Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightഅരങ്ങേറ്റത്തിൽ അപൂർവ...

അരങ്ങേറ്റത്തിൽ അപൂർവ റെക്കോഡ്​ സ്വന്തം പേരിലാക്കി ദേവ്​ദത്ത്​ പടിക്കൽ

text_fields
bookmark_border
Devdutt Padikkal
cancel

കൊളംബോ: ആർ. പ്രേമദാസ സ്​റ്റേഡിയത്തിൽ ഇന്ത്യ-ശ്രീലങ്ക രണ്ടാം ട്വന്‍റി20 മത്സരത്തിൽ ഇന്ത്യൻ ജഴ്​സിയിൽ അരങ്ങേറിയ കർണാടകയുടെ മലയാളി ​താരം ദേവ്​ദത്ത്​ പടിക്കലിനെ തേടിയെത്തിയത്​ അപൂർവ റെക്കോഡ്​. 21ാം നൂറ്റാണ്ടിൽ ജനിച്ച്​ ഇന്ത്യക്കായി കളിക്കുന്ന ആദ്യ താരമായി മാറിയിരിക്കുകയാണ്​ 21കാരനായ ദേവ്​ദത്ത്​.

അരങ്ങേറ്റ മത്സരത്തിൽ 23 പന്തിൽ നിന്ന്​ താരം 29 റൺസ്​ സ്​കോർ ചെയ്​തെങ്കിലും വനിഡു ഹസരങ്കയുടെ പന്തിൽ ക്ലീൻ ബൗൾഡായി മടങ്ങി.

റുതുരാജ്​ ഗെയ്​ക്​വാദ്, നിതീഷ്​ റാണ, ചേതൻ സകരിയ എന്നിവരടക്കം ബുധനാഴ്ച ഇന്ത്യൻ ജഴ​്​സിയിൽ അരങ്ങേറിയത്​ നാല്​ കളിക്കാരാണ്​. ക്രുനാൽ പാണ്ഡ്യക്ക്​ കോവിഡ്​ സ്​ഥിരീകരിച്ചതോടെ താരവുമായി അടുത്ത്​ ഇടപഴകിയ താരങ്ങളെ കളത്തിലിറകിയിരുന്നില്ല. ഹർദിക്​ പാണ്ഡ്യ, സൂര്യകുമാർ യാദവ്​, ഇഷാൻ കിഷൻ, മനീഷ്​ പാണ്ഡേ, പൃഥ്വി ഷാ, യൂസ്​വേന്ദ്ര ചഹൽ, ദീപക്​ ചഹർ, കൃഷ്​ണപ്പ ഗൗതം എന്നിവരാണ്​ നിരീക്ഷണത്തിലുള്ളത്​.

ഇന്ത്യൻ അണ്ടർ 19 ടീം താരമായിരുന്ന പടിക്കൽ രഞ്​ജി അരങ്ങേറ്റ സീസണിൽ തന്നെ കർണാടകക്കായി മിന്നുന്ന പ്രകടനം പുറത്തെടുത്തിരുന്നു. ഇതോടെ 2019 ഐ.പി.എൽ താരലേലത്തിൽ റോയൽ ചലഞ്ചേഴ്​സ്​ ബാംഗ്ലൂർ താരത്തെ ടീമിലെത്തിച്ചു. 15 മത്സരങ്ങളിൽ നിന്ന്​ അഞ്ച്​ അർധസെഞ്ച്വറിയടക്കം 473 റൺസ്​ അടിച്ചുകൂട്ടിയ പടിക്കൽ കന്നി ഐ.പി.എൽ സീസണിൽ തന്നെ എമർജിങ്​ പ്ലെയർ അവാർഡ്​ സ്വന്തമാക്കി.

പാതിവഴിയിൽ നിർത്തിവെച്ച ഐ.പി.എൽ 2020ൽ പടിക്കൽ തന്‍റെ കന്നി സെഞ്ച്വറിയും സ്വന്തമാക്കിയിരുന്നു. രാജസ്​ഥാൻ റോയൽസിനെതിരെ 52പന്തിൽ നിന്നാണ്​ 101 റൺസ്​ അടിച്ചു കൂട്ടിയിരുന്നത്​. ​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:india vs srilankaDevdutt Padikkalindian cricketindian debut
News Summary - Devdutt Padikkal becomes first cricketer born in this millennium to play for India
Next Story