കു​ട്ടി​ക്രി​ക്ക​റ്റി​ൽ ഇ​ന്ത്യ​യു​ടെ ഭാ​വി ഭദ്രം; പ​തി​നാ​ലാം രാവിലെ താ​ര​ങ്ങ​ൾ ഇവരാണ്​

ദു​ബൈ: ഓ​രോ ഐ.​പി.​എ​ല്ലും ഇ​ന്ത്യ​ൻ ക്രി​ക്ക​റ്റി​ന്​ മി​ക​ച്ച താ​ര​ങ്ങ​ളെ സം​ഭാ​വ​ന ചെ​യ്യാ​റു​ണ്ട്. 14ാം ഐ.​പി.​എ​ല്ലും അ​ക്കാ​ര്യ​ത്തി​ൽ മോ​ശ​മാ​ക്കി​യി​ല്ല. ഇ​ന്ത്യ​ൻ ടീ​മി​ലേ​ക്ക്​ ഏ​തു​നി​മി​ഷ​വും വി​ളി​ക്ക​പ്പെ​ടാ​ൻ പാ​ക​ത്തി​ൽ മാ​റ്റു​തെ​ളി​യി​ച്ച നി​ര​വ​ധി താ​ര​ങ്ങ​ളെ​യാ​ണ്​ ഇ​ക്കു​റി​യും ഐ.​പി.​എ​ൽ സം​ഭാ​വ​ന ചെ​യ്​​ത​ത്. ​

പ്ര​ഗ​ല്​​ഭ​രാ​യ നി​ര​വ​ധി വി​ദേ​ശ​താ​ര​ങ്ങ​ൾക്കിടയിലും ബാ​റ്റി​ങ്ങി​ലും ബൗ​ളി​ങ്ങി​ലും എ​ല്ലാ​വ​രെ​യും ക​ട​ത്തി​വെ​ട്ടി​യ​ത്​ ഇ​ന്ത്യ​ൻ യു​വ​താ​ര​ങ്ങ​ൾ. ഓ​റ​ഞ്ച്​ ക്യാ​പ്പും പ​ർ​പ്പി​ൾ ക്യാ​പ്പും നേ​ടി​യ​തും ഇ​ന്ത്യ​ൻ യു​വ​താ​ര​ങ്ങ​ൾ. കു​ട്ടി​ക്രി​ക്ക​റ്റി​ൽ ഇ​ന്ത്യ​യു​ടെ ഭാ​വി ഭദ്രമെന്ന സ​ന്ദേ​ശം കൂ​ടി ചെ​ന്നൈ സൂ​പ്പ​ർ കി​ങ്​​സി​െൻറ കി​രീ​ട​ധാ​ര​ണ​ത്തോ​ടെ സ​മാ​പി​ച്ച ഐ.​പി.​എ​ൽ സാ​ക്ഷ്യ​പ്പെ​ടു​ത്തു​ന്നു.

1 ഋ​തു​രാ​ജ്​ ഗെ​യ്​​ക്​​വാ​ദ്​

ക​ഴി​ഞ്ഞ സീ​സ​ണി​ൽ 'ഫ​യ​ർ' ഇ​ല്ലെ​ന്ന ആ​ക്ഷേ​പം സാ​ക്ഷാ​ൽ ധോ​ണി​യി​ൽ​നി​ന്ന്​ നേ​രി​ടേ​ണ്ടി​വ​ന്ന ഋ​തു​രാ​ജ്​ ആ​യി​രു​ന്നി​ല്ല ഇ​ത്ത​വ​ണ ചെ​ന്നൈ സൂ​പ്പ​ർ കി​ങ്​​സി​െൻറ ഓ​പ്പ​ണി​ങ്ങി​ൽ ക​ണ്ട​ത്. 16 മ​ത്സ​ര​ങ്ങ​ളി​ൽ നി​ന്ന്​ 635 റ​ൺ​സ്​ നേ​ടി​യ ഋ​തു​രാ​ജ്​ ഒ​രു സെ​ഞ്ച്വ​റി​യും നാ​ല്​ അ​ർ​ധ സെ​ഞ്ച്വ​റി​യും ത​െൻറ പേ​രി​ൽ കു​റി​ച്ചാ​ണ്​ ഓ​റ​ഞ്ച്​ ക്യാ​പ്പി​ന്​ അ​ർ​ഹ​നാ​യ​ത്.

അ​ധി​കം വൈ​കാ​തെ ഇ​ന്ത്യ​ൻ ടീ​മി​ൽ എ​ത്താ​ൻ ഏ​റ്റ​വും സാ​ധ്യ​ത​യു​ള്ള ക​ളി​ക്കാ​ര​നും ഋ​തു​രാ​ജാ​ണ്. 136.26 സ്​​ട്രൈ​ക്​ റേ​റ്റു​ള്ള ഋ​തു​രാ​ജി​െൻറ മി​ക​വി​ലാ​ണ്​ ചെ​​ന്നൈ ആ​ദ്യം ത​ന്നെ പ്ലേ ​ഓ​ഫ്​ പി​ടി​ച്ച​തും ചാ​മ്പ്യ​നാ​യ​തും.

2 ഹ​ർ​ഷ​ൽ പ​​ട്ടേ​ൽ

വി​രാ​ട്​ കോ​ഹ്​​ലി​യു​ടെ റോ​യ​ൽ ചാ​ല​ഞ്ചേ​ഴ്​​സ്​ ബാം​ഗ്ലൂ​രി​ന്​ ഇ​ക്കു​റി​യും കി​രീ​ടം കി​ട്ടാ​ക്ക​നി​യാ​യെ​ങ്കി​ലും 15 മ​ത്സ​ര​ങ്ങ​ളി​ൽ നി​ന്ന്​ 32 വി​ക്ക​റ്റു​മാ​യി ഏ​റ്റ​വും കൂ​ടു​ത​ൽ വി​ക്ക​റ്റ്​ വീ​ഴ്​​ത്തി പ​ർ​പ്പി​ൾ ക്യാ​പ്പ​ണി​ഞ്ഞ ഹ​ർ​ഷ​ൽ ​പ​​ട്ടേ​ലി​െൻറ പ്ര​ക​ട​നം മി​ക​ച്ചു​ത​ന്നെ നി​ന്നു. ഒ​രു ഹാ​ട്രി​ക്ക​ട​ക്ക​മാ​ണ്​ ഹ​ർ​ഷ​ൽ ഡ്വൈ​ൻ ​ബ്രാ​വോ​യു​ടെ 32 വി​ക്ക​റ്റ്​ എ​ന്ന റെ​ക്കോ​ഡി​നൊ​പ്പ​മെ​ത്തി​യ​ത്. ഭാ​വി ഇ​ന്ത്യ​ൻ താ​ര​ത്തെ​യാ​ണ്​ ഹ​ർ​ഷ​ലി​ൽ കാ​ണു​ന്ന​ത്.

3 വെ​ങ്കി​ടേ​ശ്​ അ​യ്യ​ർ

ഐ.​പി.​എ​ൽ യു.​എ.​ഇ​യി​ലേ​ക്ക്​ പ​റി​ച്ചു​ന​ട്ട ശേ​ഷ​മാ​ണ്​ കൊ​ൽ​ക്ക​ത്ത നൈ​റ്റ്​​റൈ​ഡേ​ഴ്​​സി​െൻറ നി​ര​യി​ൽ വെ​ങ്കി​ടേ​ശ്​ അ​യ്യ​ർ എ​ന്ന താ​രം ഉ​ദി​ച്ചു​യ​രു​ന്ന​ത്. അ​യ്യ​രു​ടെ മി​ക​വി​ൽ അ​ടി​മു​ടി മാ​റി​യ കൊ​ൽ​ക്ക​ത്ത​യെ​യാ​ണ് ര​ണ്ടാം പ​കു​തി​യി​ൽ ക​ണ്ട​ത്. 10 മ​ത്സ​ര​ങ്ങ​ളി​ൽ​നി​ന്ന്​ 370 റ​ൺ​സെ​ടു​ത്തു. സൗ​ര​വ്​ ഗാം​ഗു​ലി​യു​ടെ ആ​രാ​ധ​ക​നാ​യ വെ​ങ്കി​ടേ​ശ്​ അ​യ്യ​ർ വൈ​കാ​തെ ഇ​ന്ത്യ​ൻ ടീ​മി​ലെ​ത്തു​മെ​ന്നു​​ പ്ര​തീ​ക്ഷി​ക്കു​ന്നു.

4 ആ​വേ​ശ്​ ഖാ​ൻ

ലീ​ഗ്​ മ​ത്സ​ര​ങ്ങ​ളി​ൽ​നി​ന്ന്​ ഏ​റ്റ​വും കൂ​ടു​ത​ൽ പോ​യ​ൻ​റു​മാ​യി പ്ലേ​ഓ​ഫി​ൽ ക​യ​റി​യ ഡ​ൽ​ഹി ക്യാ​പി​റ്റ​ൽ​സി​ന്‍റെ വി​ജ​യ​ങ്ങ​ളി​ൽ ആ​വേ​ശ്​ ഖാ​നെ​ന്ന ബൗ​ള​റു​ടെ ആ​വേ​ശോ​ജ്ജ്വ​ല​മാ​യ ബൗ​ളി​ങ്ങു​ണ്ടാ​യി​രു​ന്നു. ആ​വേ​ശി​െൻറ വ​ർ​ഷ​മാ​യി​രു​ന്നു ഇ​ക്കു​റി. 2017 മു​ത​ൽ ഐ.​പി.​എ​ല്ലി​ൽ ക​ളി​ക്കു​ന്ന ആ​വേ​ശ്​ ഖാ​ന്​ മൂ​ർ​ച്ച​യേ​റി​യ​തും ഈ ​വ​ർ​ഷ​മാ​ണ്. 16 ക​ളി​ക​ളി​ൽ നി​ന്ന്​ 24 വി​ക്ക​റ്റ്​ വീ​ഴ്​​ത്തി​യ ആ​വേ​ശ്​ വി​ക്ക​റ്റ്​ വേ​ട്ട​ക്കാ​രി​ൽ ര​ണ്ടാ​മ​നു​മാ​ണ്. ഇ​ന്ത്യ​ൻ ടീ​മി​ലെ​ത്താ​ൻ മി​ക​ച്ച സാ​ധ്യ​ത​യാ​ണ്​ കാ​ണു​ന്ന​ത്.

5 ഉം​റാ​ൻ മാ​ലി​ക്

​സ​ൺ​റൈ​സേ​ഴ്​​സ്​ ഹൈ​ദ​രാ​ബാ​ദി​നാ​യി വെ​റും മൂ​ന്നു മ​ത്സ​ര​ങ്ങ​ൾ മാ​ത്രം ക​ളി​ച്ച്​ ര​ണ്ടു വി​ക്ക​റ്റ്​ സ്വ​ന്ത​മാ​ക്കാ​നേ ഉം​റാ​ൻ മാ​ലി​ക്കെ​ന്ന ക​ശ്​​മീ​രു​കാ​ര​ന്​ ക​ഴി​ഞ്ഞു​ള്ളൂ. പ​ക്ഷേ, ആ ​മൂ​ന്നു മ​ത്സ​ര​ങ്ങ​ൾ കൊ​ണ്ട്​ ഇ​ന്ത്യ​യു​ടെ ട്വ​ൻ​റി 20 ലോ​ക​ക​പ്പ്​ മ​ത്സ​ര​ങ്ങ​ൾ​ക്കു​ള്ള ടീ​മി​െൻറ നെ​റ്റ്​​സ്​ ബൗ​ള​റാ​യി ഇടം കി​ട്ടി​യ താ​ര​മാ​ണ്​ ഉം​റാ​ൻ മാ​ലി​ക്​ എ​ന്ന 22കാ​ര​ൻ. കാ​ര​ണം, അ​യാ​ളു​ടെ പ​ന്തു​ക​​ളു​ടെ അ​പാ​ര വേ​ഗ​മാ​ണ്​ മ​റ്റ്​ ബൗ​ള​ർ​മാ​രി​ൽ നി​ന്നും ഉം​റാ​നെ വേ​റി​ട്ടു നി​ർ​ത്തു​ന്ന​ത്. മും​ബൈ​ക്കെ​തി​​​രെ ഉം​റാ​ൻ എ​റി​ഞ്ഞ 152.95 കി​ലോ മീ​റ്റ​റാ​ണ്​ ഈ ​ടൂ​ർ​ണ​മെൻറി​െ​ല ഏ​റ്റ​വും വേ​ഗ​മേ​റി​യ പ​ന്ത്. ഉം​റാ​െൻറ വേ​ഗ​ത്തി​നു മു​ന്നി​ൽ ഇ​ന്ത്യ​ൻ ടീ​മി​ലേ​ക്കു​ള്ള വ​ഴി പാ​തി​തു​റ​ന്നു​ക​ഴി​ഞ്ഞു.