Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightലങ്കയിൽ നായകനും...

ലങ്കയിൽ നായകനും ഉപനായകനും ഏറ്റുമുട്ടിയപ്പോൾ ജയം ഭുവിക്ക്​; ദേവ്​ദത്ത്​ പടിക്കൽ തിളങ്ങി

text_fields
bookmark_border
Bhuvneshwar XI - Dhawan XI
cancel

കൊളംബോ: പരിമിത ഓവർ ക്രിക്കറ്റ്​ പരമ്പരകൾക്കായി ലങ്കയിലെത്തിയ ഇന്ത്യൻ ടീമി​െൻറ തയാറെടുപ്പുകൾ പുരോഗമിക്കുകയാണ്​. തിങ്കളാഴ്​ച നടന്ന പരിശീലന മത്സരത്തിൽ നായകൻ ശിഖർ ധവാനും ഉപനായകൻ ഭുവനേശ്വർ കുമാറും നയിച്ച ടീമുകൾ പരസ്​പരം പോരാടിയപ്പോൾ ജയം ഭുവിക്ക്​​.

ടോസ്​ നേടി ആദ്യം ബാറ്റുചെയ്​ത ധവാ​െൻറ ടീം മനീഷ്​ പാണ്ഡേയുടെയും (45 പന്തിൽ 63) യുവതാരം റുതുരാജ്​ ഗെയ്​ക്​വാദി​െൻറ (30+) മികവിൽ 20 ഓവറിൽ 154 റൺസ്​ സ്​കോർ ചെയ്​തു. നാലോവറിൽ 23 റൺസ്​ മാത്രം വഴങ്ങി രണ്ടു വിക്കറ്റ്​ വീഴ്​ത്തിയ ഭുവി നായകനൊത്ത പ്രകടനം നടത്തി.

ധവാനും സംഘവും ഉയർത്തിയ വിജയലക്ഷ്യം ഭുവനേശ്വറി​െൻറ ടീം 17 ഓവറിൽ മറികടന്നു. മലയാളി താരം ദേവ്​ദത്ത്​ പടിക്കലും പൃഥ്വി ഷായും ചേർന്ന്​ ഓപണിങ്​ വിക്കറ്റിൽ നേടിയ 60 റൺസാണ്​ ഭുവിയുടെ ടീമിന്​ അടിത്തറയായത്​. ശേഷം വെടിക്കെട്ട്​ ഫിഫ്​റ്റി നേടിയ സൂര്യകുമാർ യാദവ് (50+)​ ടീമിന്​ അനായാസ ജയം സമ്മാനിച്ചു. ബി.സി.സി.ഐയുടെ സോഷ്യൽ മീഡിയ പേജുകളിൽ പങ്കുവെച്ച വിഡിയോയിലൂടെ ടീമി​െൻറ ബൗളിങ്​ കോച്ചായ പരസ്​ മാം​ബ്രെ മത്സരം കുറഞ്ഞ വാക്കുകളിൽ വിവരിച്ചു.

ജൂലൈ പതിമൂന്നിനാണ്​ ശ്രീലങ്കക്കെതിരായ ആദ്യ ഏകദിനം. മൂന്ന്​ മത്സരങ്ങൾ വീതമുള്ള ഏകദിന, ട്വൻറി20 പരമ്പരകളാണ്​ ഇന്ത്യ കളിക്കുന്നത്​. ഇംഗ്ലണ്ടിൽ ടെസ്​റ്റ്​ പരമ്പര കളിക്കുന്നതിനാൽ സീനിയർ താരങ്ങളായ വിരാട്​ കോഹ്​ലി, രോഹിത്​ ശർമ, കോച്ച്​ രവി ശാസ്​ത്രി എന്നിവർ ഇല്ലാതെയാണ്​​ ഇന്ത്യ മരതക ദ്വീപിലെത്തിയത്​. മുൻ ഇന്ത്യൻ നായകൻ രാഹുൽ ദ്രാവിഡാണ്​ ടീമി​െൻറ പരിശീലകൻ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Devdutt Padikkalindian cricketpractice match
News Summary - Bhuvneshwar Kumar XI beat Shikhar Dhawan XI in intra-squad practice match devdutt padikkal shines
Next Story