഞങ്ങളുടെ നിലവിലെ ടീമിന് ഈ പാരമ്പര്യം മുന്നോട്ട് കൊണ്ടുപോകാൻ കഴിയുമെന്ന് ഞങ്ങൾ ഇപ്പോൾ പ്രതീക്ഷിക്കുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Cricket World Cupworld cup winIndian cricket
News Summary - slept with the medal around his neck indian spinner remembering victory
Next Story