തകർന്നടിഞ്ഞ് ​​മുൻനിര ബാറ്റിങ്​; ഇന്ത്യക്ക്​ നെഞ്ചിടിക്കുന്നു

സതാംപ്​ടൺ: തെളിഞ്ഞ പകലിൽ ലോകടെസ്റ്റ്​ ചാമ്പ്യൻഷിപ്് ഫൈനലിന്‍റെ റിസർവ്​ ദിനത്തിൽ മത്സരം ആരംഭിച്ചതോടെ ഇന്ത്യക്ക്​ മേൽ ആശങ്കയുടെ കാർമേഘം ഇരുണ്ടുകൂടുന്നു. ഒടുവിൽ വിവരം ലഭിക്കു​േമ്പാൾ അഞ്ചിന്​​ 109 റൺസെന്ന നിലയിലാണ്​ ഇന്ത്യ. രണ്ട്​ വിക്കറ്റിന്​ 64 റൺസെന്ന നിലയിൽ ബാറ്റിങ്​ ആരംഭിച്ച ഇന്ത്യക്ക്​ ബാറ്റിങ്ങിലെ നെടുംതൂണുകളായ വിരാട്​ കോഹ്​ലിയെയും ചേതേശ്വർ പുജാരയെയും വേഗം നഷ്​ടമായി. ടീം സ്​കോർ 109ൽ നിൽക്കേ 13 റൺസുമായി അജിൻക്യ രഹാനെയും മടങ്ങിയതോടെ ഇന്ത്യ ആശങ്കയുടെ തീരത്താണ്​.

13 റൺസെടുത്തുനിൽക്കേ കോഹ്​ലിയെ വിക്കറ്റ്​ കീപ്പർ വാൽട്ടിങ്ങിന്‍റെ കൈകളിലെത്തിച്ച്​ കൈൽ ജാമിസണാണ്​ ആദ്യ പ്രഹരം നൽകിയത്​. ആദ്യ ഇന്നിങ്​സിലും കോഹ്​ലിയെ പുറത്താക്കിയത്​ ജാമിസണായിരുന്നു. ടീം സ്​കോർ ബോർഡിൽ ഒരു റൺസ്​ കൂടി ​കൂട്ടിച്ചേർക്കു​േമ്പാഴേക്കും പുജാരയെയും ജാമിസൺ പവലിയനിലേക്ക്​ മടക്കി.

21 റൺസുമായി റിഷഭ്​ പന്തും റൺസൊന്നുമെടുക്കാതെ രവീന്ദ്ര ജദേജയുമാണ്​ ക്രീസിൽ. ആദ്യ ഇന്നിങ്​സിൽ 32 റൺസിന്‍റെ ലീഡുള്ള ന്യൂസിലൻഡിന്​ ഇന്ത്യയെ വേഗത്തിൽ പുറത്താക്കിയാൽ വിജയപ്രതീക്ഷ ശേഷിക്കുന്നുണ്ട്​. പരമാവധി ​ക്രീസിലുറച്ച്​ നിന്ന്​ മത്സരം സമനിലയിലേക്ക്​ നയിക്കാനാകും ഇന്ത്യൻ ശ്രമം. അത​ല്ലെങ്കിൽ ബൗളിങ്ങിൽ അത്​ഭുതങ്ങൾ സംഭവിക്കാനോ മഴ പെയ്യാനോ പ്രാർഥിക്കേണ്ടി വരും.