Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightഇന്ത്യയുടെ ട്വന്‍റി20...

ഇന്ത്യയുടെ ട്വന്‍റി20 ലോകകപ്പ്​ സ്​ക്വാഡ്​ തെരഞ്ഞെടുത്ത്​ മുൻ സെലക്​ടർ; സ്റ്റാർ ബാറ്റ്​സ്​മാൻ പുറത്തായി

text_fields
bookmark_border
saba kareem -team india
cancel

ന്യൂഡൽഹി: ഒക്​ടോബറിൽ തുടങ്ങുന്ന ട്വന്‍റി20 ലോകകപ്പിന്​ മുന്നോടിയായി അവസാന പരിമിത ഓവർ പരമ്പരയും ഇന്ത്യ പൂർത്തിയാക്കി. ഒരുപാട്​ തിരുത്തലുകൾ ചൂണ്ടിക്കാട്ടിയാണ്​ ശ്രീലങ്കക്കെതിരായ ട്വന്‍റി20 പരമ്പരയിൽ ഇന്ത്യ അടിയറവ്​ പറഞ്ഞത്​. ഇന്ത്യയുടെ യുവ ബാറ്റ്​സ്​മാൻമാർക്ക്​ സ്​പിന്നിന്​ മുന്നിൽ മുട്ടിടിക്കുന്നതാണ്​ അതിലെ പ്രധാനപ്പെട്ടത്​​.

മുൻനിര താരങ്ങൾ ലോകടെസ്റ്റ്​ ചാമ്പ്യൻഷിപ്പ്​ ഫൈനലും ഇംഗ്ലണ്ടിനെതിരായ ടെസ്റ്റ്​ പരമ്പരയും കളിക്കാനായി ബ്രിട്ടനിലായതിനാൽ യുവതാരങ്ങളെ അണിനിരത്തിയായിരുന്നു ഇന്ത്യ ലങ്കയിലെത്തിയത്​. എന്നാൽ മികച്ച അവസരം മുതലെടുക്കാൻ മലയാളി താരം സഞ്​ജു സാംസൺ അടക്കമുള്ളവർക്കായില്ല. ഇന്ത്യൻ പ്രീമിയർ ലീഗിലെ പ്രകടനവും കൂടി മുൻനിർത്തിയാകും സെലക്​ടർമാർ ലോകകപ്പിനുള്ള ടീമിനെ തെരഞ്ഞെടുക്കുക.

ഇപ്പോൾ ട്വന്‍റി20 ലോകകപ്പിനുള്ള ഇന്ത്യൻ സ്​ക്വാഡിനെ തെരഞ്ഞെടുത്തിരിക്കുകയാണ്​ മുൻ ഇന്ത്യൻ വിക്കറ്റ്​ കീപ്പറും സെലക്​ടറുമായിരുന്ന സാബ കരീം. പക്ഷേ സാബയുടെ ടീമിൽ വെറ്ററൻ താരം ശിഖർ ധവാനും യൂസ്​വേന്ദ്ര ചഹലിനും ഇടം പിടിക്കാനായില്ല. ഇംഗ്ലണ്ടിൽ ടെസ്റ്റ്​ പരമ്പരക്കായി പോയവരെയും ശ്രീലങ്കൻ പര്യടനത്തിനുമുള്ള ടീമിലെ കളിക്കാരെ അദ്ദേഹം ടീമിലേക്ക്​ പരിഗണിച്ചിട്ടുണ്ട്​.

മത്സരം യു.എ.ഇയിലായതിനാൽ ഓഫ്​ സ്​പിന്നറെ കളിപ്പിക്കേണ്ടതിനാലും സ്​ഥിരതയും പരിഗണിക്കുന്നതിനാൽ വാഷിങ്​ടൺ സുന്ദറിന്​ സ്​ക്വാഡിൽ ഇടം നേടാനായി. അക്രമണോത്സുകതക്കൊപ്പം വിക്കറ്റ്​ വീഴ്​ത്താൻ മിടുക്കനുമായതിനാൽ ചഹലിനെ പിന്തള്ളി രാഹുൽ ചഹർ സുന്ദറിന്‍റെ പങ്കാളിയായി ടീമിലിടം പിടിച്ചു​.

പരിക്ക്​ മാറി താളം കണ്ടെത്തിയ ഭുവനേശ്വർ കുമാർ, ലങ്കയിലും ഇംഗ്ലണ്ടിനെതിരായ ട്വന്‍റി20 പരമ്പരയിലും തിളങ്ങിയ സൂര്യകുമാർ യാദവ്​, ഇഷാൻ കിഷൻ എന്നിവരും ടീമിൽ ഇടംനേടി. അതേ സമയം മലയാളി താരം സഞ്ജു​ സാംസണെ പരിഗണിച്ചില്ല.

കരീമിന്‍റെ ട്വന്‍റി20 ലോകകപ്പിനുള്ള ഇന്ത്യൻ സ്​ക്വാഡ്​:

രോഹിത്​ ശർമ, കെ.എൽ. രാഹുൽ, വിരാട്​ കോഹ്​ലി, ശ്രേയസ്​ അയ്യർ, ഇഷാൻ കിഷൻ, സൂര്യകുമാർ യാദവ്​, ഋഷഭ്​ പന്ത്​, ഹർദിക്​ പാണ്ഡ്യ, വാഷിങ്​ടൺ സുന്ദർ, ടി. നടരാജൻ, ജസ്​പ്രീത്​ ബൂംറ, രവീന്ദ്ര ജദേജ, രാഹുൽ ചഹർ, ദീപക്​ ചഹർ, ഭുവനേശ്വർ കുമാർ.

Show Full Article
TAGS:indian cricket T20 World Cup 2021 Saba Karim 
News Summary - Saba Karim picks India's squad for T20 World Cup this star batsman out
Next Story